Hwliti 2:12 - MAWUXÓWÉMA

¹² Mawu Mavɔmavɔ, Mawu Izlayɛ́li tɔn e sín awa glɔ́ a wǎ hɔn hwlá cí ɔ́, ní sú nǔ e a wa ɔ́ sín axɔ́ we, é ní ná ajɔ tɔn we, nú é ní túnflá.”

Hwliti 2:12 Iomraidhean Croise

Ɖɛhan 17:8

Nya xɛ ɖo jǐ ce nukúnzin ɖɔhun, cyɔ́n awa towe jǐ ce;

Ɖɛhan 19:11

yě xɔ akwɛ́ hú siká; yě xɔ akwɛ́ hú siká akú, yě víví hú wǐin; yě víví hú wǐin akú.

Ɖɛhan 36:7

Hwɛjijɔ towe yi jǐ sɔ só e hú ga só lɛ́ɛ bǐ é, lě e a nɔ gbo hwɛ gbɔn ɔ́ yi do hú xu ɖaxó ɔ́ sín azan jí. Mawu Mavɔmavɔ, a nɔ hwlɛ́n gbɛtɔ́ kpó kanlin kpó.

Ɖɛhan 57:1

Hanjigbɛ́gán ɔ́ sín hanjiwéma mɛ wɛ han élɔ́ ɖe. È sɔ́ xó lómílómí dó han mɛ. Davídi sín han wɛ. È nɔ ji dó han e è nɔ ylɔ́ ɖɔ “Ma hɛn nǔ gblé ó” é sín hangbe mɛ. Hwenu e Sawúlu ɖo Davídi nya wɛ, bɔ é yi hɔn hwlá cí sónu mɛ ɔ́ wɛ é ji.

Ɖɛhan 58:11

Nǔjlɔ́jlɔ́watɔ́ ká ná j'awǎ, ɖó Mawu ná ba hlɔn n'i, é ná lɛ wǔ ɖo mɛdídá lɛ́ɛ sín kanjɔ mɛ.

Ɖɛhan 61:4

Đó bibɛtɛn wɛ a nyǐ nú mì, ahohó wɛ a nyǐ nú mì ɖo kɛntɔ́ nukɔn.

Ɖɛhan 63:7

Nú un mlɔ́ adɔ̌zan ce jí ɔ́, un nɔ́ ɖo flínflín we wɛ; un nɔ ɖo tamɛ lin dó wǔ towe wɛ ɖo zǎn ɔ́ mɛ.

Ɖɛhan 91:4

É ná cyɔ́n awa jǐ towe kokló vǐnɔ ɖɔhun, bɔ a nǎ mɔ tɛnmɛ ɖo awa tɔn lɛ́ɛ glɔ́. Gbejíninɔ tɔn ɔ́, ganwu wɛ, gǎglónú wɛ.

Nǔnywɛ́xó 11:18

Nǔ e mɛdídá nɔ mɔ ɔ́ nɔ́ ɖó ta ɖé ǎ; mɛ e ka nɔ vlɔ́n kan nú nǔ wa ɖó sɛ́nxwi jí ɔ́, tunwun ɖɔ émí ná ɖu le tɔn dandan.

Nǔnywɛ́xó 23:18

Énɛ́ ɔ́, sɔ ná nyɔ́ nú we, bɔ nǔ e ɖó nukún wɛ a ɖe ɔ́ ná nyí yǎyá ǎ.

Jelemíi 31:16

Lo ɔ́, Mawu Mavɔmavɔ ɖɔ n'i ɖɔ: “Ma ya avǐ ó, súnsún nukún mɛ; un ná dó gbɔ nú we ɖó wǔvɛ́ e a mɔ lɛ́ɛ wú. Nyɛ Mawu Mavɔmavɔ wɛ ɖɔ mɔ̌. Vǐ towe lɛ́ɛ ná gosín kɛntɔ́ yětɔn lɛ́ɛ sín to mɛ bó lɛ́ kɔ wá.”

