Hwliti 1:14 - MAWUXÓWÉMA

¹⁴ Bɔ yě lɛ́ dó avǐ gbe, bó ya ɖésú. Ɔpa ka gbɔ bó kplá así kɔ nú asú tɔn nɔ, bó ná jó é dó; lo ɔ́, Hwliti tɛ́ dó asú tɔn nɔ wú, bó gbɛ́ ɖɔ émí kún ná jó e dó gbeɖé ó.

Hwliti 1:14 Iomraidhean Croise

Bǐbɛ́mɛ 31:28

A sɔ́ gbɔ nú má kplá así kɔ nú vǐ ce lɛ́ɛ kpó vǐ ce ví lɛ́ɛ kpó hwɛ̌ ǎ. A wa nǔ xlonɔ ɖɔhun.

2 Samuwɛ́li 19:39

Ée é ɖɔ mɔ̌ ɔ́, axɔ́sú ɔ́ ɖɔ: “É nyɔ́, Kimuxámu ní bo xwedó mì. Un ná bló nǔ e a ɖɔ é bǐ n'i. Un ná ná nǔ e a nǎ byɔ́ mì ɔ́ bǐ we.”

1 Axɔ́sú 19:20

Elizée ká jó nyibú tɔn lɛ́ɛ dó, bó kán wezun yi mɔ Elíi bo ɖɔ n'i ɖɔ: “Gbɔ nú má yi dó yibowá nú tɔ́ ce kpó nɔ ce kpó, bó wá xwedó we.” Bɔ Elíi yí gbe n'i ɖɔ: “Bo yi bo lɛ́ kɔ wá, ɖó nǔ e un wa nú we ɔ́ wú.”

Nǔnywɛ́xó 17:17

Xɔ́ntɔn nyɔ́ hwebǐnu. È nɔ ɖó nɔví bɔ é ná dó alɔ mɛ adǎngbomɛ hwenu.

Nǔnywɛ́xó 18:24

Xɔ́ntɔn ɖé lɛ́ɛ nɔ́ wá húzú awě bó nɔ́ xo mɛ; lo ɔ́, xɔ́ntɔn zɔnjɛzɔnfɔ́n ɔ́, è nɔ mɔ ɛ ɖo gúdo hú nɔví.

Ezayíi 14:1

Mawu Mavɔmavɔ ná ɖe xlɛ́ ɖɔ émí yí wǎn nú Jakɔ́bu ví lɛ́ɛ. É ná lɛ́ vɔ́ ɖe xlɛ́ ɖɔ Izlayɛ́li to ɔ́ wɛ nyí to e émí sɔ́ é. É ná lɛ́ zé mɛ tɔn lɛ́ɛ ɖó tɛn yětɔn mɛ, ɖo ayǐkúngban yě ɖésú tɔn jí. Jǒnɔ e wá cí Izlayɛ́li lɛ́ɛ ná wá gɔ́ nú yě, bɔ yě bǐ ná jɛ kpɔ́ xá Jakɔ́bu ví lɛ́ɛ.

Zakalíi 8:23

Hwenɛ́nu ɔ́, jǒnɔ wǒ ná tíin, bɔ yě mɛ ɖokpó ɖokpó ná dó gbe vovo: yě ná hɛn Jwifu ɖokpó sín awu ɖaxó sín tó majómájó bó dó hɛn ɛ ɖó te bó ná ɖɔ n'i ɖɔ: ‘Mǐ jló ná xwedó mi, ɖó mǐ se ɖɔ Mawu ɖo kpɔ́ xá mi.’ ”

Matíe 10:37

“Mɛ e yí wǎn nú tɔ́ tɔn abǐ nɔ tɔn hú mì ɔ́, mɛ énɛ́ jɛ xá ná nyí ahwanvú ce ǎ; mɛ e ka ná yí wǎn nú vǐ tɔn súnnu abǐ vǐ tɔn nyɔ̌nu hú mì ɔ́, mɛ énɛ́ lɔmɔ̌ jɛ xá na nyí ahwanvú ce ǎ.

Matíe 16:24

Jezu ka ɖɔ nú ahwanvú tɔn lɛ́ɛ ɖɔ jí: “Ényí mɛɖé jló ná xwedó mì hǔn, ní jó tito é ɖésúnɔ tɔn lɛ́ɛ dó, bó ɖíɖá aklúzu tɔn, bó xwedó mì.

Matíe 19:22

Ée dɔ̌nkpɛvú ɔ́ se xó énɛ́ lɛ́ɛ ɔ́, é ɖidó wǔbláwúblá, ɖó dɔkunnɔ ɖaxó wɛ é nyí.

Mɛsɛ́dó 17:34

É ɖo mɔ̌ có, mɛɖé lɛ́ɛ xwedó e, bó ɖi nǔ: mɛ e è nɔ ylɔ́ ɖɔ Denisi ɖo mɛ e nɔ kplé ɖo Aleopaji lɛ́ɛ mɛ é, kpó nyɔ̌nu e è nɔ ylɔ́ ɖɔ Damalísi ɔ́ kpó, kpódó mɛ ɖěvo lɛ́ɛ kpán ɖo yě mɛ.

Sɛ́nflínmɛ 10:20

“Mi ní ɖó sísí nú Mawu Mavɔmavɔ, Mawu mitɔn; mi nɔ sɛn ɛ; é ɖokpónɔ géé wú wɛ mi ná ɖó kan dó bó ná nɔ sɛn; é ɖokpónɔ sín nyǐkɔ wɛ mi ná nɔ́ xwlé.

Sɛ́nflínmɛ 4:4

Lo ɔ́, mi mɛ e nɔ gbejí nú Mawu Mavɔmavɔ, Mawu mitɔn lɛ́ɛ ɔ́, mi bǐ kpo ɖo gbɛ égbé din.

2 Timɔtée 4:10

Đó Demási jó mì dó, bó yi Tɛsaloniki, ɖó é yí wǎn nú gbɛ din tɔn ɔ́ dín. Klɛsáan yi Galati, bɔ Títu ka yi Dalumati.

Eblée 10:39

Mǐ ɖo mɛ e nɔ jó agɔ dó gúdo, bó nɔ yi dɔn lɛ́ɛ mɛ ǎ; lo ɔ́, mǐ ɖó nǔɖiɖi, bó ɖo hwlɛngán sín ali ɔ́ jí.

Hwliti 1:13

mi ná gbɛ́ súnnu ɖěvo da, bó ná nɔ te kpɔ́n yě káká bɔ yě ná su wɛ a? Vǐ ce lɛ́ɛ e mi, mi gbɔ, nyɛ wɛ Mawu Mavɔmavɔ húzú kpan nukɔn, bó ɖo nǔ wa xá wɛ.”

Hwliti 1:15

Nɔemíi ɖɔ nú Hwliti ɖɔ: “Kpɔ́n, wegɔ́ towe nɛ́ lɛ́ kɔ xwe togun tɔn kpó vodún tɔn kpó kɔn nɛ́. Hwi lɔmɔ̌ ní lɛ́ kɔ yi éyɛ́ ɖɔhun.”

Hwliti 1:7

É kplá yě bɔ yě jɛ ali.

Hwliti 2:11

Bowozi ka yí gbe n'i ɖɔ: “Nǔ e a wa nú asú towe nɔ sín hwenu e asú towe kú ɔ́, lě e a jǒ tɔ́ towe kpó nɔ towe kpó dó, bó jó to towe dó, bó wá ɖo togun e a ma tunwun ɖ'ayǐ ǎ mɛ gbɔn ɔ́, un se bǐ.