Gbɛvíhan 4:22 - MAWUXÓWÉMA

²² Sinyɔ́ɔ, fí e è dɔn tó nú we yi jɛ ɔ́ kpé. È sɔ́ ná kplá we yi to ɖěvo mɛ ɖě ǎ. Amɔ̌, hwɛ Edɔ́mu ɔ́, Mawu ná dɔn tó nú we, ɖó hwɛ e a hu lɛ́ɛ wú; é ná ɖe acɛ e a gba lɛ́ɛ nyi wěxo.

Gbɛvíhan 4:22 Iomraidhean Croise

Ɖɛhan 137:7

Mawu Mavɔmavɔ, flín nǔ e Edɔ́munu lɛ́ɛ wa gbe e gbe ahwan gba Jeluzalɛ́mu é. Yě nɔ́ sú xó bó nɔ́ ɖɔ: “Mi gba toxo ɔ́ bǐ, mi gba káká bónú nǔɖé má sɔ́ ɖo te ɖo toxo ɔ́ mɛ ó.”

Ezayíi 40:2

Mi ná akɔ́nkpinkpan Jeluzalɛ́mu. Mi sú xó bó ɖɔ n'i ɖɔ é kún sɔ́ ná yi mɛɖe ɖě ó; mi ɖɔ n'i ɖɔ é kó sú hwɛ xɔ́ fó, ɖó hwɛ e é hu lɛ́ɛ ɔ́, Mawu Mavɔmavɔ dɔn bǐ sín tó n'i.”

Ezayíi 52:1

Jeluzalɛ́mu fɔ́n, yǎ wǔ fɔ́n! Đe hlɔ̌nhlɔ́n towe xlɛ́! Sinyɔ́ɔ, toxo mímɛ́, dǒ nǔzínzán towe e nyɔ́ ɖɛkpɛ hú ɖě lɛ́ɛ bǐ é, ɖó toɖévomɛnu ɖě sɔ́ ná tɛ afɔ to towe mɛ ǎ; mɛ blíblí ɖě sɔ́ ná tɛ afɔ toxo towe mɛ ǎ.

Ezayíi 60:18

È sɔ́ ná se dǎka xó ɖě ɖo to towe mɛ gbeɖé ǎ. È ka sɔ́ ná se nǔhɛngblé kpó nǔ nyanya dó sin kpó xó ɖě ɖo dogbó towe jí gbeɖé ǎ. A nǎ nɔ́ ylɔ́ ahohó towe lɛ́ɛ ɖɔ ‘Hwlɛngán’, bó ná nɔ́ ylɔ́ hɔntogbó towe lɛ́ɛ ɖɔ ‘Susu nú Mawu’.

Jelemíi 32:40

Un zin alɔ dó akɔ́n ɖɔ un kún sɔ́ ná ɖe alɔ sín kan yětɔn mɛ ɖě ó; lo ɔ́, un ná wa ɖagbe nú yě. Énɛ́ ɔ́, wú ɔ́, un ná jɛ akɔ mavɔ mavɔ ɖokpó xá yě; un ná kplɔ́n yě bɔ yě ná ɖó sísí nú mì káká bó sɔ́ ná jó mì dó ɖě ǎ.

Jelemíi 33:7

Un ná lɛ́ sɔ́ togun Judáa tɔn ɔ́, kpó togun Jeluzalɛ́mu tɔn kpó sí te; un ná lɛ́ sɔ́ yě ɖó tɛn e mɛ yě kó ɖe ɖ'ayǐ ɔ́ mɛ.

Jelemíi 33:8

Un ná súnsún hwɛ e yě hu dó mì lɛ́ɛ bǐ, bɔ gǔ e yě fɔ́n dó jǐ ce tɛnmɛ tɛnmɛ ɔ́, un ná zé bǐ kɛ yě, lobo ná zé yě dó húzú mɛ mímɛ́.

Jelemíi 49:10

Lo ɔ́, Esawu ví lɛ́ɛ e mi, nyɛ ɔ́, un ná ɖe mi nyi mɛ̌, un ná mɔ fí e mi nɔ hɔn hwlá cí lɛ́ɛ. Mi sɔ́ ná sixú hwlá cí fí énɛ́ lɛ́ɛ ɖě ǎ. Nǔ gblé dó mi kpó mɛ e jɔ ɖo kún mitɔn mɛ lɛ́ɛ kpó. Mi sɔ́ ná mɔ mɛɖé bɔ é ná d'alɔ mi ǎ.