Matíe 23:37

“Jeluzalɛ́munu e mi, Jeluzalɛ́munu e mi, mi mɛ e nɔ hu gbeyíɖɔ Mawu tɔn lɛ́ɛ, bo nɔ nyi awǐnnyaglo dó hu mɛ e Mawu nɔ sɛ́ dó mi lɛ́ɛ é! Azɔn mɔ̌kpán wɛ un ko jló ná kplé mi dó awa ce lɛ́ɛ glɔ́, lě e kokló nɔ kplé vǐ tɔn lɛ́ɛ dó awa tɔn lɛ́ɛ glɔ́ ɔ́ ɖɔhun. Lo ɔ́, mi jló ǎ.

Matíe 5:12

Mi j'awǎ, bó hun xomɛ, ɖó ajɔ ɖaxó ɖo te kpɔ́n mi ɖo sɛ́xwé. Ɖó, mɔ̌ wɛ è ko dó ya nú gbeyíɖɔ Mawu tɔn e jɛ nukɔn nú mi lɛ́ɛ gbɔn ɔ́ nɛ́.

Matíe 6:1

“Mi ma nɔ wa Mawuzɔ́ mitɔn lɛ́ɛ ɖo agbawungba bo na dó xɔ susu ɖo gbɛtɔ́ lɛ́ɛ nukɔn ó. Ɖó, ényí ɖɔ mɔ̌ wɛ mi nɔ wa Mawuzɔ́ mitɔn lɛ́ɛ gbɔn ɔ́, mi sɔ́ ná mɔ ajɔ tɔn yí ɖo Tɔ́ mitɔn e ɖo sɛ́xwé ɔ́ gɔ́n ǎ.

Luki 6:35

Lo ɔ́, mi yí wǎn nú kɛntɔ́ mitɔn lɛ́ɛ, bó nɔ́ wa ɖagbe nú yě, bó nɔ́ hwé nǔ nú mɛ, mi ma ka ɖó nukún tɔn ɖɔ émí ná lɛ́ wá mɔ yí ó, énɛ́ ɔ́, ajɔ mitɔn ná tlí, bɔ mi ná nyí Mawu Ajalɔ̌nlɔn ví; ɖó Mawu nɔ́ nyɔ́ xomɛ dó alɔgúdokpɛ́dónúmɛtɔ́ lɛ́ɛ kpódó mɛdídá lɛ́ɛ kpán wú.

Kolósinu 2:18

Mi ma lɔn nú mɛ e nɔ hun xomɛ ɖo mɛɖéesɔ́hwe ɖo wějí sín nǔwiwa lɛ́ɛ kpódó wɛnsagun lɛ́ɛ sinsɛn kpán mɛ ɔ́, ɖě ní ɖó hwɛ nú mi ó; mɛ mɔ̌hun ɔ́, nǔmimɔ e é nɔ mɔ lɛ́ɛ wú wɛ é nɔ gán jɛ, bɔ linlin gbɛtɔ́ tɔn e é nɔ ɖó lɛ́ɛ nɔ zɔ́n bɔ goyíyí dó wǔvɔ́ nɔ gbɛ́ dó e.

2 Timɔtée 1:18

Aklúnɔ ní bló bónú é ní mɔ nǔbláwǔkúnúmɛ Aklúnɔ tɔn yí ɖo azǎn énɛ́ gbe. Alɔ tobutóbú e é gɔ́ nú mì ɖo Efɛ́zi ɔ́, a tunwun ganjí.

2 Timɔtée 4:8

Bɔ din ɔ́, ajɔ e è nǎ ná mɛ e ɖu ɖ'é jí lɛ́ɛ ɖo te nú mì; é wɛ nyí hwɛjijɔ sín ɖuɖéjígbákún e Aklúnɔ e nɔ́ ɖɔ hwɛjijɔ ɔ́ ná ná mì azǎn énɛ́ gbe é. É ka nyí nyɛ ɖokpónɔ wɛ é ná ná ǎ, lo ɔ́, mɛ e yí wǎn n'i, bó ɖo te kpɔ́n wǐwá tɔn lɛ́ɛ bǐ wɛ é ná ná.

