Gbɛvíhan 4:3 - MAWUXÓWÉMA

³ Avǔn gbě tɔn lɛ́ɛ ɔ́, yě ji vǐ ɔ́, yě nɔ́ tunwun ɖɔ émí wɛ nyí nɔ yětɔn, bó nɔ́ ná anɔ̌ vǐ lɛ́ɛ. Lo ɔ́, vǐnɔ alɔkpa e togun ce nyí ɔ́, un tunwun ǎ; é dá hú gowungo gbětótló mɛ tɔn.

Gbɛvíhan 4:3 Iomraidhean Croise

1 Axɔ́sú 3:21

Ée un fɔ́n zǎnzǎn bó ja anɔ̌ ná vǐ ce gbé ɔ́, un mɔ ɖɔ é kó kú. Énɛ́ ɔ́, un zé e jɛ wěziza nu, bó kpɔ́n ɛ tlítlí, lobo mɔ ɖɔ é kún nyí vǐ ce ɖíe ó.”

Ezayíi 13:22

Gběkanlin lɛ́ɛ ná nɔ́ hó asúkúsi e ɖo to ɔ́ mɛ lɛ́ɛ, bɔ cukú gbě tɔn lɛ́ɛ ná nɔ́ hó nǔ ɖo axɔ́sú lɛ́ɛ sín hɔnmɛ, hɔn yětɔn ɖagbe ɖagbe e ɖo to ɔ́ mɛ lɛ́ɛ mɛ. Hwenu e Babilɔ́nu ná gba ɔ́, gan tɔn ɔ́, xo wɛ é kó xo; azǎn tɔn lɛ́ɛ ɖě sɔ́ ɖo nǎ jɛ jí wɛ ǎ.

Ezayíi 34:13

Wunkan wɛ ko wú gbɔn xwé ɖaxó ɖaxó lɛ́ɛ gbe; asangokan kpó atínkan wunnɔ lɛ́ɛ kpó vun blá ahohó lɛ́ɛ; avǔn gbě tɔn lɛ́ɛ xwé wɛ, gowungo lɛ́ɛ sín adɔ̌tɛn wɛ.

Ezayíi 49:15

Mawu ka ɖɔ n'i ɖɔ: “Nyɔ̌nu nɔ́ wɔn vǐ e ɖo anɔ̌ nɔ́ wɛ ɖo akɔ́n tɔn mɛ ɔ́ a? É nɔ́ gbɛ́ wǎn nú vǐ e é hɛn xo tɔn ɔ́ a? É ná bó ká nɔ wɔn ɛ ɔ́, nyɛ ɔ́, nyɛ ná wɔn we ǎ.

Jelemíi 19:9

Kɛntɔ́ e ɖo kú yětɔn ba wɛ lɛ́ɛ ná xá toxo yětɔn bó ná tɔ́n ahwan yě. Ya ná blá ta nú mɛ e ɖo toxo ɔ́ mɛ lɛ́ɛ, káká bɔ yě ná nɔ ɖu vǐ yě ɖésúnɔ tɔn lɛ́ɛ, bó ná nɔ́ vún nɔzo yětɔn lɛ́ɛ ɖu.

Gbɛvíhan 2:20

Mawu Mavɔmavɔ! Hwi ɖésú bo kpɔ́n, mɛ̌ e mɛ̌ e wa nǔ xá wɛ a ka ɖe gbɔn mɔ̌? Nyɔ̌nu lɛ́ɛ nɔ́ ɖu vǐ e yě ɖésúnɔ ji bó wlíbo ná é sín lan; è nɔ hun káká yi hu vɔ̌sánú-xwlémawutɔ́ abǐ gbeyíɖɔ ɖo xwé towe gbe. Nǔ ná nɔ mɔ̌ a?

Gbɛvíhan 4:10

Nyɔ̌nu ɖé lɛ́ɛ tíin, bɔ é sɔ́n nǔ e ɖo togun ce gbo wɛ ɔ́ wú, bɔ yě nɔ́ ɖa vǐ e yě ɖésúnɔ ji sín xomɛ lɛ́ɛ ɖu; có yě ká yí wǎn nú vǐ yětɔn lɛ́ɛ ganjí.

Ezekiyɛ́li 5:10

Énɛ́ ɔ́ wútu ɔ́, tɔ́ ná wlí vǐ ɖu, bɔ vǐ ná wlí tɔ́ ɖu. Un ná ɖó hwɛ nú mi, bó ná nya mɛ e ná kpo ɖo gbɛ ɖo mi mɛ lɛ́ɛ dó gbě, bɔ yě ná gba kpé wɛ̌kɛ́zo ɛnɛ lɛ́ɛ mɛ.

Levíi ví 26:29

Mi ná ɖu vǐ e mi ɖésúnɔ ji lɛ́ɛ sín lan.

Hlɔ̌manu 1:31

Ayixa yětɔn nɔ mɔ nǔ ǎ; yě dó akpá ɔ́, yě nɔ ɖe ǎ; yě yǐ wǎn nú mɛ ǎ; mɛ nú nɔ blá wǔ nú yě ǎ.