Jelemíi 50:20

Nyɛ Mawu Mavɔmavɔ ɖɔ: azǎn énɛ́ lɛ́ɛ mɛ ɔ́, è na ba nǔ e Izlayɛ́li wa nyi do ɔ́ kpo. È nǎ mɔ hwɛ e Judáa hu ɔ́ ǎ, ɖó un ná zé hwɛ kɛ mɛ e un ná jó dó nyi gbɛ lɛ́ɛ. Xó e nyɛ Mawu Mavɔmavɔ ɖɔ ɔ́ nɛ́.

Gbɛvíhan 4:21

Togun Edɔ́mu tɔn, a hɛn ɔ́, a nǎ hun xomɛ bó j'awǎ, hwi mɛ e nɔ nɔ Wúsi é! Amɔ̌, hwi lɔmɔ̌ ná nu xomɛsin Mawu tɔn sín kɔ́fu ɔ́; a nǎ nu mú, bó ná jɛ mɛ̌ jɔgbe.

Gbɛvíhan 4:6

Hwɛ e togun ce hu ɔ́ syɛ́n hú hwɛ e Sodɔ́mu toxo ɔ́ hu é. Sodɔ́mu toxo e è gba hánnyá ɖo nukún xwixwe ɖokpó mɛ é, gbɛtɔ́ ká ɖó alɔ ɖ'é mɛ có nú é gba hánnyá ǎ.

Ezekiyɛ́li 37:28

Ée un ná sɔ́ nɔtɛn ce ɖó mi tɛ́ntin, bɔ é ná nɔ fínɛ́ káká sɔ́yi ɔ́, to ɖě lɛ́ɛ ná tunwun ɖɔ nyi wɛ nyí Mawu Mavɔmavɔ; yě ná tunwun ɖɔ un sɔ́ Izlayɛ́li ɖó vo.”

Ezekiyɛ́li 6:12

Jɛmɛjí ná hu mɛ e ɖo zɔ lɛ́ɛ, ahwan ná hu mɛ e ɖo tó fí lɛ́ɛ, adɔ ná hu mɛ e ná gán ɖo nǔ énɛ́ lɛ́ɛ mɛ lɛ́ɛ. Nǔɖé ná hɛn xomɛsin ce ɖó te ǎ.

Abudiyási 1:10

“Edɔ́mu, a nǎ ɖu winnyá bɔ é ná vɛ́ jlɛ́. È nǎ vívá kún towe bǐ sésé, ɖó adǎka e a xo nɔví towe Jakɔ́bu ví lɛ́ɛ wú é wútu.

Malacíi 1:3

Có un yí wǎn nú Jakɔ́bu, bó ká gbɛ́ wǎn nú Esawu. Un vɔ ayǐkúngban e jí só lɛ́ɛ ɖe bɔ Esawu ví lɛ́ɛ, yě mɛ e è nɔ ylɔ́ ɖɔ Edɔ́munu lɛ́ɛ ɖe é; un jó to yětɔn dó nú avǔn gbě tɔn e nɔ́ nɔ gbětótló mɛ lɛ́ɛ.

Malacíi 1:4

Mɛ énɛ́ lɛ́ɛ hɛn ɔ́, yě sixú ɖɔ: ‘È hɛn nǔ mǐtɔn bǐ gblé. Amɔ̌, mǐ na lɛ́ vɔ́ toxo mǐtɔn bló ɖó.’ Nǔ e ɖɔ wɛ nyɛ Mawu Mavɔmavɔ Nǔbǐwúkpétɔ́ ɔ́ ká ɖe é ɖíe: yě ní lɛ́ vɔ́ toxo yětɔn lɛ́ɛ bló ɖó; nyɛ ná lɛ́ hɛn nǔ e yě wa lɛ́ɛ bǐ gblé. Mɛ lɛ́ɛ ná sun nyǐ yě ɖɔ: ‘To e mɛ nǔ nyanya ɖo axɔ́sú ɖu ɖe wɛ é’, bó ná sun nyǐ yě ɖɔ: ‘Togun e Mawu Mavɔmavɔ ma nɔ gɔn xomɛsin dó ǎ é.’