Hwliti 2:13 - MAWUXÓWÉMA

¹³ Hwliti ɖɔ: “Óo! Sɛ́ ce, xomɛ jɛ́n a nyɔ̌ dó wǔ ce sɔ mɔ̌ a? A dǒ gbɔ nú mì, a zě gbe fífá dó ɖɔ xó nú mì, có nyɛ ka tlɛ sɔ azɔ̌watɔ́ towe lɛ́ɛ ɖě lɔ ǎ.”

Hwliti 2:13 Iomraidhean Croise

Bǐbɛ́mɛ 32:6

Un ɖó nyibú gěgé, tócí kpó gbɔ̌ kpó kpɔ́ gégé. Un ɖó mɛsɛntɔ́ súnnu kpó nyɔ̌nu kpó kpɔ́ gégé, bó sɛ́ mɛ dó ɖɔ è nǐ wá ɖɔ nú mɛɖaxó ce bónú a nǎ nyɔ́ xomɛ dó wǔ ce.’ ”

Bǐbɛ́mɛ 33:10

Bɔ Jakɔ́bu yí gbe n'i ɖɔ: “Éeǒ! Kɛnklɛ́n, a nyɔ̌ xomɛ dó wǔ ce nǔgbó hǔn, yǐ nǔ e un hɛn wá nú we lɛ́ɛ. Mɔ e un wá mɔ we ɔ́ cí Mawu wɛ un mɔ ɖɔhun. A yǐ mì tawun.

Bǐbɛ́mɛ 33:15

Esawu ɖɔ: “Un jló ɖɔ má jó mɛ ce lɛ́ɛ ɖě dó nú we.” Bɔ Jakɔ́bu yí gbe n'i ɖɔ: “Mɛɖaxó ce, étɛ́wú wɛ a ka ná bló mɔ̌? Vɛ̌ kó jɔwǔ mì kpowun!”

Bǐbɛ́mɛ 33:8

Bɔ Esawu kanbyɔ́ Jakɔ́bu ɖɔ: “Kanlin tobutóbú e un kpé nɛ́ lɛ́ɛ ɔ́, étɛ́ ná dó wa ná wɛ a ɖe?” Bɔ Jakɔ́bu yí gbe n'i ɖɔ: “Mɛɖaxó ce, hwi wɛ un hɛn wá ná, bónú a nǎ nyɔ́ xomɛ dó wǔ ce.”

Bǐbɛ́mɛ 34:3

Ayi tɔn bǐ ɖo Dina Jakɔ́bu ví ɔ́ wú. É yí wǎn n'i, bɔ wǎn e é yí n'i ɔ́ nɔ́ ɖo jijɛ jí wɛ, bɔ é nɔ́ ɖo xó ɖagbe ɖagbe ɖɔ n'i wɛ.

Bǐbɛ́mɛ 43:14

Mawu Nǔbǐwúkpétɔ́ ɔ́ ní bló bónú nya ɔ́ ní kú nǔbláwǔ nú mi, bó jó Sinmɛnyɔ́ɔ kpó Bɛnjamɛ́ɛ kpó dó, nú yě ní lɛ́ kɔ xwedó mi wá xwé. Nyɛ ɔ́, nú é byɔ́ ɖɔ má ba vǐ ce lɛ́ɛ kpo hǔn, má ba yě kpo.”

2 Samuwɛ́li 16:4

Axɔ́sú ɔ́ lɛ́ ɖɔ: “É nyí mɔ̌ wɛ hǔn, un ná nǔ e nyí Mɛfibáalu tɔn lɛ́ɛ bǐ we.” Bɔ Siva ɖɔ: “Axɔ́sú sɛ́mɛɖó, un kan xwé byɔ́, ɖó è jɔwǔ mì!”

Nǔnywɛ́xó 15:33

Sísí ɖó nú Mawu Mavɔmavɔ ɔ́, nǔnywɛ́ sín azɔ̌mɛ yiyi wɛ. Mɛɖée wɛ è nɔ sɔ́ hwe hwɛ̌ có è nɔ wá sɔ́ mɛ su.

Ozée 2:16

Énɛ́ ɔ́ wú wɛ un ná dó yɛ ɛ, bó ná kplá ɛ yi gbětótló mɛ, bó ná sɔ́ gbe fífá dó ɖɔ xó n'i.

Filípunu 2:3

Mi ma sɔ́ ce jɛ́n ná nyɔ́ sín ayixa, abǐ mɛɖée sɔ́ su dó wǔvɔ́ sín ayixa dó wa nǔ ɖěbǔ ná ó; lo ɔ́, mi nɔ sɔ́ miɖée hwe ɖo mɛ ɖě lɛ́ɛ nukɔn, bónú mɛ ɖokpó ɖokpó ní nɔ mɔ ɖɔ mɛ ɖě lɛ́ɛ hú gǎn émí.

Hwɛɖɔtɔ́ 19:3

Asú tɔn ka sɔ́ nǔ, bó yi mɔ ɛ, bó ná ci kpɛ n'i lobo kplá ɛ wá yi. É kpó mɛsɛntɔ́ tɔn kpó wɛ zɔn, bɔ é hɛn tócí we. Ée é yi nyɔ̌nu ɔ́ xwé ɔ́, nyɔ̌nu ɔ́ kplá ɛ yi byɔ́ tɔ́ tɔn xɔ mɛ; ée nyɔ̌nu ɔ́ sín tɔ́ mɔ ɛ ɔ́, é yí jǒnɔ tɔn kpó awǎjijɛ kpó.

Hwliti 2:12

Mawu Mavɔmavɔ, Mawu Izlayɛ́li tɔn e sín awa glɔ́ a wǎ hɔn hwlá cí ɔ́, ní sú nǔ e a wa ɔ́ sín axɔ́ we, é ní ná ajɔ tɔn we, nú é ní túnflá.”

Hwliti 2:14

Ée nǔɖuɖu hwenu su ɔ́, Bowozi ɖɔ nú Hwliti ɖɔ: “Wǎ ɖu nǔ xá mǐ; sɔ́ wɔ̌xúxú bó sún nǔsúnnú.” Ée é ɖɔ mɔ̌ ɔ́, Hwliti jínjɔ́n nǔkún-yatɔ́ lɛ́ɛ kpá, bɔ Bowozi ná ɛ nǔkún mimɛ. É ɖu káká bó gɔ́ xo bɔ é kpo.

1 Samuwɛ́li 1:18

Ana ka yí gbe n'i ɖɔ: “A nyɔ̌ xomɛ dó nyɛ mɛsɛntɔ́ towe wú mɛ nya!” Ée é ɖɔ mɔ̌ ɔ́, é yi bó ɖu nǔ, bɔ nukún tɔn mɛ jɛ ayǐ.

1 Samuwɛ́li 25:41

Énɛ́ ɔ́, Avigayilu sí te, bo jɛ kpo bo ɖe kɔ́, bó ɖɔ: “Un ná húzú kannumɔ nú sɛ́ ce, bó ná nɔ klɔ́ afɔ nú mɛsɛntɔ́ tɔn lɛ́ɛ.”