Hwliti 4:11 - MAWUXÓWÉMA

¹¹ Tomɛxó lɛ́ɛ kpódó mɛ e ɖo fínɛ́ lɛ́ɛ bǐ kpán yí gbe ɖɔ: “Ɛɛn nukún mǐtɔn mɛ wɛ nǔ énɛ́ lɛ́ɛ bǐ jɛ ɖe. Mawu Mavɔmavɔ ní xo ɖɛ dó nyɔ̌nu e byɔ́ xɔ towe sá ɔ́ jí, bónú é ní gba kún Jakɔ́bu sín asi Hlacɛ́li kpó Lěya kpó e dó Izlayɛ́li ví lɛ́ɛ sín kún é ɖɔhun. Dɔkun towe ní d'agba ɖo Efláta sín ayǐkúngban jí. Nyǐkɔ towe ní yi jǐ ɖo Bɛteleyɛ́mu to ɔ́ bǐ mɛ.

Hwliti 4:11 Iomraidhean Croise

Bǐbɛ́mɛ 23:10

Eflɔ́ni ɖésú ká ɖo yě mɛ fínɛ́ hwenɛ́nu; Hitíti wɛ é lɔmɔ̌ nyí. É yí gbe nú Ablaxámu ɖo nɔví tɔn e wá kplé ɖo toxo ɔ́ sín hɔntogbó jí lɛ́ɛ nukɔn ɖɔ:

Bǐbɛ́mɛ 24:60

Yě xo ɖɛ dó Hlebeka jí bó ɖɔ: “Hwi nɔví mǐtɔn ɔ́ ní húzú gbɛtɔ́ wɔ̌buwɔ́bú sín nɔ. Kúnkan towe lɛ́ɛ ní ɖu ɖo mɛ e gbɛ́ wǎn nú we lɛ́ɛ jí.”

Bǐbɛ́mɛ 29:16

Labáan ka ɖó nyɔ̌nuví we: nukɔngbéví tɔn nyí Lěya, mɛ e jɛ Lěya nɛgbé ɔ́ nɔ nyí Hlacɛ́li.

Bǐbɛ́mɛ 29:25

Ée ayǐ hɔ́n ɔ́, Jakɔ́bu wá mɔ ɖɔ Lěya wɛ, bó ɖɔ: “Lěya wɛ a?” Énɛ́ ɔ́, é kanbyɔ́ Labáan ɖɔ: “Étɛ́ a blǒ xá mì nɛ́? Hlacɛ́li wú wɛ un wa azɔ̌ nú we ǎ cé? Aniwú wɛ a flú mì?”

Bǐbɛ́mɛ 29:32

Énɛ́ ɔ́, Lěya mɔ xo bó ji vǐ súnnu ɖokpó, bó sun nyǐ i ɖɔ Hwlibɛ́ni, Hwlibɛ́ni sín tínmɛ wɛ nyí “É mɔ”, ɖó é ɖo ɖiɖɔ wɛ ɖɔ: “Mawu Mavɔmavɔ mɔ ɖɔ è ɖe mì kpo nǔgbó. Asú ce ná yí wǎn nú mì lo.”

Bǐbɛ́mɛ 35:23

Vǐ súnnu e Lěya ji n'i lɛ́ɛ ɖíe: Hwlibɛ́ni, Sinmɛnyɔ́ɔ, Levíi, Judáa, Isakáa, kpó Zabulɔ́ɔn kpó. Hwlibɛ́ni wɛ nyí nukɔngbéví Jakɔ́bu tɔn.

Bǐbɛ́mɛ 35:24

Hlacɛ́li sín vǐ súnnu lɛ́ɛ ɖíe: Jozɛ́fu kpó Bɛnjamɛ́ɛ kpó.

1 Axɔ́sú 21:8

Ée é ɖɔ mɔ̌ ɔ́, é wlán wěma dó axɔ́sú Akábu sín nyǐkɔ mɛ, bó sɔ́ axɔ́sú ɔ́ sín wuntun ɖó yě jí. É bɛ́ wěma lɛ́ɛ sɛ́ dó tomɛxó lɛ́ɛ kpó tonukún lɛ́ɛ kpó ɖo Izleyɛ́li fí e Nabɔti ɖe é.

