Hwliti 3:9 - MAWUXÓWÉMA

⁹ Ée é mɔ mɔ̌ ɔ́, é ɖɔ: “Hwi mɛ̌ ká nɛ́?” Nyɔ̌nu ɔ́ ká yí gbe n'i ɖɔ: “Nyɛ mɛsɛntɔ́ towe Hwliti wɛ, kɛnklɛ́n yí mì dó xɔ towe sá, ɖó a ɖǒ acɛ bó ná kpé nukún wǔ ce.”

Hwliti 3:9 Iomraidhean Croise

Ezekiyɛ́li 16:8

Un lɛ́ gbɔn akpá towe, bó mɔ ɖɔ a ko wínnyá bǐ bó ko su xɔ́ntɔn ɖó. Énɛ́ ɔ́, un vlɔ́n awu ce bo cyɔ́n nú we, bó hwlá mɛ̌ nú we. Un zin alɔ dó akɔ́n ɖɔ un ná nɔ gbejí nú we, lobo jɛ akɔ xá we. Lě e a hǔzú ce gbɔn é nɛ́; nyɛ Aklúnɔ Mavɔmavɔ wɛ ɖɔ mɔ̌.

Luki 14:11

Đó mɛ ɖěbǔ sɔ́ éɖée su ɔ́, è nǎ sɔ́ ɛ hwe; mɛ e ka sɔ́ éɖée hwe ɔ́, è nǎ sɔ́ ɛ su.”

Hwliti 2:20

Nɔemíi ɖɔ nú Hwliti Mɔwabunu ɔ́ ɖɔ: “Mawu Mavɔmavɔ e nɔ́ kú nǔbláwǔ nú mɛ e ɖo gbɛ lɛ́ɛ kpó mɛ e ko kú lɛ́ɛ kpó ɔ́, ní xo ɖɛ dó nya énɛ́ jí.” Nɔemíi lɛ́ ɖɔ: “Nya énɛ́ ɔ́ mɛ mǐtɔn wɛ. Mɛ e ɖó ná kpé nukún mǐ wú lɛ́ɛ ɖě wɛ.”

Hwliti 3:10

Bowozi ɖɔ n'i ɖɔ: “Mawu Mavɔmavɔ ní xo ɖɛ dó jǐ towe se a yɔkpɔ́. Nǔ e a blǒ din ɔ́ lɛ́ ɖe lě e a yǐ wǎn nú asú towe mɛ lɛ́ɛ, bó ɖo gbejí nú yě gbɔn ɔ́ xlɛ́, hú nǔ e a ko bló ɖ'ayǐ é. Đó a yi ba dɔ̌nkpɛvú wamamɔnɔ abǐ dɔkunnɔ ɖé ǎ.

Hwliti 3:12

Nǔgbó wɛ, un ɖó acɛ bó ná kpé nukún wǔ we, amɔ̌, mɛ ɖěvo ɖe bó sɛkpɔ́ we hú nyɛ.

Hwliti 3:8

Ée zǎn vlɔ́ ɖó we ɔ́, Bowozi nyí fɔ́n hawun, bó nya dó nukɔn bó mɔ nyɔ̌nu ɖo ayǐmlɔ́mlɔ́ ɖo afɔ tɔn ligbé.

Hwliti 4:4

Un tunwun ɖɔ má ɖɔ nú we, bó ná byɔ́ we ɖɔ hwi ní yí ayǐkúngban ɔ́ ɖo tomɛxó lɛ́ɛ kpódó mɛ e jínjɔ́n ayǐ ɖo fí lɛ́ɛ kpó nukɔn. Ényí a jló ná wa tɛn e mɛ a ɖe ɔ́ sín azɔ̌ hǔn, wa. A ma ka jló ǎ hǔn ɖɔ nú mì, ɖó nyi jɛ́n bɔ dó wǔ we tlóló.” Nya ɔ́ yí gbe n'i ɖɔ émí ná yí ayǐkúngban ɔ́.

Hwliti 4:6

Bɔ nya ɔ́ ká yí gbe n'i ɖɔ: “Ényí mɔ̌ wɛ hǔn un sɔ́ ná yí ǎ, ɖó un táá wá gba dɔkun nyɛ ɖésúnɔ tɔn lɛ́ɛ dó. Azɔ̌ énɛ́ e nyí ce ɔ́, un jó nú we, ɖó nyɛ ɖésúnɔ sixú wa ǎ.”

1 Samuwɛ́li 25:41

Énɛ́ ɔ́, Avigayilu sí te, bo jɛ kpo bo ɖe kɔ́, bó ɖɔ: “Un ná húzú kannumɔ nú sɛ́ ce, bó ná nɔ klɔ́ afɔ nú mɛsɛntɔ́ tɔn lɛ́ɛ.”