Hwliti 2:16 - MAWUXÓWÉMA

¹⁶ Đésú lɔ ɔ́, ée mi kplé lɛ́ɛ ɔ́, mi ɖe ɖ'é mɛ, bó sɔ́ nyi ayǐ n'i, bónú é ná cyán. Mi ma ɖɔ xó ɖé n'i ó.”

Hwliti 2:16 Iomraidhean Croise

Ɖɛhan 112:9

É nɔ́ hun alɔ dó ná nǔ mɛ, é nɔ́ ná nǔ wamamɔnɔ lɛ́ɛ, é nɔ́ nyí hwɛjijɔnɔ ɖo Mawu nukɔn tɛgbɛ, hlɔ̌nhlɔ́n tɔn nɔ ɖo jijɛ jí wɛ kpó susu kpó.

Nǔnywɛ́xó 19:17

Mɛ e nɔ ná nǔ wamamɔnɔ ɔ́, nǔ wɛ é nya nú Mawu Mavɔmavɔ; Mawu ná ná ajɔ tɔn ɛ.

Matíe 25:40

Nyɛ axɔ́sú ɔ́ ná yí gbe nú yě ɖɔ: ‘Má ɖɔ nǔgbó nú mi: hweɖěbǔnu e mi bló nǔ énɛ́ lɛ́ɛ nú nɔví ce élɔ́ lɛ́ɛ ɔ́, é ná bo nyí mɛ e ma nyí mɛ ɖé ɖo gbɛtɔ́ lɛ́ɛ nukún mɛ ǎ wɛ ɔ́, nyɛ wɛ mi bló ná.’

Hlɔ̌manu 12:13

Mi nɔ dó alɔ nɔví mitɔn ɖo Klísu mɛ lɛ́ɛ ɖo nǔ e hudó yě lɛ́ɛ mɛ. Mi nɔ yí mɛ e nɔ wá gɔ̌n mitɔn lɛ́ɛ ganjí.

Filemɔ́ɔ 1:7

Nɔví ce, wǎn yíyí e a ɖǒ ɔ́ hun xomɛ nú mì tlala, bó dó gbɔ nú mì ɖésú, ɖó a blǒ bɔ mɛɖeɖóvo Mawu tɔn lɛ́ɛ sín ayi jɛ ayǐ.

Eblée 6:10

Mawu nɔ dó hwɛ agɔ ǎ; é ná wɔn azɔ̌ e mi wa é ǎ; wǎn yíyí e mi ɖe xlɛ́ ɛ gbɔn alɔ e mi dó nɔví klísusɛntɔ́ lɛ́ɛ é gbla mɛ, bó ka lɛ́ kpo ɖo dǐdó yě wɛ ɔ́, é ná wɔn ǎ.

Hwliti 2:15

Ée Hwliti lɛ́ lɛ́ kɔ ɖidó nǔkún cyán gbé ɔ́, Bowozi ɖɔ nú azɔ̌watɔ́ tɔn lɛ́ɛ ɖɔ: “Mi jó e dó nú é cyán nǔkún ɖo nǔkún e mi kplé lɛ́ɛ mɛ, mi ma dó tagba n'i ó.

Hwliti 2:17

É cyán nǔkún ɖo gle ɔ́ mɛ káká bɔ gbadanu su, bɔ é só nǔkún e é mɔ é, bɔ é ná yi towungoɖo gban (30) mɔ̌.