Gbɛvíhan 5:2 - MAWUXÓWÉMA

² To e a nǎ mǐ ɔ́ húzú mɛ ɖěvo lɛ́ɛ sín to, xwé mǐtɔn lɛ́ɛ húzú mɛ e mǐ ma tunwun ǎ lɛ́ɛ sín xwé.

Gbɛvíhan 5:2 Iomraidhean Croise

Ɖɛhan 109:11

Axɔ́tɔ́nɔ ní sá kan ɛ bó bɛ́ nǔ tɔn bǐ, to ɖěvo mɛ nu lɛ́ɛ ní bɛ́ nǔ e é jɛ dɛ̌n bó mɔ lɛ́ɛ.

Ezayíi 1:7

To mitɔn gba; toxo mitɔn lɛ́ɛ ji zo. Toɖévomɛnu lɛ́ɛ nɔ́ bɛ́ jinukún mitɔn lɛ́ɛ ɖo nukún mitɔn mɛ. To ɔ́ jɛ vɔ̌ ahwangbamɛ ɖɔhun.

Ezayíi 5:17

Gbɔ̌ lɛ́ɛ ná wá ɖu ama ɖo nǔ e gúdú ɖo toxo ɔ́ mɛ lɛ́ɛ mɛ, amagbo mɛ wɛ yě ɖe ɖɔhun, gbɔ̌ví e è ɖo nǔɖuɖu ná wɛ ganjí lɛ́ɛ lɔ ná wá ba nǔɖuɖu yětɔn ɖo fínɛ́.

Ezayíi 63:18

Mǐ togun towe e a sɔ́ ɖó vo é ɔ́, hwenu kpɛɖé jɛ́n to e a nǎ mǐ ɔ́ nyí mǐtɔn xɔ; kɛntɔ́ mǐtɔn lɛ́ɛ gbídí tɛn mímɛ́ towe ɖó afɔ wú.

Jelemíi 17:4

To e un ná we, bɔ é nyí towe ɔ́, a nǎ jó. Un na jó we nú kɛntɔ́, bɔ a na yi nɔ kannumɔgbénu, ɖo to e a ma tunwun ǎ é mɛ. Xomɛsin e a dó nú mì ɔ́ cí myɔ ɖɔhun, nǔɖé sixú xo cí ǎ.”

Jelemíi 6:12

Xwé yětɔn, gle yětɔn kpó asi yětɔn kpó bǐ nǎ húzú mɛ ɖěvo tɔn. Alɔ ce ná jɛ mɛ e ɖo to élɔ́ mɛ lɛ́ɛ wú. Xó e nyɛ Mawu Mavɔmavɔ ɖɔ ɔ́ nɛ́.

Ezekiyɛ́li 7:21

Un ná jó toxo ɔ́ nú akɔta ɖěvo lɛ́ɛ, bɔ yě ná fɔ nǔ e ɖ'é mɛ lɛ́ɛ bǐ. Mɛ ma nyí mɛɖé énɛ́ lɛ́ɛ ná bɛ́ nǔ e ɖo toxo ɔ́ mɛ lɛ́ɛ bǐ, bó ɖu su nú toxo ɔ́.

Ezekiyɛ́li 7:24

Énɛ́ ɔ́ wú ɔ́, un ná sɛ́ togun e nɔ xo dǎka titewungbe lɛ́ɛ dó to ɔ́ mɛ, bɔ yě ná yǐ xwé yětɔn lɛ́ɛ. Un ná hu acɛ nú gǎnhúnǔtɔ́ énɛ́ lɛ́ɛ e nɔ́ ɖo afɔ tɛ ayǐ wɛ lɛ́ɛ, bɔ è nǎ ɖu sú nú vodún xwé yětɔn lɛ́ɛ.

Ozée 8:7

Nǔ e è dǒ ɔ́ wɛ è nɔ ya. Yě ná ɖó jinukún kwín ɖokpó ǎ. Jinukún e ná wú lɛ́ɛ ɖě ná nyɔ́ nú è nǎ mɔ linfín ǎ. É ná bó tíin ɔ́, jǒnɔ lɛ́ɛ wɛ ná ɖu bǐ.

Ozée 8:8

È sú Izlayɛ́linu lɛ́ɛ sín kún dó. Zɛ̌n e má nyí nǔɖé wa nú ǎ é ɖɔhun wɛ yě ɖe din ɖo akɔta lɛ́ɛ tɛ́ntin.

Sofoníi 1:13

È nǎ hɛn dɔkun yětɔn bǐ gblé, bó ná gba xwé yětɔn lɛ́ɛ. Yě ná gbá xɔ bó ka ná nɔ mɛ ǎ. Yě ná tun vǐwun, yě ká ná ɖu ǎ.”