Hwliti 2:2 - MAWUXÓWÉMA

² Hwliti Mɔwabunu ɔ́ byɔ́ gbe Nɔemíi gbe ɖokpó ɖɔ: “Nǎ gbe mì nú ma yi mɛ e ná nyɔ́ xomɛ dó wǔ ce ɔ́ sín gle mɛ, bó ná yi cyán nǔkún e nǔkún-yatɔ́ lɛ́ɛ ma mɔ bó ya ǎ lɛ́ɛ.” Nɔemíi ká yí gbe n'i ɖɔ: “Vǐ ce, bo yi.”

Hwliti 2:2 Iomraidhean Croise

Bǐbɛ́mɛ 32:6

Un ɖó nyibú gěgé, tócí kpó gbɔ̌ kpó kpɔ́ gégé. Un ɖó mɛsɛntɔ́ súnnu kpó nyɔ̌nu kpó kpɔ́ gégé, bó sɛ́ mɛ dó ɖɔ è nǐ wá ɖɔ nú mɛɖaxó ce bónú a nǎ nyɔ́ xomɛ dó wǔ ce.’ ”

Levíi ví 19:10

Mɔ̌ ɖokpó ɔ́, mi ma lɛ́ kɔ yi gbɛ vǐwun e mi blɛ́ gbɔn vǐwungbo mitɔn lɛ́ɛ mɛ lɛ́ɛ ó; mi ma ka cyán éé kɔn nyi kɔ́ mɛ lɛ́ɛ ó; mi ná jó dó nú wamamɔnɔ lɛ́ɛ, kpódó jǒnɔ lɛ́ɛ kpó. Nyɛ wɛ nyí Mawu Mavɔmavɔ, Mawu mitɔn.

Levíi ví 19:16

Mi ma ɖo hɛ̌n dó nɔzo mitɔn kpé wɛ ó; mi ma ka dó hwɛ nɔzo mitɔn dó acɛ jí, bónú é sín énɛ́ wú, bɔ è ɖǒ kúhwɛ n'i ó. Nyɛ wɛ nyí Mawu Mavɔmavɔ.

Levíi ví 19:9

“Nú mi ɖo nǔkún ya wɛ hǔn, mi ma ya éé wú gbɔn gle mitɔn lɛ́ɛ tó é ó. Mi ka ya nǔkún ɔ́, mi ná lɛ́ kɔ wá cyán nǔkún e mi blɛ́ lɛ́ɛ ǎ.

Levíi ví 23:22

“Nú mi ɖo nǔkún ya wɛ hǔn, mi ma ya éé wú gbɔn gle mitɔn lɛ́ɛ tó é ó. Mi ka ya nǔkún ɔ́, mi ná lɛ́ kɔ wá cyán nǔkún e mi blɛ́ lɛ́ɛ ǎ. Mi ná jó dó nú wamamɔnɔ lɛ́ɛ kpódó jǒnɔ lɛ́ɛ kpó. Nyɛ wɛ nyí Mawu Mavɔmavɔ, Mawu mitɔn.”

Hwliti 2:3

Bɔ é yi gle ɖé mɛ, bó yi cyán nǔkún ɖo fí e nǔkún-yatɔ́ lɛ́ɛ kó gbɔn dín é. Lo ɔ́, é ká wá nyí ɖɔ Bowozi, Elimɛlɛ́ki sín mɛ ɔ́ sín gle wɛ.

Hwliti 2:7

É wá bó ɖɔ è nǐ ná gbe émí, nú émí ná cyán nǔkún e nǔkún-yatɔ́ lɛ́ɛ jó dó nyi gle mɛ lɛ́ɛ. Sín zǎnzǎn e é wá ɔ́, azɔ̌ wa wɛ jɛ́n é ɖe káká jɛ din, é gbɔjɛ́ ɖé vo ǎ.”

1 Samuwɛ́li 1:18

Ana ka yí gbe n'i ɖɔ: “A nyɔ̌ xomɛ dó nyɛ mɛsɛntɔ́ towe wú mɛ nya!” Ée é ɖɔ mɔ̌ ɔ́, é yi bó ɖu nǔ, bɔ nukún tɔn mɛ jɛ ayǐ.