Hwliti 3:1 - MAWUXÓWÉMA

¹ Nɔemíi ɖɔ nú Hwliti gbe ɖokpó ɖɔ: “Vǐ ce, un jló ɖɔ a nǐ da asú bó vo.

Hwliti 3:1 Iomraidhean Croise

Bǐbɛ́mɛ 40:14

Amɔ̌, nǔ wá nyɔ́ nú we hǔn, kɛnklɛ́n bó flín mì, bó nyɔ́ xomɛ dó wǔ ce. Đɔ xó ce ɖagbe nú axɔ́sú ɔ́, bónú má tɔ́n sín gankpá mɛ fí,

Ɖɛhan 128:2

Azɔ̌ e a wa kpó alɔ towe kpó ɔ́, a nǎ mɔ bó ɖu. Nǔ ná nyɔ́ nú we, nǔ bǐ ná zɔn nú we.

1 Kɔlɛ́ntinu 7:36

Un ná ɖɔ xó dó súnnu e ɖó asixɔ́ntɔn, abǐ nyɔ̌nu e ɖó asúxɔ́ntɔn ɔ́ wú. Nú dɔ̌nkpɛvú ɔ́ mɔ ɖɔ ninɔmɛ e émí nɔ ɖó dó ɖyɔ̌vǐ ɔ́ wú ɔ́ kún sɔgbe ó, bó mɔ ɖɔ jlǒ agbaza tɔn ɖu ɖo émí jí, bó mɔ ɖɔ émí ɖó ná da émíɖée ɔ́, yě ní bó da yěɖée lě e yě jlǒ gbɔn é! É nyí hwɛ ǎ.

Sɛ́nflínmɛ 4:40

Mi zé sɛ́n kpó gbeta kpó e un ná mi égbé din lɛ́ɛ dó wa azɔ̌ ná; énɛ́ ɔ́, nǔ ná nyɔ́ nú mi kpó vǐ mitɔn lɛ́ɛ kpó, bɔ mi ná dɔ́ ji ɖo to e na ná mi wɛ Mawu Mavɔmavɔ, Mawu mitɔn ɖe, bɔ é ná nyí mitɔn káká sɔ́yi é mɛ.”

1 Timɔtée 5:14

Énɛ́ ɔ́ wú wɛ un jló ɖɔ asúkúsi e ma ko nyí mɛxó ǎ lɛ́ɛ ní lɛ́ vɔ́ asú da, bó ji vǐ; yě ní kpé nukún dó xwé yětɔn wú, bó ma ná ali ɖěbǔ kɛntɔ́ mǐtɔn lɛ́ɛ, bónú yě mɔ nǔ nyanya ɖé ɖɔ dó mǐ wú ó.

1 Timɔtée 5:8

Ényí mɛɖé ma nɔ kpé nukún dó mɛ tɔn lɛ́ɛ wú ǎ ɔ́, ɖo tají ɔ́, mɛ e ɖo hɛ̌n tɔn nu lɛ́ɛ wú ǎ ɔ́, mɛ énɛ́ ɔ́ gbɛ́ nǔɖiɖi, lobo nylá hú nǔmaɖitɔ́.

Hwliti 1:9

Mawu Mavɔmavɔ ní bló bónú mi mɛ ɖokpó ɖokpó ní mɔ asú da, bónú asúxwé ní nyɔ́ nú mi.” Ée é ɖɔ mɔ̌ ɔ́, é kplá así kɔ nú yě, bó ná jó yě dó, bɔ yě bɛ́ avǐ, bó ya ɖésú,

Hwliti 2:23

Lě e Hwliti nɔ yi cyán nǔkún ɖo azɔ̌watɔ́ Bowozi tɔn lɛ́ɛ gúdo gbɔn káká bɔ è ya nǔkún bǐ vɔ ɔ́ nɛ́. Asú tɔn nɔ gɔ́n jɛ́n é ká kpo ɖe.

Hwliti 3:2

Lě e a ko tunwun gbɔn ɔ́, Bowozi e jó we dó bɔ a cyán nǔkún ɖo azɔ̌watɔ́ tɔn nyɔ̌nu lɛ́ɛ gúdo ɔ́, mɛ mǐtɔn wɛ. Égbé gbadanu ɔ́, é ná yi só nǔkún ɖo kɔ́xota ɖo gle tɔn mɛ.