Gbɛvíhan 5:18 - MAWUXÓWÉMA

¹⁸ ɖó Sinyɔ́ɔ só ɔ́ húzú gbětótló, é húzú ayǐsájɛ lɛ́ɛ sín avatɛn.

Gbɛvíhan 5:18 Iomraidhean Croise

2 Axɔ́sú 25:9

É dó Mawu Mavɔmavɔ xwé ɔ́ zo, bó dó hɔnmɛ ɔ́ kpó xwé e ɖo Jeluzalɛ́mu lɛ́ɛ bǐ kpó zo. Đo tají ɔ́, é dó gbɛtɔ́ nukúnɖéjí lɛ́ɛ sín xwé zo.

Nɛɛmíi 4:3

Énɛ́ wú ɔ́, mǐ sa vo nú Mawu mǐtɔn, bó ɖe gbɛtɔ́, bɔ mɛ ɖě nɔ́ nya xɛ ɖo mǐ jí zǎn mɛ, bɔ mɛ ɖě nɔ́ nya kéze, bónú kɛntɔ́ lɛ́ɛ ja ahwan tɔ́n mǐ gbé ɔ́, yě ná ɖɔ nú mǐ.

Ɖɛhan 63:10

Lo ɔ́, mɛ e ɖo biba ná gblé gbɛ dó nú mì wɛ lɛ́ɛ ná yi ayǐkúngban glɔ́ ɖo kútomɛ.

Ezayíi 64:9

Mawu Mavɔmavɔ, toxo mímɛ́ towe lɛ́ɛ ɔ́, mɛ ɖé sɔ́ ɖo yě mɛ ǎ; gbɛtɔ́ ɖokpó sɔ́ ɖo Jeluzalɛ́mu ǎ, Sinyɔ́ɔ húzú to gbigba.

Jelemíi 17:3

Judáa togun e, hwi mɛ e nɔ sɛn vodún gbɔn só jí só jí, bó nɔ́ sɛn gbɔn nǔkan mɛ nǔkan mɛ ɔ́, nǔ e nyí towe lɛ́ɛ, dɔkun towe lɛ́ɛ kpó fí e a nɔ yi sɛn vodún gbɔn lɛ́ɛ kpó ɔ́, un jó bǐ nǔ kɛntɔ́, bɔ kɛntɔ́ ná vɔ bǐ, ɖó hwɛ e a hu gbɔn ayǐ towe lɛ́ɛ jí lɛ́ɛ wú.

Jelemíi 26:9

Étɛ́wú a ka glá káká bó ɖɔ dó Mawu Mavɔmavɔ nyǐkɔ mɛ ɖɔ è na gba xwé élɔ́ Silóo tɔn ɖɔhun, lobɔ toxo élɔ́ ná gba hánnyá, káká bɔ mɛ ɖěbǔ kún sɔ́ ná kpo ɖo toxo ɔ́ mɛ ó? Étɛ́wú a ka ɖɔ mɔ̌?” Énɛ́ ɔ́, mɛ e ɖo Mawu Mavɔmavɔ xwé ɔ́ gbe lɛ́ɛ bǐ xísí dó Jelemíi.

Jelemíi 44:2

“Mawu Mavɔmavɔ Nǔbǐwúkpétɔ́, Mawu Izlayɛ́li tɔn ɖɔ: ‘Mi mɔ awě e un sɛ́ dó Jeluzalɛ́mu kpó Judáa toxo ɖě lɛ́ɛ kpó é. Toxo énɛ́ lɛ́ɛ bǐ wɛ ko gba égbé din; bǐ kó jɛ vɔ̌.

Jelemíi 44:6

Ée mi bló mɔ̌ ɔ́, un gbɔ bo ɖe xomɛsin ce kpó adǎn ce kpó xlɛ́ gbɔn Judáa toxo lɛ́ɛ mɛ, bó ɖe xlɛ́ gbɔn Jeluzalɛ́mu li lɛ́ɛ jí. Dǒglin kɛ́ɖɛ́ wɛ kpo ɖo te, nǔ bǐ wɛ gúdú lě e é ɖe gbɔn égbé din é.’ ”

Jelemíi 52:13

É dó Mawu Mavɔmavɔ xwé ɔ́ zo, bó dó hɔnmɛ ɔ́ kpó xwé e ɖo Jeluzalɛ́mu lɛ́ɛ bǐ kpó zo. Đo tají ɔ́, é dó gbɛtɔ́ nukúnɖéjí lɛ́ɛ sín xwé zo.

Jelemíi 9:10

Mawu ɖɔ: “Un ná sɔ́ Jeluzalɛ́mu dó húzú dǒglin; un ná sɔ́ dó húzú nɔtɛn nú ayǐsájɛ lɛ́ɛ. Un ná sɔ́ Judáa toxo ɖě lɛ́ɛ dó húzú gbětótló, mɛɖé ná nɔ fínɛ́ ǎ.”

Jelemíi 9:11

Gbɛtɔ́ e ɖó nǔnywɛ́ bó mɔ nukúnnú jɛ nǔ énɛ́ lɛ́ɛ mɛ é ɖě ká ɖe a? Ényí Mawu Mavɔmavɔ ɖɔ xó nú mɛ mɔ̌hunkɔtɔn hǔn, é ní bó ɖɔ nǔ e wú to ɔ́ gba ɔ́, nǔ e wú é ji zo bó cí gbětótló e mɛ mɛɖé má nɔ́ gbɔn ǎ é ɖɔhun é.

Ezekiyɛ́li 13:4

Áo Izlayɛ́li, gbeyíɖɔ towe lɛ́ɛ cí ayǐsájɛ e ɖo sa ɖi gbɔn xwé gbigba gbe wɛ lɛ́ɛ ɖɔhun.

Daniyɛ́li 9:17

Mawu mǐtɔn, bo ɖó tó ɖɛ e xo wɛ un ɖe ɔ́ kpó vo e sa sɛ́ dó we wɛ un ɖe ɔ́ kpó. Zě nukún ɖagbe dó kpɔ́n goxɔ towe e gba hánnyá é ná ɖó wǎn yíyí towe wú.

Micée 3:12

Đó midɛɛ lɛ́ɛ wú ɔ́, Sinyɔ́ɔ ná húzú gle e jí è na nɔ dó nǔ ɖe é, Jeluzalɛ́mu ná húzú zunkɔ́ta; lo ɔ́, fí e Sinsɛnxɔ Mawu tɔn e ɖo só jí ɔ́ ɖe ɔ́ bǐ ná húzú zungbó ɖó mi wú.