Hwliti 3:13 - MAWUXÓWÉMA

¹³ Dɔ̌ fí, sɔ zǎnzǎn tɛɛn ɔ́, un ná yi mɔ ɛ, nú é yí gbe, bó ná kpé nukún wǔ we ɔ́, é ná bló. Nú é má ká jló ǎ ɔ́, nyɛ ná kpé nukún wǔ we, Mawu Mavɔmavɔ Gbɛɖe ɔ́ nukɔn ɖíe ɖɔ ɖe wɛ un ɖe e. Amɔ̌, to mlɔ́ ayǐ hwɛ̌ nú ayǐ ní hɔ́n.”

Hwliti 3:13 Iomraidhean Croise

Jelemíi 12:16

Togun dídá énɛ́ lɛ́ɛ kplɔ́n nǔ togun ce bɔ é nɔ xwlé nǔ dó vodún Baalu nyíkɔ mɛ. Amɔ̌, nú yědɛɛ lɛ́ɛ zán gbɛ yětɔn ganjí lě e togun ce ɖó ná bló gbɔn ɔ́, nú yě nɔ́ xwlé nǔ dó nyǐkɔ ce mɛ bó nɔ ɖɔ ‘Mawu Mavɔmavɔ ɖo gbɛ’ ɔ́, yě ná mɔ tɛn ɖo togun ce tɛ́ntin.

Jelemíi 4:2

Hwe nɛ́ nu ɔ́, a nǎ xwlé nyɛ Mawu Mavɔmavɔ e ɖo gbɛ ɔ́, a nǎ xwlé nǔgbó nǔgbó tɔn, a nǎ xwlé ɖó sɛ́nxwi jí, a nǎ xwlé kpó ayi towe bǐ kpó. A blǒ mɔ̌ ɔ́, akɔta ɖě lɛ́ɛ na byɔ́ mì ɖɔ nyɛ ní xo ɖɛ dó émí jí, yě ná zé mì dó xɔ susu ná.

2 Kɔlɛ́ntinu 1:23

Mawu ná ɖe kúnnu nú mì; ényí nǔvú ɖó wɛ un ɖe hǔn, ma kú. Un jló ná gba ayi dó nú mi ǎ wútu wɛ un ma lɛ́ kɔ wá Kɔlɛ́nti ǎ.

Eblée 6:16

Ényí gbɛtɔ́ lɛ́ɛ ɖo nǔ ná xwlé wɛ ɔ́, mɛ e hú gǎn yě ɔ́ wɛ yě nɔ xwlé, bɔ nǔ e yě xwlé ɔ́ nɔ nyí gǎnjɛwú, bó nɔ sú nǔ dó nǔdindɔn bǐ ɖo tɛ́ntin yětɔn.

Hwɛɖɔtɔ́ 8:19

Jedenyɔ́ɔ ka sú xó ɖɔ: “Nɔví ce tɔ́jinɔji lɛ́ɛ wɛ. Un xwlé Mawu nú mi ɖɔ: Mawu Mavɔmavɔ ɖo gbɛ! Nú é má nyí ɖɔ mi hu yě wɛ din ǎ ɔ́, nyɛ lɔmɔ̌ ɖo mi ná hu wɛ ǎ.”

Hwliti 2:20

Nɔemíi ɖɔ nú Hwliti Mɔwabunu ɔ́ ɖɔ: “Mawu Mavɔmavɔ e nɔ́ kú nǔbláwǔ nú mɛ e ɖo gbɛ lɛ́ɛ kpó mɛ e ko kú lɛ́ɛ kpó ɔ́, ní xo ɖɛ dó nya énɛ́ jí.” Nɔemíi lɛ́ ɖɔ: “Nya énɛ́ ɔ́ mɛ mǐtɔn wɛ. Mɛ e ɖó ná kpé nukún mǐ wú lɛ́ɛ ɖě wɛ.”

Hwliti 3:12

Nǔgbó wɛ, un ɖó acɛ bó ná kpé nukún wǔ we, amɔ̌, mɛ ɖěvo ɖe bó sɛkpɔ́ we hú nyɛ.

Hwliti 4:5

Bowozi lɛ́ yí xó bó ɖɔ: “Gbe e gbe a nǎ yí ayǐkúngban ɔ́ ɖo Nɔemíi sí ɔ́, a ɖǒ nǎ lɛ́ yí Hwliti Mɔwabunu asúkúsi ɔ́ dó xɔ towe sá, bónú ayǐkúngban ɔ́ ná kpo ɖo asú tɔn e kú ɔ́ sín hɛ̌nnu tɔn nyí wɛ.”

Hwliti 4:6

Bɔ nya ɔ́ ká yí gbe n'i ɖɔ: “Ényí mɔ̌ wɛ hǔn un sɔ́ ná yí ǎ, ɖó un táá wá gba dɔkun nyɛ ɖésúnɔ tɔn lɛ́ɛ dó. Azɔ̌ énɛ́ e nyí ce ɔ́, un jó nú we, ɖó nyɛ ɖésúnɔ sixú wa ǎ.”