Hwliti 3:7 - MAWUXÓWÉMA

⁷ Bowozi ɖu nǔ bó nu ahan, bɔ xomɛ hun i ganjí, bɔ é yi mlɔ́ jinukún tɔn e é kplé ɔ́ kpá. Hwliti sɛkpɔ́ ɛ dɛ̌dɛ̌, bó ɖe avɔ sín afɔ tɔn jí, bó mlɔ́ afɔ tɔn ligbé.

Hwliti 3:7 Iomraidhean Croise

Bǐbɛ́mɛ 43:34

Nǔ e ɖu wɛ Jozɛ́fu ɖe ɔ́ wɛ é ɖɔ bɔ è nǎ yě. Nǔɖuɖu e Jozɛ́fu ɖɔ bɔ è nǎ Bɛnjamɛ́ɛ ɔ́ hú nɔví tɔn ɖě lɛ́ɛ tɔn azɔn atɔ́ɔ́n. Yě kpó é kpó nu ahan, bɔ é kpé yě.

2 Samuwɛ́li 13:28

Abusalɔ́mu ná gbe mɛsɛntɔ́ tɔn lɛ́ɛ ɖɔ: “Mi ɖo hwenu e Amunɔ́ɔ ná nu ahan mú bó ɖo awǎ jɛ wɛ ɔ́ cɔ́ wɛ, bónú un ɖɔ nú mi ɖɔ: ‘Mi hu Amunɔ́ɔ’ ɔ́, mi ná hu i. Mi ma ɖi xɛsi ó, nyi wɛ ná gbe tɔn mi. Mi kpan akɔ́n, bó dó súnnu gán.”

1 Axɔ́sú 21:7

Ée é ɖɔ mɔ̌ ɔ́, asi tɔn ɖɔ n'i ɖɔ: “Hwi jɛ́n ká ɖo acɛ kpa wɛ ɖo Izlayɛ́li a? Sí te bó ɖu nǔ, bó j'awǎ. Vǐwungle Nabɔti Izleyɛ́linu ɔ́ tɔn ɔ́, nyɛ ná yí nú we.”

Ɛsitɛ́ɛ 1:10

Azǎn tɔn tɛ́nwegɔ́ ɔ́ gbe ɔ́, xomɛ hun axɔ́sú ɔ́ ɖó vɛ̌ɛn e é nu ɔ́ wú; é ylɔ́ agooɖojǐe tɔn tɛ́nwe e nɔ wa azɔ̌ n'i tawun lɛ́ɛ: yě wɛ nyí Mɛhumáni, Bizita, Haabona, Bigita, Avaguta, Zetáa, kpó Kaakási kpó.

Ɖɛhan 104:15

é nɔ́ ná vɛ̌ɛn e nɔ dó wǔyá lanmɛ nú mɛ é, é nɔ́ ná ami e nɔ zɔ́n bɔ nukún mɛ nɔ́ kɔ́n é, é nɔ́ ná nǔɖuɖu e nɔ́ ná hlɔ̌nhlɔ́n mɛ é.

Nǔnywɛ́tɔ́xó 10:19

Dɔkunnɔ nɔ ɖu nǔ bó nɔ́ dó ɖe ayi ɖ'ayǐ; é nɔ́ nu vɛ̌ɛn dó j'awǎ; akwɛ́ tɔn nɔ́ zɔ́n bɔ é nɔ́ ɖó nǔ bǐ.

Nǔnywɛ́tɔ́xó 2:24

Nǔɖé sɔ́ nyɔ́ nú gbɛtɔ́ ɖo gbɛmɛ zɛ é ná ɖu nǔ, bó nu ahan, bó ɖu azɔ̌ e é wa ɔ́ sín gbɛ wú ǎ. Nǔ énɛ́ lɛ́ɛ lɔ ɔ́, un mɔ ɖɔ Mawu wɛ nɔ hun alɔ bo nɔ ná mɛ.

