Gbɛvíhan 5:16 - MAWUXÓWÉMA

¹⁶ Wi e ɖo ta mǐtɔn ɔ́ kɔ́n; heelú mǐ, ɖó mǐ hu hwɛ.

Gbɛvíhan 5:16 Iomraidhean Croise

Jɔ̌bu 19:9

É sɔ́ mì kɔn nyi ayǐ, é kɔ́n wi sín ta nú mì.

Ɖɛhan 89:39

É ɖo mɔ̌ có, a gbɛ̌ axɔ́sú e a sɔ́ é, a jǒ e dó, a sin xomɛ dó e.

Nǔnywɛ́xó 14:34

Hwɛjijɔ nɔ sɔ́ to dó jǐ; amɔ̌, nǔ agɔ wiwa ɔ́, winnyá wɛ é nyí nú to.

Nǔnywɛ́xó 27:24

ɖó dɔkun nɔ nɔ ayǐ káká sɔ́yi ǎ; mɔ̌ ɖokpó ɔ́, axɔ́súgbákún nɔ́ nɔ ayǐ káká sɔ́yi ǎ.

Ezayíi 3:8

Jeluzalɛ́mu klɛ́n afɔ, Judáa jɛ ayǐ; yě nɔ́ fɔ́n gǔ dó susu Mawu Mavɔmavɔ tɔn jí, gbɔn xóɖiɖɔ mɛ, gbɔn nǔwiwa mɛ.

Jelemíi 13:18

Mawu ɖɔ nú mì ɖɔ: Jelemíi, ɖɔ nú axɔ́sú ɔ́ kpó na kpɔjitɔ́ ɔ́ kpó ɖɔ: “Mi jínjɔ́n kɔ́ mɛ! Đó jɛ̌gbákún e ɖo ta mitɔn e j'ayǐ.

Jelemíi 2:17

Hwɛ Izlayɛ́li, ée nyɛ Mawu Mavɔmavɔ, Mawu towe ɖo ali ɖagbe jí kplá we gbɔn wɛ, bɔ hwɛ ka jó mì dó ɔ́, nǔ mɔ̌hun ná gɔn gbigbo we wɛ a?

Jelemíi 2:19

Nǔ nyanya wiwa towe ná wa nǔ xá we; gbejí ma nɔ towe ná dɔn tó nú we, bɔ a nǎ mɔ ɖɔ nyɛ Mawu Mavɔmavɔ, Mawu towe e a jǒ dó ɔ́, tɛn ce mɛ e a ma tunwun nú mì ǎ ɔ́ ná vlɛ́ nu nú we; é ná nylá nú we ɖésú. Xó e nyɛ Aklúnɔ Mavɔmavɔ Nǔbǐwúkpétɔ́ ɔ́ ɖɔ ɔ́ nɛ́.”

Jelemíi 32:23

Yě wá yí to ɔ́. Amɔ̌, yě ɖótó gbe towe ǎ, yě nyi sɛ́n towe ǎ. Nǔ e a ɖɔ yě ní wa lɛ́ɛ ɔ́, yě bló ǎ. Énɛ́ ɔ́ wú wɛ a sɛ́ nǔ nyanya e ɖo jijɛ wɛ égbé din ɔ́ bǐ dó.

Jelemíi 4:18

Jeluzalɛ́mu, nǔ e a dǒ sin lɛ́ɛ sín le nɛ́! Dǎka e a xo lɛ́ɛ sín le nɛ́! Awě e xo we ɔ́ vɛ́ dín. É hun káká yi ayi towe mɛ.”

Gbɛvíhan 1:1

Áo! Jeluzalɛ́mu ɖíe wá ɖo é ɖokpónɔ e! Toxo e mɛ gbɛtɔ́ sukpɔ́ ɖe ɖ'ayǐ káká é! Éɖíe wá ɖo é ɖokpónɔ din e! É mɛ e nyǐkɔ tɔn yi jǐ ɖo akɔta lɛ́ɛ tɛ́ntin káká ɔ́, é ɖíe wá cí asúkúsi ɖɔhun e! Đ'ayǐ ɔ́, é wɛ nyí axɔ́sú nú tokpɔn lɛ́ɛ, é wɛ kpa acɛ nú yě; é ɖíe ká wá ɖo mɛ kannu din e.

Gbɛvíhan 1:18

Mawu Mavɔmavɔ wa nǔ xá mì gbɔn mɔ̌, hwɛ tɔn ka jɔ, ɖó un ko fɔ́n gǔ dó nǔ e é ɖɔ lɛ́ɛ jí ɖ'ayǐ. Mi togun lɛ́ɛ mi, mi bǐ ní ɖótó ganjí. Mi kpɔ́n ya e ji wɛ un ɖe ɔ́: ahwan wlí ɖyɔ̌vǐ ce lɛ́ɛ kpódó dɔ̌nkpɛvú ce lɛ́ɛ kpó yi to ɖěvo mɛ.

