Gbɛvíhan 4:7 - MAWUXÓWÉMA

⁷ Gǎn e ɖo toxo ɔ́ mɛ lɛ́ɛ ɔ́, wǔtu yětɔn ɖó blɔ̌ ɖěbǔ ǎ. Agbaza yětɔn wé hú nyibúnɔ́sin; wǔtu yětɔn myá hú awǐnnya koláyi; kan e ɖo lan yětɔn mɛ lɛ́ɛ nyí fɛ́sinnɔ awǐnnya safíi ɖɔhun.

Gbɛvíhan 4:7 Iomraidhean Croise

Jɔ̌bu 28:16

È sixú jlɛ́ nǔnywɛ́ dó siká akú wú ǎ, è sixú jlɛ́ nǔnywɛ́ dó awǐnnya xɔ akwɛ́ onísi wú ǎ, è ka sixú jlɛ́ dó awǐnnya xɔ akwɛ́ safíi wú ǎ.

Jɔ̌bu 28:18

Awǐnnya xɔ akwɛ́ koláyi kpó klisutálu kpó sixú nɔ te nukɔn tɔn ǎ. Nǔnywɛ́ xɔ akwɛ́ hú jɛ̌nana.

Ɖɛhan 144:12

Vǐ súnnu mǐtɔn lɛ́ɛ ní cí atín e ɖo vǔ, bɔ ayǐ nyɔ́ ná é ɖɔhun. Vǐ nyɔ̌nu mǐtɔn lɛ́ɛ cí dotín e wú è ɖe nǔ tɛnmɛ tɛnmɛ dó ɖo hɔnmɛ é ɖɔhun.

Ɖɛhan 51:7

Sín hwenu e è ji mì ɔ́ wɛ hwɛhuhu sín alɔxwixwí kó ɖo wǔ ce, bó ɖo wǔ ce sín nɔ ce xomɛ. Ée è dǒ xo ce é jɛ́n hwɛhuhu tɔ́ dó wǔ ce.

Tíntɔ́n 24:10

Yě mɔ Mawu Izlayɛ́li tɔn ɔ́. Awǐnnya fɛ́sinnɔ kpaba kpaba safíi ɖɔhun ɖé ɖo afɔ tɔn lɛ́ɛ glɔ́.

Hanvíví 5:10

Wǎnyínámɔ ce ɔ́, wǔtu tɔn ɖíɖí bó nɔ́ kɔ́n. To na bo kplé bónú é ɖ'é mɛ ɔ́, è nɔ tunwun i.

Hanvíví 5:15

Asá tɔn lɛ́ɛ cí mǎblu dotín ɖɔhun, mǎblu dotín e è sɔ́ siká akú dó bló dodó ná é ɖɔhun. È mɔ ɛ ɔ́, é nɔ́ cí Libáan zungbó ɖɔhun; é nyɔ́ kpɔ́n sɛ́dlutín Libáan tɔn lɛ́ɛ ɖɔhun.

Daniyɛ́li 1:15

Ée azǎn wǒ lɛ́ɛ wá yi ɔ́, è mɔ ɖɔ yě ɖo ganjí ɖo agbaza mɛ, bó lɛ́ mɔ lanmɛ hú mɛ e nɔ ɖu nǔɖuɖu ɖagbe e axɔ́sú ɔ́ ɖɔ yě ní nɔ́ ɖu lɛ́ɛ é.

Luki 1:15

Đó é ná nyí gbɛtɔ́ nukúnɖéjí ɖokpó ɖo Aklúnɔ nukún mɛ. Vɛ̌ɛn kpódó ahan syɛ́nsyɛ́n kpó ɖěbǔ ná jɛ nu tɔn ǎ. Yɛsinsɛn ná kó gɔ́ ayi mɛ n'i sín nɔ tɔn xomɛ.

Hwɛɖɔtɔ́ 13:5

ɖó a nǎ mɔ xo bó ná ji vǐ súnnu ɖokpó. Hǎ ná jɛ ta tɔn kpɔ́n gbeɖé ǎ, ɖó vǐ énɛ́ ɔ́, è sɔ́ ɛ ɖó vo nú Mawu sín nɔ tɔn xo mɛ. É wɛ ná jɛ Izlayɛ́li ví lɛ́ɛ hwlɛ́n sín Filisitɛ́ɛn lɛ́ɛ sí jí.”

Hwɛɖɔtɔ́ 13:7

É ɖɔ nú mì ɖɔ nyɛ na mɔ xo bó ná ji vǐ súnnu ɖokpó. É gbɛ́ nú mì ɖɔ bɛ́ sín din ɔ́, nyɛ ní má sɔ́ nu vɛ̌ɛn ɖě ó, nyɛ ní má sɔ́ nu ahan syɛ́nsyɛ́n ɖě ó; nyɛ ní má ká sɔ́ ɖu nǔɖuɖu e nyí su é ɖěbǔ ó, ɖó vǐ ɔ́, è nǎ sɔ́ ɛ ɖó vo nú Mawu, sín xo mɛ káká yi kúzán gbe tɔn.”

Hwɛɖɔtɔ́ 16:17

é gbɔ bo ɖɔ xomɛ n'i; é ɖɔ n'i ɖɔ: “È kpa ɖa e ɖo ta ce ɔ́ kpɔ́n gbeɖé ǎ, ɖó è ko sɔ́ mì ɖó vo nú Mawu cóbɔ è ji mì. Ényí è kpa ɖa nú mì ɔ́, un sɔ́ ná ɖó hlɔ̌nhlɔ́n ǎ, bó ná cí gbɛtɔ́ kpaa ɖé ɖɔhun.”

1 Samuwɛ́li 16:12

Jɛsée sɛ́ mɛ dó gbě tɔn mɛ nǔgbó. Nyaví vɔvɔ ɖagbe ɖagbe ɖé wɛ, bó ɖó nukún cɔɔn. Ée é wá ɔ́, Mawu Mavɔmavɔ ɖɔ nú Samuwɛ́li ɖɔ: “Sí te bo kɔn ami dó ta n'i bó sɔ́ ɛ axɔ́sú. É wɛ un sɔ́.”