Hwliti 2:3 - MAWUXÓWÉMA

³ Bɔ é yi gle ɖé mɛ, bó yi cyán nǔkún ɖo fí e nǔkún-yatɔ́ lɛ́ɛ kó gbɔn dín é. Lo ɔ́, é ká wá nyí ɖɔ Bowozi, Elimɛlɛ́ki sín mɛ ɔ́ sín gle wɛ.

Hwliti 2:3 Iomraidhean Croise

2 Samuwɛ́li 1:6

Nya ɔ́ yí gbe n'i ɖɔ: “Yiyi wɛ un ɖe bo wá jɛ Gilubowa só jí, bó mɔ Sawúlu gán jɛ hwǎn tɔn wú, lobɔ ahwankɛkɛ́ví kpó sɔ́xátɔ́ ɖé lɛ́ɛ kpó ɖo sisɛkpɔ́ ɛ wɛ, bó ná hu i.

2 Samuwɛ́li 20:1

Nya nǔvɔ́nɔ ɖé ɖo Gilugalu fínɛ́, bó nɔ nyí Cɛ́va; Bɛnjamɛ́ɛnu wɛ, lobo nyí Bikli ví. É kún lanzo bo sú xó bó ɖɔ: “Mǐ ɖó xó ɖěbǔ xá Davídi ǎ, mǐ kpó Jɛsée ví nɛ́ kpó kpé dó nǔɖé ǎ lóóo! Izlayɛ́li ví e mi! Mɛ ɖokpó ɖokpó ní lɛ́ kɔ yi xwé tɔn gbe!”

2 Axɔ́sú 8:5

Hwenu e Gehazíi ɖo lě e Elizée fɔ́n mɛkúkú ɖokpó gbɔn ɔ́ wlí ɖɔ nú axɔ́sú ɔ́ wɛ ɔ́, nyɔ̌nu e sín vǐ Elizée fɔ́n ɔ́ wá axɔ́sú ɔ́ gɔ́n, bó ná byɔ́ xwé tɔn kpó gle tɔn kpó. Ée Gehazíi mɔ nyɔ̌nu ɔ́, é ɖɔ nú axɔ́sú ɔ́ ɖɔ: “Sɛ́mɛɖó, nyɔ̌nu ɔ́ ɖíe, vǐ e Elizée fɔ́n ɔ́ lɔ ka ɖíe.”

Matíe 10:29

Gboli ɖo akwɛ́ ɖé jí ǎ; é ka ɖo mɔ̌ có, ɖokpó yětɔn ka nɔ́ kú Mawu Tɔ́ mitɔn sín jlǒ mɛ vo ǎ.

Luki 10:31

Vɔ̌sánú-xwlémawutɔ́ ɖé ka wá ɖo dǐndín gbɔn fínɛ́ wɛ vlafo, bó mɔ ɛ, lobo gbɔn akpá ɖěvo xwé n'i bó yi.

2 Tɛsalonikinu 3:12

Mɛ énɛ́ lɛ́ɛ ɔ́, mǐ ɖo byɔ̌byɔ́ yě wɛ, bó lɛ́ ɖo zǐnzɔ́n yě wɛ ɖo Aklúnɔ Jezu Klísu sín nyǐkɔ mɛ wɛ ɖɔ yě ní ma nɔ nya xó gbé ó; yě ní nɔ ɖó kan dó azɔ̌ wú, bó ná dó sixú nyí yě ɖésú.

Hwliti 2:2

Hwliti Mɔwabunu ɔ́ byɔ́ gbe Nɔemíi gbe ɖokpó ɖɔ: “Nǎ gbe mì nú ma yi mɛ e ná nyɔ́ xomɛ dó wǔ ce ɔ́ sín gle mɛ, bó ná yi cyán nǔkún e nǔkún-yatɔ́ lɛ́ɛ ma mɔ bó ya ǎ lɛ́ɛ.” Nɔemíi ká yí gbe n'i ɖɔ: “Vǐ ce, bo yi.”

Hwliti 2:4

Ée é ná nɔ zaanɖé ɔ́, Bowozi gosín Bɛteleyɛ́mu wá. É dó gbe nǔkún-yatɔ́ lɛ́ɛ ɖɔ: “Mawu Mavɔmavɔ ní nɔ kpɔ́ xá mi.” Yě ká yí gbe n'i ɖɔ: “Mawu Mavɔmavɔ ní xo ɖɛ dó jǐ towe.”