Gbɛvíhan 5:6 - MAWUXÓWÉMA

⁶ Cóbónú mǐ ná ɖu nǔ ɔ́, alɔ wɛ mǐ nɔ́ tɛ́ nú Ejípunu lɛ́ɛ kpódó Asilíinu lɛ́ɛ kpó.

Gbɛvíhan 5:6 Iomraidhean Croise

Bǐbɛ́mɛ 24:2

Ablaxámu ɖɔ nú mɛsɛntɔ́ tɔn e nyí gǎn nú mɛsɛntɔ́ tɔn ɖě lɛ́ɛ bǐ, bó nɔ́ kpɔ́n nǔ tɔn lɛ́ɛ bǐ jí ɔ́ ɖɔ: “Sɔ́ alɔ towe dó asá ce glɔ́ .

2 Axɔ́sú 10:15

Ée Jehu gosín fínɛ́ ɔ́, é kpé Yonadávu Hlekávu ví ɔ́. É dó gbe e, bó ɖɔ n'i ɖɔ: “Xomɛ towe ka ɖo wɛn dó wǔ ce lě e xomɛ ce ɖo wɛn dó wǔtu towe gbɔn ɔ́ a?” Yonadávu yí gbe n'i bó ɖɔ: “Ɛɛn!” Jehu lɛ́ ɖɔ n'i ɖɔ: “Ényí é ɖo mɔ̌ nǔgbó hǔn, nǎ alɔ mì.” Bɔ Yonadávu ná alɔ ɛ, bɔ Jehu dɔn ɛ dó kɛkɛ́ví e mɛ é ɖe ɔ́ mɛ,

Ezayíi 57:9

A sɛ́ ami kpó célu kpó dó vodún Mɔlɛ́ki, bó sɛ́ mɛ dó to línlín mɛ. Énɛ́ ɔ́, a j'ayǐ bǐ; a j'ayǐ káká bó yi kú tomɛ.

Jelemíi 2:18

Din ɔ́, nú a yi Ejípu tomɛ, bó ná yi nu Nilu tɔ ɔ́ sín sin ɔ́, ɖagbe tɛ́ wɛ sin ɔ́ ná wa nú we? Nú a yi Asilíi tomɛ, bó ná yi nu Efláti tɔ ɔ́ sín sin ɔ́, ɖagbe tɛ́ wɛ sin ɔ́ ná wa nú we?

Jelemíi 2:36

“Mi ka nɔ yá wǔ húzú gbe mɛ nya! Lě e mi ɖu winnyá ɖo Asilíi nukɔn gbɔn ɔ́, mɔ̌ wɛ mi ná ɖu gbɔn ɖo Ejípu nukɔn.

Jelemíi 50:15

Ahwanfuntɔ́ lɛ́ɛ mi! Mi sú xó dó Babilɔ́nu jí gbɔn ɖisí amyɔ. É wá sɔ́ éɖée jó, dǒ tɔn lɛ́ɛ mu, ahohó tɔn lɛ́ɛ hɔ́, ɖó nyɛ Mawu Mavɔmavɔ wɛ ɖo hlɔn ba wɛ. Akɔta lɛ́ɛ mi, nǔ e Babilɔ́nu wa xá mi ɔ́, mi yi ba hlɔn tɔn. Mi sú nǔ e é wa nú mɛ ɖě lɛ́ɛ ɔ́ sín axɔ́ ɛ.

Gbɛvíhan 4:17

Mǐ ɖo nukún ɖó alɔgɔ́númɛtɔ́ wɛ káká bɔ nukún mǐtɔn bo, alɔgɔ́númɛtɔ́ ɔ́ wá ǎ; mǐ ɖo mɛcɔ́kpe mǐtɔn jí bó ɖo ali kpɔ́n nú akɔta ɖé wɛ; mǐ ɖo ali kpɔ́n nú akɔta ɖé wɛ bónú é ná wá hwlɛ́n mǐ gán, akɔta e kpɔ́n ali ná wɛ mǐ ɖe ɔ́ ká wá ǎ.

Ezekiyɛ́li 17:18

ɖó Judáa xɔ́sú ɔ́ nɔ gbejí nú nǔ e é zin alɔ dó akɔ́n bó ɖɔ é ǎ; é gba akɔ e é jɛ é, có é ɖésú wɛ yí gbe ná; nǔ énɛ́ e é wa ɔ́, ná kpa ɛ ǎ.

Ozée 12:1

Mawu Mavɔmavɔ ɖɔ: “Togun Eflayímu tɔn nɔ ɖó adingban lɛ́ lɛ̌ dó mì. Akɔta Izlayɛ́li tɔn ɔ́ nɔ́ blɛ́ mɛ lɛ́ lɛ̌ dó mì. Akɔta Judáa tɔn ɔ́ ká kpo ɖo xwixwedó nyɛ Mawu wɛ, bó ɖo gbejí nú nyɛ mɛ e nyí Mǐmɛ́ bǐ ɔ́ é.

Ozée 5:13

Akɔta Eflayímu tɔn ɔ́ mɔ azɔn e jɛ wɛ é ɖe ɔ́. Akɔta Judáa tɔn ɔ́ mɔ akpa e ɖo wǔ tɔn ɔ́. Énɛ́ ɔ́, Eflayímu yi Asilíi bó ɖɔ xó nú Axɔ́sú Đaxó ɔ́; lo ɔ́, axɔ́sú énɛ́ ɔ́ sixú gbɔ azɔn nú mi ǎ, é ká sixú mɔ nǔɖé dó hu akpa mitɔn lɛ́ɛ ná ǎ.

Ozée 7:11

Eflayímunu lɛ́ɛ cí ahwannɛ́ xlonɔ ɖé ɖɔhun, ayixa ɖěbǔ ɖo xo yětɔn mɛ ǎ. Ejípu wɛ yě ylɔ́, Asilíi wɛ yě yi.

Ozée 9:3

Eflayímunu lɛ́ɛ ná sixú nɔ Mawu Mavɔmavɔ sín to ɔ́ mɛ ǎ, yě ɖǒ ná lɛ́ kɔ yi Ejípu, abǐ Asilíi, bó ná yi ɖu nǔ e vɛ́ yě lɛ́ɛ.