Gbɛvíhan 5:7 - MAWUXÓWÉMA

⁷ Tɔ́ mǐtɔn lɛ́ɛ hu hwɛ; yě kó kú; mǐdɛɛ lɛ́ɛ wɛ ká ɖo sin tɔn sún wɛ.

Gbɛvíhan 5:7 Iomraidhean Croise

Bǐbɛ́mɛ 42:13

Yě ká ɖɔ n'i ɖɔ: “Mǐ mɛ mɛsɛntɔ́ towe lɛ́ɛ ɔ́, tɔ́ ɖokpó ɔ́ sín vǐ súnnu wěwe wɛ mǐ nyí ɖo Kanáa. Mɛ e nyí yɔkpɔ́vú bǐ ɖo mǐ mɛ ɔ́ ɖo tɔ́ mǐtɔn gɔ́n din, bɔ nɔví mǐtɔn ɖokpó ká tíin bó sɔ́ ɖe ǎ.”

Bǐbɛ́mɛ 42:36

Bɔ tɔ́ yětɔn ɖɔ nú yě ɖɔ: “Mi ɖo vǐ ce lɛ́ɛ yí sín así ce wɛ: Jozɛ́fu sɔ́ ɖe ǎ, Sinmɛnyɔ́ɔ sɔ́ ɖe ǎ, bɔ din ɔ́, mi lɛ́ jló ná zé Bɛnjamɛ́ɛ yi. Nyɛ ɖokpónɔ jɛ́n nǔ wa.”

Jɔ̌bu 7:21

A nǎ sɔ́ hwɛ ce kɛ mì ǎ cé? A nǎ wɔn nǔ e un wa nyi do lɛ́ɛ ǎ cé? Nyɛ ɖíe ɖo kúkú wɛ e; hwenu e a nǎ ba mì ɔ́, un sɔ́ ná ɖe ǎ.

Jɔ̌bu 7:8

Hwi mɛ e ɖo nukún kpé dó wǔ ce wɛ ɔ́, a sɔ́ ná mɔ mì ɖě ǎ; a nǎ zé nukún dó ba mì, a ka sɔ́ ná mɔ mì ǎ.

Tíntɔ́n 20:5

Ma jɛ kpo bo ɖe kɔ́ nú yě ó; ma sɛn yě ó, ɖó nyɛ Mawu Mavɔmavɔ, Mawu towe ɔ́, un nɔ ba gbeɖé ɖɔ a nǐ sɛn nǔ ɖěvo zɛ nyɛ wú ǎ; ényí mɛɖé gbɛ́ wǎn nú mì ɔ́, vǐ tɔn lɛ́ɛ ná sún sin tɔn, vǐvú tɔn lɛ́ɛ, vitikli tɔn lɛ́ɛ kpódó kpaba tɔn lɛ́ɛ kpó ná sún sin tɔn.

Jelemíi 14:20

Mawu Mavɔmavɔ, mǐ tunwun ɖɔ mǐ xo dǎka, mǐ tunwun ɖɔ tɔ́gbó mǐtɔn lɛ́ɛ wa nǔ nyi do. Mǐ lɔ hu hwɛ dó we.

Jelemíi 16:11

Yě kan mɔ̌ byɔ́ ɔ́, a nǎ yí gbe nú yě ɖɔ: ‘Mawu Mavɔmavɔ ɖɔ: Tɔ́gbó mitɔn lɛ́ɛ wɛ jó mì dó bó sɛn nǔmɛsɛn ɖěvo lɛ́ɛ. Yě nɔ́ sɛn yě, bó nɔ́ ɖe kɔ́ nú yě. Yě jǒ mì dó, yě xwe dó sɛ́n ce ǎ.

Jelemíi 16:12

Amɔ̌, midɛɛ lɛ́ɛ ɔ́, nǔ e mi dó sin lɛ́ɛ hú ée tɔ́gbó mitɔn lɛ́ɛ dó sin é. Nǔ e mi xwe ɔ́ wɛ mi nɔ wa, mi jló ná ɖótó mì ǎ.

Jelemíi 31:15

Xó e Mawu Mavɔmavɔ ɖɔ ɔ́ ɖíe: “È se mɛɖé ɖo xó sú wɛ ɖo Hlama, mɛ ɔ́ ɖo avǐ ya wɛ, bó ɖo alě ná wɛ tlala; Hlacɛ́li wɛ ɖo vǐ tɔn lɛ́ɛ ví wɛ. É jló ná se gbɔ ǎ, ɖó vǐ tɔn lɛ́ɛ sɔ́ ɖo fí ǎ.”

Jelemíi 31:29

Azǎn énɛ́ lɛ́ɛ gbe ɔ́, mɛ ɖěbǔ sɔ́ ná dó lǒ élɔ́ ǎ: ‘Tɔ́ kpó nɔ kpó ɖu vǐwun xɛ́lú, lo ɔ́, vǐ yětɔn sín aɖǔ wɛ ká jí.’

Ezekiyɛ́li 16:58

Din ɔ́, nǔ baɖabaɖa e a dǒ sin lɛ́ɛ ɔ́, hɛ̌nnú e a dǒ sin lɛ́ɛ ɔ́, nǔ e yě ji ɔ́, a nǎ sɔ́ kpan. Xó e nyɛ Aklúnɔ Mavɔmavɔ ɖɔ ɔ́ nɛ́.

Ezekiyɛ́li 18:2

“Étɛ́wú è ka nɔ dó lǒ ɖo Izlayɛ́li ɖɔ: ‘Mɛjitɔ́ lɛ́ɛ ɖu vǐwun xɛ́lú ɔ́, vǐ yětɔn lɛ́ɛ sín aɖǔ wɛ nɔ jí?’

Zakalíi 1:5

Din ɔ́, tɔ́gbó mitɔn lɛ́ɛ sɔ́ ɖe ǎ; gbeyíɖɔ lɛ́ɛ ká nɔ gbɛ sɔ́ yi ǎ, mi tunwun ganjí.

Kɛ́nsísɔ́ 14:18

‘Mawu Mavɔmavɔ wɛ un nyí; un nɔ yá wǔ sin xomɛ ǎ; un nyí Mawu xomɛnyɔ́tɔ́; un nɔ sɔ́ nǔ nyanya e è wa lɛ́ɛ kpódó tónú e è ma se ǎ lɛ́ɛ kpó kɛ mɛ. Un ká nɔ mɔ mɛ e hu hwɛ ɔ́ dó mɔ hwɛjijɔnɔ ǎ. Hwɛ e vǐtɔ́ lɛ́ɛ hu ɔ́, vǐ yětɔn lɛ́ɛ ná sún sin tɔn; vǐvú yětɔn lɛ́ɛ, vitikli yětɔn lɛ́ɛ kpó kpaba yětɔn lɛ́ɛ kpó ná sún sin tɔn.’