Nǔnywɛ́tɔ́xó 8:15

Énɛ́ ɔ́ wú wɛ nyɛ mɔ ɖɔ é nyɔ́ ɖɔ mɛ bǐ ní j'awǎ, ɖó nǔ ɖagbe ɖěbǔ ɖe nú gbɛtɔ́ ɖo hwe glɔ́ fí zɛ é ná ɖu nǔ, bó nu ahan, bó ɖu gbɛ wú ǎ. Awǎjijɛ e gbɛtɔ́ ná mɔ ɖo nǔ énɛ́ lɛ́ɛ mɛ é wɛ nyí nǔ e ná dó vǐví n'i ɖo gbɛzán e Mawu ná ɛ ɖo ayǐkúngban jí fí ɔ́ mɛ é; awǎjijɛ e é ná mɔ ɔ́ wɛ nyí nǔ e ná dó vǐví n'i ɖo tagba e jɛ wɛ é nɔ́ ɖe ɖo hwe glɔ́ fí é mɛ é.

Nǔnywɛ́tɔ́xó 9:7

Hǔn, bo ɖu nǔ kpó awǎjijɛ kpó, nu vɛ̌ɛn towe kpó xomɛhunhun kpó. Đó nǔ e wa wɛ a ɖe ɔ́ kó nyɔ́ Mawu nukún mɛ.

1 Kɔlɛ́ntinu 10:31

Nǔ ɖu wɛ mi ɖe oo, ahan nu wɛ mi ɖe oo, abǐ nǔ ɖěbǔ wa wɛ mi ɖe hǔn, mi bló bǐ, bó dó sɔ́ Mawu su.

Efɛ́zinu 5:18

Mi ma nu ahan mú ó; ahan nu díngan wɛ nɔ zɔ́n bɔ gbɛ mɛtɔn nɔ gblé; lo ɔ́, Yɛsinsɛn ní gɔ́ ayi mitɔn mɛ.

Hwɛɖɔtɔ́ 16:25

Ée yě bǐ ɖo awǎjijɛ mɛ mɔ̌ ɔ́, yě byɔ́ ɖɔ è nǐ kplá Sanmusɔ́ɔn wá bónú é ná dó nǔkiko nu nú émí. È ka yi kplá ɛ wá sín gankpá mɛ, bɔ é jɛ manahɛn vlɛ́ jí ɖo nukɔn yětɔn; énɛ́ ɔ́, è sɔ́ ɛ ɖó vodún xɔ yětɔn ɔ́ sín dotín lɛ́ɛ tɛ́ntin.

Hwɛɖɔtɔ́ 19:22

Hwenu e yě ɖo nǔ ɖu wɛ ɔ́, súnnu nǔɖégótegó e ɖo toxo ɔ́ mɛ lɛ́ɛ dó ahwan gbě bó xá xwé ɔ́, bó xúxú hɔn lobo ɖɔ nú dǎwe xwétɔ́ degénɔ kpikpoe ɔ́ ɖɔ: “Nya e a yi dó xwé gbe ɔ́, ɖe e tɔ́n bónú mǐ nǎ ɖó xó xá ɛ.”

Hwɛɖɔtɔ́ 19:6

Énɛ́ ɔ́, yě mɛ we lɛ́ɛ jínjɔ́n ayǐ bó ɖu nǔ bó nu ahan ɖó kpɔ́. Ée yě ɖu nǔ ɔ́, nyɔ̌nu ɔ́ sín tɔ́ ɖɔ nú vǐ tɔn sú ɖɔ: “Ayi towe ní j'ayǐ, nú a nǐ lɛ́ yí gbe bó dɔ́ fí.”

Hwɛɖɔtɔ́ 19:9

Ée Levíi ví ɔ́ jló ná yi kpó asi tɔn kpó, kpódó mɛsɛntɔ́ tɔn kpó ɔ́, asi tɔn tɔ́ ɖɔ n'i ɖɔ: “Kpɔ́n! Gan mɛ ko sɛ yi, ablu ko ɖo dǐdó wɛ, mi gbɔ bó dɔ́ ayǐ. Ayi towe ní j'ayǐ, nú a nǐ lɛ́ dɔ́ fí ɖokpó d'é jí. Énɛ́ ɔ́, mi ná fɔ́n zǎn sɔ bó ná yi xwé.

Hwliti 3:6

Hwliti ka yi kɔ́xota fí e Bowozi nɔ́ só nǔkún ɖe é bó bló nǔ e asú tɔn nɔ zɔ́n ɔ́ bǐ pɛ́pɛ́pɛ́.

Hwliti 3:8

Ée zǎn vlɔ́ ɖó we ɔ́, Bowozi nyí fɔ́n hawun, bó nya dó nukɔn bó mɔ nyɔ̌nu ɖo ayǐmlɔ́mlɔ́ ɖo afɔ tɔn ligbé.