Hwliti 4:1 - MAWUXÓWÉMA

¹ Daxwi énɛ́ ɔ́ mɛ ɔ́, Bowozi yi toxo ɔ́ sín hɔntogbó jí fí e è nɔ kplé xó ɖɔ ɖe ɔ́, bó jínjɔ́n ayǐ. Fínɛ́ wɛ é ɖe bɔ nya e xó é ɖɔ nú Hwliti ɖɔ é sɛkpɔ́ ɛ hú émí ɔ́ wá xweyǐgbe, lobɔ é ylɔ́ ɛ, bó ɖɔ é ní wá jínjɔ́n ayǐ, bɔ nya ɔ́ wá jínjɔ́n ayǐ.

Hwliti 4:1 Iomraidhean Croise

Bǐbɛ́mɛ 19:1

Wɛnsagun Mawu tɔn we lɛ́ɛ wá Sodɔ́mu gbe nɛ́ gbe gbadanu. Lɔ̌ti ko ɖo ayǐjínjɔ́n ɖo hɔntogbó Sodɔ́mu tɔn ɔ́ jí hwenɛ́nu. Ée é mɔ wɛnsagun lɛ́ɛ ɔ́, é sí te bó yi kpé yě bó xwe agbɔ̌nnusú do.

Bǐbɛ́mɛ 23:10

Eflɔ́ni ɖésú ká ɖo yě mɛ fínɛ́ hwenɛ́nu; Hitíti wɛ é lɔmɔ̌ nyí. É yí gbe nú Ablaxámu ɖo nɔví tɔn e wá kplé ɖo toxo ɔ́ sín hɔntogbó jí lɛ́ɛ nukɔn ɖɔ:

Bǐbɛ́mɛ 34:20

Hamɔ́ɔ kpó vǐ tɔn Sikɛ́mu kpó yi toxo ɔ́ sín hɔntogbó jí, bó kplé mɛ yětɔn lɛ́ɛ, bó ɖɔ nú yě ɖɔ:

2 Samuwɛ́li 15:2

É nɔ́ fɔ́n zǎn, bó nɔ́ yi cí te ali e byɔ́ toxo ɔ́ mɛ ɔ́ tó, bɔ mɛ ɖěbǔ gbɔn fínɛ́ bó xwe hwɛ jɛ nú axɔ́sú ɔ́ gbé ɔ́, é nɔ kanbyɔ́ mɛ ɔ́ ɖɔ: “Fítɛ́ a gosín?” Nú mɛ ɔ́ ɖɔ: “Un gosín akɔta lě mɛ ɖo Izlayɛ́li” ɔ́,

2 Tan 18:9

Hwenɛ́nu ɔ́, Izlayɛ́li xɔ́sú ɔ́ kpódó Judáa xɔ́sú ɔ́ kpó ɖo ayǐjínjɔ́n ɖo axɔ́súzinkpo yětɔn yětɔn jí, bó ɖo axɔ́súwu yětɔn mɛ. Samalíi toxo ɔ́ sín hɔntogbó jí wɛ yě ɖe, ɖo gblogblo jí, bɔ gbeyíɖɔ lɛ́ɛ bǐ ɖo xó ɖɔ nú yě wɛ.

Jɔ̌bu 29:7

Nú un xwe tokplétɛn ɖo toxo ɔ́ sín hɔntogbó jí lobo ná jínjɔ́n ayǐ ɔ́,

Jɔ̌bu 31:21

Ényí un gblɔ́n adǎn nú tɔ́cyɔvǐ ɖo hwɛ nukɔn, bó ká tunwun ɖɔ hwɛɖɔtɔ́ lɛ́ɛ bǐ ná nɔ jǐ ce hǔn,

Ɖɛhan 69:12

Un sɔ́ caki dó, bó húzú slǎmɛɖɔnú yětɔn.

Nǔnywɛ́xó 31:23

Asú tɔn ɔ́, gbɛtɔ́ nukúnɖéjí wɛ; è nɔ ɖó sísí n'i; é nɔ́ yi tomɛxó lɛ́ɛ sín kplé.

Ezayíi 55:1

Mawu ɖɔ: “Mi mɛ e kɔ xú lɛ́ɛ mi, sin ɖíe, mi bǐ ní wá! Mi na bo ma ɖó akwɛ́ ǎ hǔn, mi wá. Mi wá yí nǔɖuɖu; vɔ̌nu wɛ. Mi wá yí vɛ̌ɛn kpó nyibúnɔ́sin kpó. É byɔ́ ɖɔ mi na hɛn akwɛ́ ǎ, é ká byɔ́ ɖɔ mi ná sú axɔ́ ǎ.

