Gbɛvíhan 4:9 - MAWUXÓWÉMA

⁹ È cí ahwan ɔ́, é nyɔ́ hú è kú adɔ. È cí ahwan ɔ́, é nyɔ́ hú è nǐ ba nǔɖuɖu kpo, bó xú gǒ, é nyɔ́ hú è nǐ ba nǔɖuɖu kpo nú hlɔ̌nhlɔ́n vɔ ɖo mɛ wú.

Gbɛvíhan 4:9 Iomraidhean Croise

2 Axɔ́sú 25:3

Adɔ tɔ́n ɖo toxo ɔ́ mɛ bó syɛ́n ɖésú. Toví lɛ́ɛ sɔ́ mɔ nǔɖé ná ɖu ǎ. Sun ɛnɛgɔ́, xwe énɛ́ ɔ́ xwe tɔn ɔ́, azǎn tɔn tɛ́nnɛgɔ́ ɔ́ gbe ɔ́,

Tíntɔ́n 16:3

Izlayɛ́li ví lɛ́ɛ ɖɔ nú yě ɖɔ: “Hwenu e mǐ nɔ xá dó lanzɛ́n bó nɔ́ ɖu nǔ gɔ́ xo ɖo Ejípu ɔ́, é nyí Mawu Mavɔmavɔ ko hu mǐ hwenɛ́nu wɛ ɔ́, é nyɔ́ hú. Đó mi kplá mǐ wá gbětótló élɔ́ mɛ, bó ná jó mǐ mɛ tobutóbú élɔ́ lɛ́ɛ dó, bɔ mǐ ná kú adɔ.”

Ezayíi 22:2

Étɛ́wú axi ɖo jijɛ wɛ mɔ̌? Étɛ́wú a ɖo xó sú wɛ mɔ̌? Étɛ́wú a ɖo agbojlaka ɖú wɛ mɔ̌? Mɛ towe e kú lɛ́ɛ ɔ́, é nyí ahwan wɛ hu yě ǎ, ahwangbénu wɛ yě kú ɖe ǎ.

Jelemíi 16:4

yě ná jɛ azɔn bó ná kú; mɛɖé ná ví yě ǎ; mɛɖé ká ná ɖi yě ǎ. Zunkɔ́ kpowun wɛ yě ná nyí ɖo ayǐkúngban ɔ́ jí. Adɔ ná hu yě; ahwan ná hu yě. Cyɔ yětɔn lɛ́ɛ ná húzú nǔɖuɖu nú aklasú lɛ́ɛ kpó ayǐsájɛ lɛ́ɛ kpó.”

Ezekiyɛ́li 24:23

Tablá mitɔn ná ɖo ta nú mi bɔ afɔkpa mitɔn ná ɖo afɔ nú mi. Mi ná nɔ aluwɛ mɛ ǎ, mi ka ná ya avǐ ǎ. Amɔ̌, mi ná jɛ gǒ xú jí, ɖó hwɛ e mi hu lɛ́ɛ wú, bɔ mi ná nɔ́ sa vo ɖo miɖée gɔ́n.

Ezekiyɛ́li 33:10

“Hwɛ gbɛtɔ́ e, din ɔ́, ɖɔ nú Izlayɛ́li ví lɛ́ɛ ɖɔ mi nɔ gɔn ɖiɖɔ gbeɖé ɖɔ: ‘Hwɛ e mǐ hu lɛ́ɛ sín agban ɖo mǐ kpɛn wɛ, bɔ mǐ ɖo xúxú dó te wɛ. Nɛ̌ mǐ ná wa gbɔn din bó ná gán’ ǎ.

Ezekiyɛ́li 4:16

Mawu lɛ́ ɖɔ nú mì ɖɔ: “Hwɛ gbɛtɔ́ ɔ́, ɖǒtó mì: nǔɖuɖu sín kpasin e yě ɖǒ ɖo Jeluzalɛ́mu ɔ́, un ná hɛn bǐ gblé; nǔɖuɖu e yě ná nɔ́ ɖu kpó sin e yě ná nɔ́ nu gbe ɖokpó kpó ɔ́ ná ɖó jlɛ̌; énɛ́ ɔ́ ná zɔ́n bɔ yě ná ɖo adohu adohu jí.

Ezekiyɛ́li 7:15

“Ahwan ná tɔ́n gbɔn gle lɛ́ɛ mɛ; jɛmɛjí kpó adɔ kpó ná ɖo mɛ hu wɛ gbɔn xwé gbe xwé gbe. Mɛ e ɖo gle mɛ lɛ́ɛ ná kú ɖo ahwangbénu. Adɔ kpó azɔn kpó ná hu mɛ e ɖo toxo mɛ lɛ́ɛ.

Levíi ví 26:39

Mɛ e ná gán ɖo kɛntɔ́ sí ɖo mi mɛ lɛ́ɛ ná xú gǒ ɖo kɛntɔ́ yětɔn lɛ́ɛ sín tomɛ, ɖó hwɛ e yě hu lɛ́ɛ kpó hwɛ e tɔ́gbó yětɔn lɛ́ɛ hu lɛ́ɛ kpó wú.”

Sɛ́nflínmɛ 28:51

Yě ná ɖu vǐ e kanlin mitɔn lɛ́ɛ ná ji lɛ́ɛ, bó ná ɖa nǔ e ná nyɔ́ ɖo gle mitɔn mɛ lɛ́ɛ bǐ ɖu, yě ná ɖo ɖuɖu wɛ káká, bɔ kún mitɔn ná sú dó. Yě ná jó vɛ̌ɛn mitɔn ɖě dó nú mi ǎ; yě ná jó jinukún ɖě dó nú mi ǎ, yě ná jó ami mitɔn ɖě dó ǎ, nyibú mitɔn asinɔ lɛ́ɛ kpó gbɔ̌ mitɔn asinɔ lɛ́ɛ kpó ɔ́, yě ná jó ɖěbǔ dó nú mi ǎ: yě ná wa nǔ énɛ́ lɛ́ɛ xá mi káká jɛ hwenu e mi bǐ nǎ vɔ sín ayǐkúngban ɔ́ jí dó é.