Hwliti 2:4 - MAWUXÓWÉMA

⁴ Ée é ná nɔ zaanɖé ɔ́, Bowozi gosín Bɛteleyɛ́mu wá. É dó gbe nǔkún-yatɔ́ lɛ́ɛ ɖɔ: “Mawu Mavɔmavɔ ní nɔ kpɔ́ xá mi.” Yě ká yí gbe n'i ɖɔ: “Mawu Mavɔmavɔ ní xo ɖɛ dó jǐ towe.”

Hwliti 2:4 Iomraidhean Croise

Bǐbɛ́mɛ 18:19

Un sɔ́ ɛ, bónú é ná ɖɔ nú vǐ súnnu tɔn lɛ́ɛ kpó vǐvú vivu tɔn e ná jɔ sɔ lɛ́ɛ kpó ɖɔ yě ní nyi sɛ́n ce lɛ́ɛ: yě ní zán gbɛ ɖagbe, bó zán gbɛ jlɔ́jlɔ́. Énɛ́ ɔ́, nyɛ Mawu Mavɔmavɔ ɔ́ ná ɖe akpá e un dó nú Ablaxámu lɛ́ɛ.”

Bǐbɛ́mɛ 28:3

Mawu Nǔbǐwúkpétɔ́ ɔ́ ní xo ɖɛ dó jǐ towe; ní bló bónú a nǐ ji bó gba kún. A nǐ nyí tɔ́gbó nú togun wɔ̌buwɔ́bú.

1 Tan 2:51

Đokpó nɔ́ nyí Saluma. É wɛ ɖó Bɛteleyɛ́mu toxo ɔ́ ayǐ. Đokpó nɔ́ nyí Halɛ́fu. É wɛ ɖó Bɛti-Gadɛ́ɛ toxo ɔ́ ayǐ.

Ɖɛhan 118:26

Mawu Mavɔmavɔ ní xo ɖɛ dó mɛ e jǎwe ɖo nyǐkɔ tɔn mɛ é jí. Mǐ ɖo ɖɛ xo dó mi jí wɛ sín Mawu Mavɔmavɔ xwé gbe.

Ɖɛhan 134:3

Mawu Mavɔmavɔ ní xo ɖɛ dó mi jí sín Sinyɔ́ɔ, é wɛ nyí jǐxwé kpó ayǐkúngban kpó ɖó tɔ́.

Jelemíi 31:23

Xó e Mawu Mavɔmavɔ Nǔbǐwúkpétɔ́, Mawu Izlayɛ́li tɔn ɖɔ ɔ́ ɖíe, é ɖɔ: “Hwenu e un ná kplá mɛ e ahwan wlí yi to ɖěvo mɛ lɛ́ɛ wá xwé ɔ́, è nǎ ɖɔ gbɔn fí bǐ ɖo Judáa to ɔ́ mɛ ɖɔ: ‘Izlayɛ́li, Mawu Mavɔmavɔ ní xo ɖɛ dó jǐ we, só mímɛ́, só e jí hwɛjijɔ dó ɖɔ do nyi é.’

Kɛ́nsísɔ́ 6:24

“Mawu Mavɔmavɔ ní xo ɖɛ dó mi jí, bó cyɔ́n alɔ mi jí.

Luki 1:28

Wɛnsagun ɔ́ yi Mali gɔ́n, ɖo xwé tɔn gbe, bó dó gbe e ɖɔ: “Mali, fífá ní nɔ kpɔ́ xá we. Mawu jɔwǔ we; Aklúnɔ ɖo kpɔ́ xá we.”

2 Tɛsalonikinu 3:16

Aklúnɔ e nɔ́ ná fífá mɛ ɔ́, é ɖésúnɔ ní ná fífá mi hwebǐnu, gbɔn alɔkpa bǐ mɛ. Aklúnɔ ní nɔ kpɔ́ xá mi bǐ.

