Hwliti 4:10 - MAWUXÓWÉMA

¹⁰ Mɔ̌ ɖokpó ɔ́, un sɔ́ Hwliti Mɔwabunu, Maxlɔ́ni e kú ɔ́ sín asi ɖó xɔ ce sá. Énɛ́ ɔ́, ayǐkúngban ɔ́ ná nɔ mɛ e kú ɔ́ sín hɛ̌nnu mɛ, vǐ tɔn lɛ́ɛ ná hɛn nyǐkɔ tɔn ɖó te ɖo hɛ̌nnumɔ tɔn lɛ́ɛ tɛ́ntin, bó ná hɛn ɖó te ɖo to tɔn mɛ. Mi bǐ nukún mɛ wɛ nǔ énɛ́ lɛ́ɛ bǐ jɛ ɖe.”

Hwliti 4:10 Iomraidhean Croise

Bǐbɛ́mɛ 29:27

Mǐ ní tó ɖu alɔwlíwlíxwe ɔ́ hwɛ̌; énɛ́ ɔ́ gúdo ɔ́, un nǎ ná mɛ ɖě ɔ́ lɔ we; amɔ̌, a nǎ lɛ́ wa azɔ̌ nú mì nú xwe tɛ́nwe ɖěvo.”

Bǐbɛ́mɛ 38:9

Ɔɔnáni ka tunwun ɖɔ vǐ e émí ná ji n'i ɔ́ kún ná nyí vǐ émítɔn ó; énɛ́ ɔ́ wú ɔ́, nú é ɖó xó xá fofó tɔn sín asi ɔ́, é nɔ́ ná afɔ kɔn nyi kɔ́ mɛ, bónú fofó tɔn ní má ɖó vǐ ɖé donu ó.

Ɖɛhan 109:15

Mawu Mavɔmavɔ ní nɔ́ flín tɛgbɛ, é ní ɖe nyǐkɔ yětɔn sín gbɛ ɔ́ mɛ.

Ɖɛhan 34:16

Mawu Mavɔmavɔ sín nukún nɔ́ nɔ mɛ e nɔ wa nǔ jlɔ́jlɔ́ lɛ́ɛ jí. Tó tɔn ɖo te, bó nɔ se xó e yě ná sú é,

Nǔnywɛ́xó 18:22

Mɛ e mɔ asi ɔ́, nǔ wɛ nyɔ́ n'i; Mawu Mavɔmavɔ wɛ wa ɖagbe énɛ́ ɔ́ n'i.

Nǔnywɛ́xó 19:14

Tɔ́ mɛtɔn sín dɔkun kpó xwé tɔn kpó ɔ́, è hɛn ɔ́, è nǎ ɖu gǔ tɔn; amɔ̌, nyɔ̌nu e ayi tɔn nɔ ɖo te ɔ́, Mawu Mavɔmavɔ ɖokpónɔ wɛ nɔ ná mɛ.

Ezayíi 48:19

Vǐ towe lɛ́ɛ ná sukpɔ́ wɔɖɔɖɔ xuta kɔ́ ɖɔhun, nyǐkɔ yětɔn ná ɖo nukɔn ce tɛgbɛ.”

Ozée 12:12

Galadinu lɛ́ɛ ɔ́, nǔnyanyawatɔ́ wɛ yě nyí titewungbe. Yě nyǐ nǔɖé wa nú ǎ. Yě nɔ́ zé nyibúsú lɛ́ɛ dó sá vɔ̌ ɖě jɛ ɖě jí lɛ́ɛ ná ɖo goxɔ Gilugalu tɔn ɔ́ mɛ. Lo ɔ́, vɔ̌sákpe yětɔn lɛ́ɛ ná cí awǐnnya e è lǐ ɖó sonu sonu ɖo hwɛnxlo mɛ, ɖo gle mɛ lɛ́ɛ ɖɔhun.

Ozée 3:2

Ée Mawu Mavɔmavɔ ɖɔ mɔ̌ ɔ́, un zé kpatágankwɛ́ afɔtɔn kpódó jinukún e è nɔ ylɔ́ ɖɔ ɔ́ji ɔ́ kilóo afɔwe kanɖé wǒ (450) kpó dó yí nyɔ̌nu ɔ́ ná.

Zakalíi 13:2

Hwenɛ́nu ɔ́, Mawu Mavɔmavɔ Nǔbǐwúkpétɔ́ ɔ́ ɖɔ: “Un ná sú vodún lɛ́ɛ sín kún dó ɖo to ɔ́ mɛ, bɔ mɛ ɖěbǔ sɔ́ ná nɔ́ flín yě ǎ. Mɔ̌ ɖokpó ɔ́, un ná sú mɛ e nɔ ylɔ́ yěɖée ɖɔ gbeyíɖɔ ce lɛ́ɛ sín kún dó, bó ná ɖe nǔ e nɔ́ zɔ́n bɔ mi nɔ yí wǎn nú vodún sinsɛn ɔ́ sín ayi mitɔn mɛ.

Malacíi 2:14

Énɛ́ ɔ́, mi nɔ kanbyɔ́ ɖɔ étɛ́wú ká wɛ? Nǔ e wú wɛ ɔ́ ɖíe: mi dó akpá ɖo Mawu Mavɔmavɔ nukɔn ɖɔ émí ná nɔ gbejí nú asi e mi da ɖo wǐnnyáwínnyá mɛ é. Asi mitɔn wɛ é nyí, mi wɛ da cóbó ka lɛ́ jó e dó.

Efɛ́zinu 5:25

Súnnu lɛ́ɛ mi, mi yí wǎn nú asi mitɔn lɛ́ɛ, lě e Klísu yí wǎn nú agun ɔ́ gbɔn káká bó sɔ́ éɖée jó dó ta tɔn mɛ é.

Sɛ́nflínmɛ 25:6

Vǐ súnnu nukɔntɔn e nyɔ̌nu ɔ́ ná ji é ná nyí vǐ nú mɛ e kú é. Énɛ́ ɔ́, nyǐkɔ tɔn ná bú ɖo Izlayɛ́li gbeɖé ǎ.

Eblée 13:4

Asi dida abǐ asú dida ní nyí nǔsísí; asú kpó asi kpó ní nɔ gbejí nú yěɖée. Mawu ná ɖó hwɛ nú mɛ e nɔ ɖo nǔblíblí wa wɛ lɛ́ɛ kpódó mɛ e nɔ ɖo aga lɛ wɛ lɛ́ɛ kpó.

Jozuwée 7:9

Kanáanu lɛ́ɛ kpó mɛ e ɖo to ɔ́ mɛ lɛ́ɛ bǐ kpó ná se xó énɛ́ ɔ́, bó ná wá xá mǐ, lobo ná sú kún mǐtɔn dó. Ényí nǔ ká cí mɔ̌ ɔ́, nɛ̌ wɛ a nǎ ɖe susu towe xlɛ́ gbɔn lo?”

Hwliti 4:9

Bɔ Bowozi ɖɔ nú tomɛxó lɛ́ɛ kpódó mɛ e ɖo fínɛ́ lɛ́ɛ bǐ kpán ɖɔ: “Mi mɛ bǐ nukún mɛ wɛ un yí nǔ e nyí Elimɛlɛ́ki kpódó vǐ tɔn Kiliɔ́ni kpó Maxlɔ́ni kpán tɔn lɛ́ɛ bǐ ɖo Nɔemíi sí ɖe égbé din mɛ.