Eblée 11:26

É tunwun ɖɔ nú mɛ lɛ́ɛ gbɛ́ wǎn nú émí lě e yě gbɛ́ wǎn nú Klísu gbɔn ɔ́, é kpé akwɛ́ nú émí hú dɔkun Ejípu tɔn lɛ́ɛ; ɖó nukún tɔn ɖo ajɔ e jǎwe sɔ gúdo ɔ́ wú.

Eblée 11:6

Nǔgbó ɔ́, nú mɛɖé ma ɖó nǔɖiɖi ǎ ɔ́, nǔ tɔn sixú nyɔ́ Mawu nukún mɛ ǎ; ɖó mɛ e sɛkpɔ́ Mawu ɔ́ ɖó ná ɖi nǔ ɖɔ Mawu tíin, bó nɔ ná ajɔ mɛ e ɖo biba ɛ wɛ lɛ́ɛ.

Eblée 6:10

Mawu nɔ dó hwɛ agɔ ǎ; é ná wɔn azɔ̌ e mi wa é ǎ; wǎn yíyí e mi ɖe xlɛ́ ɛ gbɔn alɔ e mi dó nɔví klísusɛntɔ́ lɛ́ɛ é gbla mɛ, bó ka lɛ́ kpo ɖo dǐdó yě wɛ ɔ́, é ná wɔn ǎ.

Hwliti 1:16

Hwliti ka yí gbe n'i ɖɔ: “Ma dó tagba nú mì ɖɔ ma jó we dó bó lɛ́ kɔ yi nɔ zɔ nú we ó; a yi fí ɖěbǔ ɔ́, un ná yi; fí e a nɔ ɔ́ wɛ un ná nɔ. Togun towe wɛ ná nyí togun ce; Mawu e a nɔ sɛn ɔ́ wɛ un ná sɛn.

Hwliti 2:11

Bowozi ka yí gbe n'i ɖɔ: “Nǔ e a wa nú asú towe nɔ sín hwenu e asú towe kú ɔ́, lě e a jǒ tɔ́ towe kpó nɔ towe kpó dó, bó jó to towe dó, bó wá ɖo togun e a ma tunwun ɖ'ayǐ ǎ mɛ gbɔn ɔ́, un se bǐ.

Hwliti 2:13

Hwliti ɖɔ: “Óo! Sɛ́ ce, xomɛ jɛ́n a nyɔ̌ dó wǔ ce sɔ mɔ̌ a? A dǒ gbɔ nú mì, a zě gbe fífá dó ɖɔ xó nú mì, có nyɛ ka tlɛ sɔ azɔ̌watɔ́ towe lɛ́ɛ ɖě lɔ ǎ.”

Hwliti 4:15

É ná ná ayi j'ayǐ we bó ná kpé nukún wǔ we ɖo kpikpoxɔmɛ. Vǐ towe si ɔ́ hú vǐ tɛ́nwe nú we, ɖó é yí wǎn nú we bó ji vǐ súnnu élɔ́ nú we.”

1 Samuwɛ́li 24:19

A ɖe xomɛnyínyɔ́ towe xlɛ́ mì égbé, ɖó Mawu Mavɔmavɔ jó mì nú we, có hwɛ ɔ́, a hu mì ǎ.

1 Samuwɛ́li 24:20

Ényí mɛɖé yi kpé kɛntɔ́ tɔn ɔ́, é nɔ jó e dó bɔ é nɔ yi wǔɖíɖí aji ɖɔhun wɛ a? Gbeɖé kpɔ́n! Mawu Mavɔmavɔ ní ná nǔ e a wa nú mì égbé ɔ́ sín ajɔ we.