1 Timɔtée 6:2

Kannumɔ e sín gǎn nyí nǔɖitɔ́ lɛ́ɛ ɖó ná gɔn gǎn yětɔn lɛ́ɛ sí, ɖó yě ko nyí nɔví nɔví ɖo nǔɖiɖi mɛ wútu ǎ; é nyɔ́ wa ɔ́, yě ɖó ná lɛ́ sɛn yě bɔ é ná hú lě e sɛn gbɔn wɛ yě ko ɖe ɖ'ayǐ ɔ́, ɖó mɛ e ɖo nǔ e wa wɛ yě ɖe ɔ́ sín le ɖu wɛ lɛ́ɛ ɔ́, nǔɖitɔ́ e yě yí wǎn ná lɛ́ɛ wɛ. Nǔ e a ná kplɔ́n yě ɔ́ kpódó Mawuxó e a ná ɖɔ nú yě ɔ́ kpán ɖíe:

2 Timɔtée 4:22

Aklúnɔ ní nɔ kpɔ́ xá we. Fɛ́nú Mawu tɔn ní nɔ kpɔ́ xá mi.

Jozuwée 24:15

Nú mi ma ka jló ná sɛn Mawu Mavɔmavɔ ǎ hǔn, mi bo ɖɔ nǔ e mi ná sɛn ɔ́ bɛ́ sín égbé. É sixú nyí vodún e tɔ́gbó mitɔn lɛ́ɛ sɛn ɖ'ayǐ ɖo Efláti tɔ ɔ́ gúdo lɛ́ɛ; é ká sixú nyí vodún e Amɔliti e mɛ mi ɖe lɛ́ɛ nɔ sɛn lɛ́ɛ é. Amɔ̌, nyɛ kpó xwédo ce kpó ɔ́, Mawu Mavɔmavɔ wɛ mǐ ná sɛn.”

Hwɛɖɔtɔ́ 6:12

Wɛnsagun Mawu Mavɔmavɔ tɔn wá tɔ́n dó jǐ tɔn, bó ɖɔ n'i ɖɔ: “Ahwanfuntɔ́ akowunká, Mawu Mavɔmavɔ ɖo kpɔ́ xá we!”

Hwɛɖɔtɔ́ 6:16

Énɛ́ ɔ́, Mawu Mavɔmavɔ ɖɔ n'i ɖɔ: “Un ná ɖo kpɔ́ xá we, énɛ́ ɔ́, a nǎ ɖu ɖo Madiáani ví lɛ́ɛ jí gbɛtɔ́ ɖokpó géé wɛ yě nyǐ ɖɔhun.”

Hwliti 2:3

Bɔ é yi gle ɖé mɛ, bó yi cyán nǔkún ɖo fí e nǔkún-yatɔ́ lɛ́ɛ kó gbɔn dín é. Lo ɔ́, é ká wá nyí ɖɔ Bowozi, Elimɛlɛ́ki sín mɛ ɔ́ sín gle wɛ.

Hwliti 2:5

Bowozi kanbyɔ́ nǔkún-yatɔ́gán ɔ́ ɖɔ: “Mɛ̌ ví wɛ ka nyí nyɔ̌nu énɛ́ ɔ́?”

Hwliti 4:11

Tomɛxó lɛ́ɛ kpódó mɛ e ɖo fínɛ́ lɛ́ɛ bǐ kpán yí gbe ɖɔ: “Ɛɛn nukún mǐtɔn mɛ wɛ nǔ énɛ́ lɛ́ɛ bǐ jɛ ɖe. Mawu Mavɔmavɔ ní xo ɖɛ dó nyɔ̌nu e byɔ́ xɔ towe sá ɔ́ jí, bónú é ní gba kún Jakɔ́bu sín asi Hlacɛ́li kpó Lěya kpó e dó Izlayɛ́li ví lɛ́ɛ sín kún é ɖɔhun. Dɔkun towe ní d'agba ɖo Efláta sín ayǐkúngban jí. Nyǐkɔ towe ní yi jǐ ɖo Bɛteleyɛ́mu to ɔ́ bǐ mɛ.

1 Samuwɛ́li 17:37

Davídi lɛ́ ɖɔ: “Mawu e nɔ hwlɛ́n mì sín kinnikínní fɛn mɛ, bó nɔ hwlɛ́n mì sín lɔnmɔ fɛn mɛ ɔ́ ná hwlɛ́n mì ɖo Filisitɛ́ɛn énɛ́ sí.” Bɔ Sawúlu ɖɔ nú Davídi ɖɔ: “Bo yi! Mawu Mavɔmavɔ ní nɔ kpɔ́ xá we.”