Hwliti 1:15 - MAWUXÓWÉMA

¹⁵ Nɔemíi ɖɔ nú Hwliti ɖɔ: “Kpɔ́n, wegɔ́ towe nɛ́ lɛ́ kɔ xwe togun tɔn kpó vodún tɔn kpó kɔn nɛ́. Hwi lɔmɔ̌ ní lɛ́ kɔ yi éyɛ́ ɖɔhun.”

Hwliti 1:15 Iomraidhean Croise

2 Axɔ́sú 2:2

Lě e nǔ lɛ́ɛ jɛ gbɔn ɔ́ ɖíe: Hwenu e yě ɖo ali jí bó ɖo yiyi wɛ ɔ́, Elíi ɖɔ nú Elizée ɖɔ: “Kɛnklɛ́n nɔ fí, ɖó káká Betɛ́li wɛ Mawu Mavɔmavɔ sɛ́ mì dó.” Elizée ka xwlé Mawu n'i ɖɔ: “Mawu Mavɔmavɔ ɖo gbɛ bónú hwi lɔ ɖo gbɛ jɛ́n wɛ ɔ́, un ɖo nǎ jó we dó wɛ ǎ.” Ée é ɖɔ mɔ̌ ɔ́, yě yi Betɛ́li.

Ɖɛhan 125:5

Lo ɔ́, mɛ e ɖo ali gɔ́ndɔ́n gɔ́ndɔ́n jí lɛ́ɛ ɔ́, Mawu Mavɔmavɔ, za yě kpó mɛ e nɔ wa nǔ nyanya lɛ́ɛ kpó. Mawu Mavɔmavɔ ní ná fífá Izlayɛ́li!

Ɖɛhan 36:3

É nɔ́ mɔ ɖɔ émí kó nyɔ́ dín, bó sɔ́ nɔ́ mɔ nǔ e é nɔ́ wa nyi do é, bó ná gbɛ́ wǎn ná ǎ.

Sofoníi 1:6

Un ná sú mɛ e dó gǔdo mì, bó má nɔ ba alɔdó ce ǎ, bó má nɔ ba ná ɖó xó te nú mì ǎ lɛ́ɛ sín kún dó.”

Kɛ́nsísɔ́ 10:30

Hobabu yí gbe n'i ɖɔ: “Un ná yi ǎ, lo ɔ́, un ná yi to ce mɛ fí e un jɔ ɖe é.”

Luki 24:28

Ée yě ká sɛ yá gletoxo e mɛ yě xwe ɔ́, Jezu bló nǔ mɛ e ná dín yi nukɔn ɖɔhun;

Eblée 10:38

Nǔ ɖo mɔ̌ có, mɛ e un mɔ dó mɔ hwɛjijɔnɔ ɖó nǔɖiɖi tɔn wú ɔ́ ná nɔ gbɛ. Amɔ̌ mɛ ɔ́ lɛ́ kɔ ɔ́, nǔ tɔn sɔ́ ná nyɔ́ nukún ce mɛ ǎ.”

Jozuwée 24:15

Nú mi ma ka jló ná sɛn Mawu Mavɔmavɔ ǎ hǔn, mi bo ɖɔ nǔ e mi ná sɛn ɔ́ bɛ́ sín égbé. É sixú nyí vodún e tɔ́gbó mitɔn lɛ́ɛ sɛn ɖ'ayǐ ɖo Efláti tɔ ɔ́ gúdo lɛ́ɛ; é ká sixú nyí vodún e Amɔliti e mɛ mi ɖe lɛ́ɛ nɔ sɛn lɛ́ɛ é. Amɔ̌, nyɛ kpó xwédo ce kpó ɔ́, Mawu Mavɔmavɔ wɛ mǐ ná sɛn.”

Jozuwée 24:19

Bɔ Jozuwée ɖɔ nú yě ɖɔ: “Mi ná sixú sɛn Mawu Mavɔmavɔ ǎ, ɖó Mawu mímɛ́ wɛ é nyí. Mawu ɖé wɛ é nyí bó nɔ́ ba gbeɖé ɖɔ è nǐ sɛn nǔ ɖěvo gɔ́ nú émí ǎ. É ná sɔ́ nǔ e mi wa nyi do lɛ́ɛ kpó hwɛ e mi hu lɛ́ɛ kpó kɛ mi ǎ.

1 Jǎan 2:19

Mɛ énɛ́ lɛ́ɛ gosín mǐ mɛ, ɖó yě nyí mɛ mǐtɔn ɖě ɖ'ayǐ ǎ; ɖó nú yě ko nyí mɛ mǐtɔn wɛ ɔ́, yě ná ko nɔ mǐ mɛ; yě ka gosín mǐ mɛ, bónú è nǎ mɔ nukúnnú jɛ mɛ céɖécéɖé ɖɔ yě ɖěbǔ kún ko nyí mɛ mǐtɔn ɖ'ayǐ ó.

Hwɛɖɔtɔ́ 11:24

Ayǐkúngban e vodún towe Kemɔci ná we ɔ́, ɖo así towe ǎ cé? Hǔn mǐ lɔmɔ̌ ɔ́, ayǐkúngban e Mawu Mavɔmavɔ wa nǔ bɔ mǐ kpé wú bó yí ɔ́, mǐ ɖó acɛ d'é nu.

Hwliti 1:14

Bɔ yě lɛ́ dó avǐ gbe, bó ya ɖésú. Ɔpa ka gbɔ bó kplá así kɔ nú asú tɔn nɔ, bó ná jó é dó; lo ɔ́, Hwliti tɛ́ dó asú tɔn nɔ wú, bó gbɛ́ ɖɔ émí kún ná jó e dó gbeɖé ó.

Hwliti 1:16

Hwliti ka yí gbe n'i ɖɔ: “Ma dó tagba nú mì ɖɔ ma jó we dó bó lɛ́ kɔ yi nɔ zɔ nú we ó; a yi fí ɖěbǔ ɔ́, un ná yi; fí e a nɔ ɔ́ wɛ un ná nɔ. Togun towe wɛ ná nyí togun ce; Mawu e a nɔ sɛn ɔ́ wɛ un ná sɛn.