Xwe tɛ́nwe lɛ́ɛ gúdo ɔ́, nyɔ̌nu ɔ́ kplá mɛ tɔn lɛ́ɛ, bó gosín Filisitɛ́ɛn lɛ́ɛ sín tomɛ. Ée é wá Izlayɛ́li ɔ́, é yi axɔ́sú ɔ́ gɔ́n bó sa vo n'i ɖɔ é ní sɔ́ xwé émítɔn kpó gle émítɔn kpó nú émí.
Bɔ yě lɛ́ dó avǐ gbe, bó ya ɖésú. Ɔpa ka gbɔ bó kplá así kɔ nú asú tɔn nɔ, bó ná jó é dó; lo ɔ́, Hwliti tɛ́ dó asú tɔn nɔ wú, bó gbɛ́ ɖɔ émí kún ná jó e dó gbeɖé ó.
Mɔwabu fínɛ́ wɛ Nɔemíi ɖe, bó se ɖɔ Mawu Mavɔmavɔ jɔwǔ togun émítɔn, bɔ nǔɖuɖu tíin; énɛ́ ɔ́, é jɛ nǔ sɔ́ jí, é kpó vǐ tɔn sín asi we lɛ́ɛ kpó, bó ná lɛ́ kɔ yi Judáa.
Lo ɔ́, hwenu e yě ɖo yiyi wɛ ɔ́, é ɖɔ nú yě ɖɔ: “Din ɔ́, mi lɛ́ kɔ yi xwé, bónú mɛ ɖokpó ɖokpó ní yi nɔ tɔn gɔ́n! Mawu Mavɔmavɔ ní nyɔ́ xomɛ dó mi wú, lě e mi nyɔ́ xomɛ dó asú mitɔn e kú lɛ́ɛ kpó nyɛ kpó wú gbɔn é!
