Gbɛvíhan 5:8 - MAWUXÓWÉMA

⁸ Kannumɔ lɛ́ɛ wɛ ɖo acɛ kpa nú mǐ wɛ, mɛ ɖěbǔ ká yí mǐ sín yě sí ǎ.

Gbɛvíhan 5:8 Iomraidhean Croise

Bǐbɛ́mɛ 9:25

bó ɖɔ: “Nǔɖé ná nyɔ́ nú Kanáa ǎ; é wɛ ná nyí kannumɔ kannumɔ lɛ́ɛ tɔn nú nɔví tɔn lɛ́ɛ.” Nu wɛ un dó e.

Nɛɛmíi 2:19

Lo ɔ́, ée Sanbaláti Holonayímunu ɔ́ kpódó Toviya Amumɔ́ɔ ví e xo kpó ɖó n'i ɔ́ kpó, kpódó Gɛcɛ́mu Alabíinu ɔ́ kpó se xó énɛ́ ɔ́, yě jɛ cícá mǐ ko jí, bó nɔ́ ɖɔ nyɔmɛ mǐ wú ɖɔ: “Étɛ́ wa wɛ mi ka ɖe ɖo fínɛ́ nɛ́? Gǔ ná fɔ́n dó Dadá ɔ́ jí wɛ mi ka ɖe a?”

Nɛɛmíi 5:15

Lo ɔ́, tokpɔngán e jɛ nukɔn nú mì lɛ́ɛ dó tagba nú togun ɔ́ káká bó nɔ́ yí nǔɖuɖu kpó ahan kpó ɖo yě sí, bó nɔ́ lɛ́ yí akwɛ́gan kanɖé (40) ɖo yě sí d'é jí gbe ɖokpó. Mɛ e nɔ wa azɔ̌ xá tokpɔngán lɛ́ɛ lɔ nɔ táfú togun ɔ́ ɖu. Amɔ̌, nyɛ ɔ́, ɖó sísí e un ɖó nú Mawu ɔ́ wútu ɔ́, un wa nǔ gbɔn mɔ̌ gbeɖé ǎ.

Jɔ̌bu 10:7

A ka tunwun ganjí ɖɔ un kún wa nǔɖé nyi do ó; mɛɖé kún ka sixú hwlɛ́n mì ɖo así we ó.

Jɔ̌bu 5:4

Un ɖɔ: “Vǐ tɔn lɛ́ɛ ní má mɔ gǎnjɛwú ɖěbǔ ó; yě yi hwɛgun hǔn, è nǐ ɖó hwɛ nú yě, mɛ ɖěbǔ ma hwlɛ́n yě gán ó.

Ɖɛhan 50:22

Mi mɛ e nɔ wɔn nyɛ Mawu lɛ́ɛ ɔ́, nǔ e mi ná tunwun é nɛ́, é má nyí mɔ̌ ǎ ɔ́, un ná vúnvún mi, mɛ e ná yí mi sín así ce ɔ́ ná ɖe ǎ.

Ɖɛhan 7:2

Mawu Mavɔmavɔ, Mawu ce, hwi wɛ un nɔ hɔn wá su. Hwlɛ̌n mì gán ɖo mɛ e ɖo ya dó nú mì wɛ lɛ́ɛ bǐ sí; xɔ mì ɖo yě sí.

Nǔnywɛ́xó 30:22

kannumɔ ná wá ɖu axɔ́sú, taɖunɔ ná ɖu nǔ, bɔ é ná kpé e kpo,

Ezayíi 43:13

bó ná nyí Mawu káká sɔ́yi; mɛ ɖé sixú yí nǔ sín así ce ǎ, nǔ e un bló ɔ́, mɛɖé ká nɔ́ húzú ǎ.”

Ozée 2:10

É tunwun ɖɔ nyɛ wɛ nɔ ná émí jinukún, kpó vɛ̌ɛn yɔ̌yɔ́ kpó, kpódó ami kpó ɖ'ayǐ ǎ. Bɔ kpatágan kpó siká kpó e un nɔ ná ɛ ɔ́, é nɔ́ fɔ ná vodún Baalu.

Zakalíi 11:6

Nyɛ Mawu Mavɔmavɔ ɔ́ lɔmɔ̌ ɖo ɖiɖɔ wɛ ɖɔ un kún ná kú nǔbláwǔ nú mɛ e ɖo ayǐkúngban jí lɛ́ɛ ó. Un ná jó gbɛtɔ́ ɖokpó ɖokpó dó nyi mɛ e ɖo akpá tɔn ɔ́ kpódó axɔ́sú kpó sín acɛ mɛ. Axɔ́sú lɛ́ɛ ná sú nǔ e ɖo ayǐkúngban jí lɛ́ɛ sín kún dó. Un ka ɖo mɛ ɖěbǔ ná hwlɛ́n gán sín alɔ yětɔn mɛ wɛ ǎ.”

Sɛ́nflínmɛ 28:43

Mɛ e nyí jǒnɔ ɖo to mitɔn mɛ lɛ́ɛ ɔ́, acɛ yětɔn ná ɖo jijɛ jí wɛ, bɔ mitɔn ná ɖo ɖiɖe kpo wɛ.