Jelemíi 32:10

Un bló gle ɔ́ sín wěma ɖó we jí; un sú wěma ɔ́ ɖokpó ɖo kúnnuɖetɔ́ nukɔn, bó sɔ́ nǔ e un nɔ dó ɖó wuntun nǔ ná ɔ́ dó ɖó wuntun, bó da akwɛ́ e un dó xɔ gle ɔ́ ná é kpɔ́n ɖo gan jí.

Amɔ́si 5:15

Mi gbɛ́ wǎn nú nǔ nyanya wiwa, mi yí wǎn nú nǔ ɖagbe wiwa. Mi jɛ hwɛɖɔxɔsá hǔn, mi nɔ ɖɔ xó e sɔgbe é. Énɛ́ ɔ́, afɔ nyɔ́ ɔ́, Mawu Mavɔmavɔ, Mawu Nǔbǐwúkpétɔ́ ɔ́ sixú kú nǔbláwǔ nú Jozɛ́fu sín vǐ e kpo lɛ́ɛ.

Zakalíi 2:6

Un kanbyɔ́ ɛ ɖɔ: “Fítɛ́ wɛ a xwe?” Bɔ é yí gbe nú mì ɖɔ: “Un xwe Jeluzalɛ́mu, bó ná jlɛ́ ga tɔn kpó gblǒ tɔn kpó.”

Sɛ́nflínmɛ 16:18

Mi ná zé hwɛɖɔtɔ́ kpó hwɛgbotɔ́ kpó gbɔn akɔta ɖokpó ɖokpó mɛ ɖo toxo e Mawu Mavɔmavɔ, Mawu mitɔn ná ná mi lɛ́ɛ bǐ mɛ, bɔ yě ná nɔ́ ɖɔ hwɛ ɖó sɛ́nxwi jí ɖo togun ɔ́ mɛ.

Sɛ́nflínmɛ 17:5

mi dɔn mɛ e hu hwɛ mɔ̌hunkɔtɔn ɔ́ jɛ toxo ɔ́ sín hɔntogbó jí, lobo nyi awǐnnyaglo dó e káká nú é kú. Mɛ ɔ́ sixú nyí súnnu, é sixú nyí nyɔ̌nu.

Sɛ́nflínmɛ 21:19

Nǔ cí mɔ̌ ɔ́, tɔ́ ɔ́ kpó nɔ ɔ́ kpó ná wlí i, bó ná kplá ɛ yi tomɛxó lɛ́ɛ nukɔn, ɖo toxo ɔ́ sín hɔntogbó jí,

Sɛ́nflínmɛ 25:7

Ényí mɛ ɔ́ má ká jló ná da nɔví tɔn sín asi ǎ ɔ́, nyɔ̌nu ɔ́ ná yi tomɛxó lɛ́ɛ gɔ́n ɖo toxo ɔ́ sín hɔntogbó jí, bó ná ɖɔ nú yě ɖɔ: “Asú ce nɔví gbɛ́ ɖɔ émí kún ná hɛn nɔví émítɔn sín nyǐkɔ ɖó te ɖo Izlayɛ́li ó. Asú ce nɔví jló ná nɔ asú do mɛ nú mì ǎ.”

Jozuwée 20:4

Nú mɛ e hu mɛ ɔ́ hɔn yi toxo e mɛ è nɔ hɔn hwlá cí ɔ́ ɖě mɛ ɔ́, é ná nɔ te ɖo toxo ɔ́ sín hɔntogbó ta, fí e è nɔ ɖɔ to ɔ́ sín xó ɖe é, bó ná tín nǔ e é wa ɔ́ mɛ nú tomɛxó fínɛ́ tɔn lɛ́ɛ. Énɛ́ ɔ́, yě ná jó e dó bɔ é ná byɔ́ toxo ɔ́ mɛ, bɔ yě ná ná ɛ fí e é ná nɔ é.

Hwliti 3:12

Nǔgbó wɛ, un ɖó acɛ bó ná kpé nukún wǔ we, amɔ̌, mɛ ɖěvo ɖe bó sɛkpɔ́ we hú nyɛ.

Hwliti 3:18

Nɔemíi ɖɔ n'i ɖɔ: “Vǐ ce, nɔ te bó ná kpɔ́n; Bowozi ma ɖɔ xó énɛ́ ɔ́ gbo égbé ǎ ɔ́, é ɖo nǎ gbɔjɛ́ wɛ ǎ.”