Hwliti 1:1 - MAWUXÓWÉMA

¹ Hwenu e hwɛɖɔtɔ́ lɛ́ɛ ɖo acɛ kpa wɛ ɖo Izlayɛ́li ɔ́, adɔ ɖé tɔ́n ɖo to ɔ́ mɛ. Nya ɖé ka tíin bó nɔ́ nɔ Bɛteleyɛ́mu ɖo Judáa yíkúngban jí; nya énɛ́ ɔ́ kplá asi tɔn kpó vǐ tɔn súnnu we lɛ́ɛ kpó, bɔ yě ná yi nɔ Mɔwabu, ɖó adɔ e tɔ́n é wú.

Hwliti 1:1 Iomraidhean Croise

Bǐbɛ́mɛ 12:10

Adɔ wá tɔ́n ɖo Kanáa to ɔ́ mɛ, bɔ Ablámu yi Ejípu bó ná nɔ fínɛ́, ɖó adɔ e tɔ́n ɖo to ɔ́ mɛ ɔ́ syɛ́n ɖésú.

Bǐbɛ́mɛ 26:1

Adɔ ɖěvo lɛ́ tɔ́n ɖo to ɔ́ mɛ, ɖo éé tɔ́n ɖo Ablaxámu hwenu ɔ́ gúdo, bɔ Izáki yi axɔ́sú Filisitɛ́ɛn lɛ́ɛ tɔn Abimɛlɛ́ki gɔ́n ɖo Geláa.

Bǐbɛ́mɛ 43:1

Adɔ e tɔ́n ɔ́ lɛ́ ɖo syɛ́nsyɛ́n d'é jí wɛ ɖo Kanáa.

2 Samuwɛ́li 21:1

Adɔ tɔ́n xɔ xwe atɔn, hwenu e Davídi ɖo axɔ́sú ɖu wɛ é. Davídi kan xó byɔ́ Mawu Mavɔmavɔ bɔ é yí gbe n'i ɖɔ: “Adǎka e Sawúlu kpó mɛ tɔn lɛ́ɛ kpó xo hwenu e é hu Gabawɔ́ɔnnu lɛ́ɛ é wú wɛ adɔ tɔ́n.”

1 Axɔ́sú 18:2

Ée Mawu Mavɔmavɔ ɖɔ mɔ̌ nú Elíi ɔ́, é ɖidó axɔ́sú Akábu gɔ́n. Adɔ ɔ́ ka syɛ́n ɖo Samalíi ɖésú.

1 Tan 2:51

Đokpó nɔ́ nyí Saluma. É wɛ ɖó Bɛteleyɛ́mu toxo ɔ́ ayǐ. Đokpó nɔ́ nyí Halɛ́fu. É wɛ ɖó Bɛti-Gadɛ́ɛ toxo ɔ́ ayǐ.

1 Tan 2:54

Saluma wɛ dó Bɛteleyɛ́munu lɛ́ɛ kpó Nɛtofanu lɛ́ɛ kpó sín kún, bó dó Atlɔ́ti-Bɛti-Yoavunu, Manaxáti ví lɛ́ɛ vlɔ̌ kpó Soléanu lɛ́ɛ vlɔ̌ kpó sín kún,

Ɖɛhan 105:16

É sɛ́ adɔ dó to ɔ́ mɛ, é sú lě e yě ná wa gbɔn bó nɔ gbɛ ɔ́ bǐ sín ali dó yě.

Ɖɛhan 107:34

é wɛ nɔ́ sɔ́ to e sín ayǐkúngban nɔ hwán nǔ ɔ́ dó húzú ayǐkúngban jɛvɛ́jɛvɛ́, ɖó adǎka e to ɔ́ mɛ nu lɛ́ɛ nɔ́ xo é wú.

Jelemíi 14:1

Mawu Mavɔmavɔ ɖɔ xó nú Jelemíi dó akú e ɖó é wú.

Ezekiyɛ́li 14:13

“Hwɛ gbɛtɔ́ e, ényí to ɖé tíin, bɔ mɛ e ɖ'é mɛ lɛ́ɛ hu hwɛ dó mì, bó jó mì dó ɔ́, alɔ ce ná jɛ yě wǔ. Un ná hɛn nǔɖuɖu e yě kplé ɖó ayǐ lɛ́ɛ bǐ gblé; un ná sɛ́ adɔ dó to ɔ́ mɛ, bɔ gbɛtɔ́ kpó kanlin kpó bǐ ná kú.

Ezekiyɛ́li 14:21

Énɛ́ ɔ́ gúdo ɔ́, Aklúnɔ Mavɔmavɔ ɖɔ nú mì ɖɔ: “Awě ɖaxó ɛnɛ énɛ́ lɛ́ɛ bǐ wɛ un sɛ́ dó Jeluzalɛ́mu: un sɛ́ ahwan dó, un sɛ́ adɔ dó, un sɛ́ adǎnkanlin kpó jɛmɛjí kpó dó, bó ná sú gbɛtɔ́ kpó kanlin kpó bǐ kún dó ɖo toxo ɔ́ mɛ.

Levíi ví 26:19

Hlɔ̌nhlɔ́n e mi ɖó bó dó ɖo go yí wɛ ɔ́, un ná gba bǐ dó; un ná bló bɔ jǐnukúnsin mitɔn ná syɛ́n gan ɖɔhun. Akú ná ɖó bɔ ayǐkúngban mitɔn ná xú ganvɔ ɖɔhun.

Amɔ́si 4:6

“Nyɛ ɔ́, un sɛ́ adɔ dó mi gbɔn toxo ɖaxó mitɔn lɛ́ɛ bǐ mɛ. Nǔɖuɖu hán mi ɖo xwé mitɔn lɛ́ɛ gbe. Nǔ nyí mɔ̌ có, mi lɛ́ kɔ wá gɔ̌n ce ǎ.” Xó e Mawu Mavɔmavɔ ɖɔ ɔ́ nɛ́.

Micée 5:2

Énɛ́ ɔ́ wú wɛ Mawu Mavɔmavɔ ná jó togun tɔn dó nú kɛntɔ́ lɛ́ɛ káká jɛ hwenu e nyɔ̌nu e ɖo ajidonu ɔ́ ná ji vǐ dó é. Yě mɛ e ná kpo ɖo gbɛ ɖo kannumɔgbénu lɛ́ɛ ná lɛ́ kɔ wá gɔ́ nú Izlayɛ́li ví e kpo ɖo xwé lɛ́ɛ.

Sɛ́nflínmɛ 28:38

Mi ná dó nǔkún gěgé ɖó gle mitɔn mɛ, amɔ̌, wɛn lɛ́ɛ wɛ ná ɖu bǐ, bɔ mi ná mɔ nǔjɔnǔ ɖé ǎ.

Hwɛɖɔtɔ́ 12:8

Ée Jɛfutée kú gúdo ɔ́, Ibusáni Bɛteleyɛ́munu ɔ́ wɛ húzú gǎn ɖo Izlayɛ́li.

Hwɛɖɔtɔ́ 17:7

Levíi ví dɔ̌nkpɛvú ɖé nɔ́ nɔ Bɛteleyɛ́mu ɖo akɔta Judáa tɔn yíkúngban jí.

Hwɛɖɔtɔ́ 17:8

Dɔ̌nkpɛvú nɛ́ ɔ́ gosín Bɛteleyɛ́mu, bó ná yi ba fí ɖěvo nɔ. Ée é ɖo ali jí bó ɖo yiyi wɛ ɔ́, é wá jɛ Mika sín xwé gbe, ɖo Eflayímu sókan ɔ́ mɛ.