1 Tan 2:51

Đokpó nɔ́ nyí Saluma. É wɛ ɖó Bɛteleyɛ́mu toxo ɔ́ ayǐ. Đokpó nɔ́ nyí Halɛ́fu. É wɛ ɖó Bɛti-Gadɛ́ɛ toxo ɔ́ ayǐ.

Ɖɛhan 132:6

Mǐ se bɔ é ɖɔ: Akɔjijɛgbá mímɛ́ ɔ́ ɖo Efláta, bɔ mǐ yi mɔ ɖo Yaa nǔkan mɛ.

Nǔnywɛ́xó 14:1

Nyɔ̌nu e ɖó nǔnywɛ́ ɔ́ nɔ́ hɛn xwé; nyɔ̌nu xlonɔ ka nɔ gba xwé.

Nǔnywɛ́xó 31:23

Asú tɔn ɔ́, gbɛtɔ́ nukúnɖéjí wɛ; è nɔ ɖó sísí n'i; é nɔ́ yi tomɛxó lɛ́ɛ sín kplé.

Jelemíi 32:10

Un bló gle ɔ́ sín wěma ɖó we jí; un sú wěma ɔ́ ɖokpó ɖo kúnnuɖetɔ́ nukɔn, bó sɔ́ nǔ e un nɔ dó ɖó wuntun nǔ ná ɔ́ dó ɖó wuntun, bó da akwɛ́ e un dó xɔ gle ɔ́ ná é kpɔ́n ɖo gan jí.

Micée 5:2

Énɛ́ ɔ́ wú wɛ Mawu Mavɔmavɔ ná jó togun tɔn dó nú kɛntɔ́ lɛ́ɛ káká jɛ hwenu e nyɔ̌nu e ɖo ajidonu ɔ́ ná ji vǐ dó é. Yě mɛ e ná kpo ɖo gbɛ ɖo kannumɔgbénu lɛ́ɛ ná lɛ́ kɔ wá gɔ́ nú Izlayɛ́li ví e kpo ɖo xwé lɛ́ɛ.

Matíe 2:6

‘Hwɛ, Bɛteleyɛ́mu, toxo e ɖo Juda yíkúngban jí é! A ɖo tó ɖěbǔ ɖo Juda toxo ɖaxó lɛ́ɛ mɛ ǎ, ɖó agblo towe mɛ wɛ axɔ́sú ɖé ná tɔ́n ɖe, bó ná kpé nukún dó togun ce Izlayɛ́li wú.’ ”

Sɛ́nflínmɛ 25:7

Ényí mɛ ɔ́ má ká jló ná da nɔví tɔn sín asi ǎ ɔ́, nyɔ̌nu ɔ́ ná yi tomɛxó lɛ́ɛ gɔ́n ɖo toxo ɔ́ sín hɔntogbó jí, bó ná ɖɔ nú yě ɖɔ: “Asú ce nɔví gbɛ́ ɖɔ émí kún ná hɛn nɔví émítɔn sín nyǐkɔ ɖó te ɖo Izlayɛ́li ó. Asú ce nɔví jló ná nɔ asú do mɛ nú mì ǎ.”

Sɛ́nflínmɛ 25:9

nɔví tɔn si ɔ́ ná sɛkpɔ́ ɛ ɖo tomɛxó lɛ́ɛ bǐ nukún mɛ, bó ná ɖe afɔkpa sín afɔ n'i, bó ná tún atán dó nukún mɛ n'i, bó ná yí xó, bó ɖɔ: “Lě e è nɔ wa nǔ gbɔn nú mɛ e ma jló ná ɖó donu nú nɔví tɔn ǎ é nɛ́.”

Hwliti 1:2

Nya ɔ́ nɔ́ nyí Elimɛlɛ́ki; asi tɔn nɔ nyí Nɔemíi, bɔ vǐ tɔn we lɛ́ɛ ɖokpó nɔ́ nyí Maxlɔ́ni, bɔ ɖokpó nɔ́ nyí Kiliɔ́ni. Efláta nu wɛ nú yě. Ée yě wǎ Mɔwabu ɔ́, yě sá xwé nyi fínɛ́.