Hwliti 2:14 - MAWUXÓWÉMA

¹⁴ Ée nǔɖuɖu hwenu su ɔ́, Bowozi ɖɔ nú Hwliti ɖɔ: “Wǎ ɖu nǔ xá mǐ; sɔ́ wɔ̌xúxú bó sún nǔsúnnú.” Ée é ɖɔ mɔ̌ ɔ́, Hwliti jínjɔ́n nǔkún-yatɔ́ lɛ́ɛ kpá, bɔ Bowozi ná ɛ nǔkún mimɛ. É ɖu káká bó gɔ́ xo bɔ é kpo.

Hwliti 2:14 Iomraidhean Croise

2 Samuwɛ́li 17:28

hɛn zan, gannú, zɛ̌n, blěe, ɔ́ji, linfín, jinukún mimɛ, akpakún, ayikún,

Ɖɛhan 23:5

A nɔ tɛ́ távo nú mì, ɖo kɛntɔ́ ce lɛ́ɛ nukún mɛ. A nɔ kɔn ami wǎnɖagbenɔ dó ta nú mì. A nɔ kɔn vɛ̌ɛn dó kɔ́fu ce mɛ bɔ é nɔ́ gɔ́ túnflá.

Ezayíi 32:8

Mɛ e ɖó ayi ɖagbe ɔ́, linlin ɖagbe kɛ́ɖɛ́ jɛ́n é nɔ́ ɖó; é sí te ɔ́, nǔ e nyí nǔ ɖagbe é kɛ́ɖɛ́ jɛ́n é nɔ́ wa.

Ezayíi 58:7

Nǎ nǔɖuɖu towe ɖě mɛ e ɖo xovɛ́ é, wamamɔnɔ e má ɖó xɔ ǎ ɔ́, yǐ i dó xwé gbe; nǎ avɔ mɛ e ɖo mɛ̌ é. Ma gɔn alɔ gɔ́ nú nɔzo towe ó.

Matíe 14:20

Yě bǐ ɖu nǔ, bó gɔ́ xo, bɔ è kplé nǔɖuɖu e kpo ɔ́, bɔ é gɔ́ xasun wěwe.

Sɛ́nflínmɛ 11:15

É ná bló bɔ gběhan ná wú nú kanlin mitɔn lɛ́ɛ, nǔɖuɖu ná kpé mi kpo.

Sɛ́nflínmɛ 8:10

Mi ná mɔ nǔ e mi ná ɖu bó gɔ́ xo ganjí ɔ́ ɖo to ɔ́ mɛ, lobo ná dó kú nú Mawu Mavɔmavɔ, Mawu mitɔn ɖó to ɖagbe e é ná mi é wútu.

Hwliti 2:13

Hwliti ɖɔ: “Óo! Sɛ́ ce, xomɛ jɛ́n a nyɔ̌ dó wǔ ce sɔ mɔ̌ a? A dǒ gbɔ nú mì, a zě gbe fífá dó ɖɔ xó nú mì, có nyɛ ka tlɛ sɔ azɔ̌watɔ́ towe lɛ́ɛ ɖě lɔ ǎ.”

Hwliti 2:15

Ée Hwliti lɛ́ lɛ́ kɔ ɖidó nǔkún cyán gbé ɔ́, Bowozi ɖɔ nú azɔ̌watɔ́ tɔn lɛ́ɛ ɖɔ: “Mi jó e dó nú é cyán nǔkún ɖo nǔkún e mi kplé lɛ́ɛ mɛ, mi ma dó tagba n'i ó.

Hwliti 2:18

É zé yi xwé bó zé xlɛ́ asú tɔn nɔ; é lɛ́ zé nǔ e é ɖu kpo ɔ́ jó n'i.

1 Samuwɛ́li 17:17

Jɛsée ɖɔ nú vǐ tɔn Davídi gbe ɖokpó ɖɔ: “Sɔ́ nǔkún mimɛ ati ɖokpó élɔ́, kpó wɔ̌xúxú wǒ élɔ́ lɛ́ɛ kpó, bó kán wezun bó sɔ́ yi jó nú fofó towe lɛ́ɛ ɖo ahwankpá Izlayɛ́li ví lɛ́ɛ tɔn mɛ.

1 Samuwɛ́li 25:18

Ée Avigayilu se mɔ̌ ɔ́, é yá wǔ fɔ wɔ̌xúxú afɔɖé, bó fɔ vɛ̌ɛn anyǔglo we, bó hu gbɔ̌ atɔ́ɔ́n, bó bló bǐ, bó hɛn nǔkún mimɛ gannú atɔ́ɔ́n, bó fɔ vǐwun xúxú hwǐn kanwe ko kpó fígi mlímlí afɔɖé kpó, bó dó nǔ nɛ́ lɛ́ɛ bǐ sín agban nú tócí ɖé lɛ́ɛ.