Gbɛvíhan 1:20

“Mawu Mavɔmavɔ, kpɔ́n adǎn e ɖo gbigbo mì wɛ é! Kpɔ́n wǔvɛ́ e mɔ wɛ un ɖe ɖo agbaza mɛ é; ayixa ce bǐ wɛ gbadó, ɖó lě e un fɔ́n gǔ dó jǐ we sɔ é wú. Ahwan hu vǐ ce lɛ́ɛ bǐ, è wǎ gɔ̌n ce ɔ́, è nǎ ɖɔ kúxwé wɛ.

Gbɛvíhan 1:8

Jeluzalɛ́mu hu hwɛ dín; énɛ́ ɔ́ wú wɛ nǔ tɔn má sɔ́ nɔ́ jɛ mɛɖé tɔn jí ǎ. Mɛ e nɔ sí i ɖ'ayǐ lɛ́ɛ ɔ́, din e yě mɔ ɛ ɖo mɛ̌ jɔgbe ɔ́, yě sɔ́ mɔ ɛ dó mɔ nǔɖé ǎ. Ée é jɛ mɛ̌ din ɔ́, nǔ e kpo n'i ɔ́ ɖíe: é ná jɛ gbɛvo sa jí bó ná ba fí ɖé gbɔn.

Gbɛvíhan 2:1

Áo! Aklúnɔ sin xomɛ. É sin xomɛ bó sɛ́ ablu gɔngɔn ɖé dó Sinyɔ́ɔ. É kpíkpé nǔ e mɛ Izlayɛ́li nɔ xɔ susu ɖe ɔ́ sín jǐxwé nyi dó kɔ́ mɛ; hwenu e Aklúnɔ sin xomɛ dó Sinyɔ́ɔ ɔ́, é sɔ́ flín ɖɔ afɔɖótɛn émítɔn wɛ é nyí ǎ.

Gbɛvíhan 4:13

Hwɛ e gbeyíɖɔ lɛ́ɛ hu lɛ́ɛ wɛ zɔ́n bɔ nǔ baɖabaɖa énɛ́ ɔ́ jɛ; nǔ e vɔ̌sánú-xwlémawutɔ́ lɛ́ɛ dó sin lɛ́ɛ wɛ zɔ́n bɔ nǔ baɖabaɖa énɛ́ ɔ́ jɛ; yě kɔn hwɛjijɔnɔ lɛ́ɛ sín hun kɔn nyi ayǐ ɖo toxo ɔ́ mɛ.

Ezekiyɛ́li 21:26

Axɔ́sú Babilɔ́nu tɔn nɔ te fí e ali we lɛ́ɛ bɛ́ sín ɔ́, bó kan nǔ bó ná tunwun toxo e sín ali e é ná sɔ́ é: é sɔ́ gǎ tɔn lɛ́ɛ dó kan nǔ, bó kan nǔ byɔ́ bǒcyɔ tɔn lɛ́ɛ, é kpɔ́n lě e kanlin e é dó sá vɔ̌ ná lɛ́ɛ sín alǐn ɖe é.

Micée 6:13

A hu hwɛ; énɛ́ ɔ́ wú wɛ un ko jɛ tó dɔn nú we jí, bɔ tó e dɔn nú mi wɛ un ɖe ɔ́ ná zɔ́n, bɔ ajɔ̌ mitɔn ná jɛ ayǐ.

Nǔɖexlɛ́mɛ 2:10

Wǔvɛ́ e a nǎ mɔ ɔ́ ní ma dó xɛsi nú we ó. Đǒtó: Awǒvi ná bɛ́ mɛ gěgé ɖo mi mɛ dó gankpá mɛ, bó ná dó tɛ́n mi kpɔ́n; mi ná mɔ wǔvɛ́ xɔ azǎn wǒ. Nɔ gbejí káká yi kú; énɛ́ ɔ́, un ná ná we gbɛ bɔ é ná cí axɔ́súgbákún e nɔ́ ná gbɛ mɛ é ɖɔhun.

Nǔɖexlɛ́mɛ 3:11

Un ná wá ɖo malín málín mɛ din. Hɛn nǔ e ɖo así towe ɔ́ syɛ́nsyɛ́n, bónú mɛɖé ma yí ɖuɖéjí towe sín ajɔ ɔ́ sín así towe ó.

1 Samuwɛ́li 7:6

Bɔ yě bǐ kplé ɖo Misipa, bó dun sin bo ba kɔn nyi ayǐ nú Mawu Mavɔmavɔ, bó blá nu gbe nɛ́ ɔ́ gbe. Gbe nɛ́ ɔ́ gbe wɛ yě ɖɔ: “Mǐ hu hwɛ dó Mawu Mavɔmavɔ.” Fínɛ́ wɛ Samuwɛ́li húzú togun Izlayɛ́li tɔn sín gǎn ɖe.