Gbɛvíhan 4:6 - MAWUXÓWÉMA

⁶ Hwɛ e togun ce hu ɔ́ syɛ́n hú hwɛ e Sodɔ́mu toxo ɔ́ hu é. Sodɔ́mu toxo e è gba hánnyá ɖo nukún xwixwe ɖokpó mɛ é, gbɛtɔ́ ká ɖó alɔ ɖ'é mɛ có nú é gba hánnyá ǎ.

Gbɛvíhan 4:6 Iomraidhean Croise

Bǐbɛ́mɛ 19:24

Énɛ́ ɔ́, Mawu Mavɔmavɔ ɖésú sɛ́ hwemí kpó zo kpó dó sín jǐxwé bɔ yě ja kɔn nyi Sodɔ́mu kpó Gomɔ́ɔ kpó jí.

Bǐbɛ́mɛ 19:25

Mawu Mavɔmavɔ sɔ́ toxo énɛ́ lɛ́ɛ bǐ, bó húzú yě xwe; é sú mɛ e ɖo toxo énɛ́ lɛ́ɛ mɛ lɛ́ɛ sín kún dó, bó sɔ́ ayǐkúngban wɛnjɛ ɔ́ bǐ, kpó nǔ e wú ɖ'é jí lɛ́ɛ bǐ kpó bó húzú yě xwe.

Ezayíi 24:2

Nǔ ɖokpó ɔ́ wɛ ɖo te kpɔ́n vɔ̌sánú-xwlémawutɔ́ kpó mɛ e nɔ dó alɔ ɛ é kpó, gǎn kpó mɛsɛntɔ́ kpó, nyɔ̌nu xwési kpó vǐ ɖo mɛ gɔ́n kpó, nǔsatɔ́ kpó nǔxɔtɔ́ kpó, akwɛ́satɔ́ kpó akwɛ́nyatɔ́ kpó, axɔ́tɔ́nɔ kpó axɔ́ɖutɔ́ kpó.

Jelemíi 20:16

Mɛ énɛ́ ní cí toxo e Mawu Mavɔmavɔ vívá kún ná, bɔ é ma ka sɔ́ wá vɛ́ n'i ǎ é ɖɔhun. Zǎnzǎn ɔ́, gbɛvíhan wɛ é ná se. Hwe mɛ ɔ́, ahwan zǐngídi wɛ é ná se.

Jelemíi 23:14

Gbeyíɖɔ Jeluzalɛ́mu tɔn lɛ́ɛ ɔ́, nǔ e un ka nɔ mɔ ɖo yě sí ɔ́, nǔ baɖabaɖa wɛ, é vɛ́ jlɛ́. Afɔ wɛ yě nɔ́ dó gbě; yě nɔ́ nɔ adingban gbɛ mɛ. Adǎkaxotɔ́ lɛ́ɛ wɛ yě nɔ́ sɔ́ alɔ ná, bónú yě má jó adǎkaxixo dó ó. Nukún ce mɛ ɔ́, mɛ bǐ wɛ cí Sodɔ́mu nu lɛ́ɛ ɖɔhun; Jeluzalɛ́mu nu lɛ́ɛ lɔ cí Gomɔ́ɔ nu lɛ́ɛ ɖɔhun.

Gbɛvíhan 4:9

È cí ahwan ɔ́, é nyɔ́ hú è kú adɔ. È cí ahwan ɔ́, é nyɔ́ hú è nǐ ba nǔɖuɖu kpo, bó xú gǒ, é nyɔ́ hú è nǐ ba nǔɖuɖu kpo nú hlɔ̌nhlɔ́n vɔ ɖo mɛ wú.

Daniyɛ́li 8:25

É ná zé bǐbí tɔn dó táfú mɛ ɖé lɛ́ɛ, bó ná zé goyíyí tɔn dó sú mɛ e vɛdó ɖɔ émí ko mɔ agbɔ̌n lɛ́ɛ sín kún dó, bó ná lɛ́ sí te dó axɔ́sú axɔ́sú lɛ́ɛ tɔn ɔ́ jí. Hwenɛ́nu ɔ́, mɛ ɖěbǔ ná ɖó alɔ wǔ tɔn ǎ, bɔ é ná nɔ mɔ̌ bó gba hánnyá.

Daniyɛ́li 9:12

A ɖe gbe bɔ nǔ e a ɖɔ dó mǐ ɖésúnɔ kpó gǎn e ɖo acɛ kpa nú mǐ wɛ lɛ́ɛ kpó wú ɔ́ jɛ; a ɖe gbe bɔ nyladó e ma jɛ ɖo fí ɖé kpɔ́n gbeɖé ǎ ɔ́ jɛ dó mǐ jí ɖo Jeluzalɛ́mu.

Matíe 24:21

ɖó adǎn e na wá gbo gbɛtɔ́ lɛ́ɛ hwenɛ́nu ɔ́ na syɛ́n dín, bɔ mɔ̌hunkɔtɔn ko jɛ kpɔ́n gbeɖé sín hwenu e Mawu ko ɖó gbɛ ɔ́ káká wá jɛ din é ǎ; nǔ mɔ̌hunkɔ ɖě ká sɔ́ ná jɛ gbeɖé kpɔ́n ǎ.

Luki 10:12

Ma ɖɔ nú mi: hwenu e Mawu ná ɖɔ hwɛ xá gbɛtɔ́ lɛ́ɛ ɔ́, tó e è nǎ dɔn nú Sodɔ́munu lɛ́ɛ ɔ́ ná bɔwǔ hú ée è nǎ dɔn nú to énɛ́ mɛ nu lɛ́ɛ é.”

Luki 12:47

“Mɛsɛntɔ́ e ka tunwun nǔ e gǎn tɔn nɔ jló ɔ́, bó ma ka sɔ́nǔ, bó bló nǔ e gǎn tɔn nɔ jló ɔ́ ǎ é ɔ́, é ná ɖu bǎ ɖésú.”