Gbɛvíhan 4:21 - MAWUXÓWÉMA

²¹ Togun Edɔ́mu tɔn, a hɛn ɔ́, a nǎ hun xomɛ bó j'awǎ, hwi mɛ e nɔ nɔ Wúsi é! Amɔ̌, hwi lɔmɔ̌ ná nu xomɛsin Mawu tɔn sín kɔ́fu ɔ́; a nǎ nu mú, bó ná jɛ mɛ̌ jɔgbe.

Gbɛvíhan 4:21 Iomraidhean Croise

Bǐbɛ́mɛ 36:28

Dicáni ɔ́, vǐ tɔn súnnu lɛ́ɛ sín nyǐkɔ ɖíe: Wúsi kpó Alani kpó.

2 Tan 28:19

Mawu Mavɔmavɔ dó winnyá axɔ́súɖuto Judáa tɔn ɔ́ mɔ̌, ɖó axɔ́sú Akázi dɔn togun tɔn bɔ yě dó vɛ̌ nú Mawu Mavɔmavɔ; é ɖésúnɔ lɔ ka nɔ gbejí nú Mawu Mavɔmavɔ ǎ.

Jɔ̌bu 1:1

Nya ɖé tíin ɖo Wúsi bɔ è nɔ ylɔ́ ɛ ɖɔ Jɔ̌bu. È nɔ mɔ nǔ jɛ do ɖě ɖɔ dó nya énɛ́ ɔ́ wú ǎ; é nɔ́ wa nǔ jlɔ́jlɔ́, é ɖo gbejí nú Mawu, é nɔ́ hɔn nú nǔ nyanya wiwa.

Ɖɛhan 137:7

Mawu Mavɔmavɔ, flín nǔ e Edɔ́munu lɛ́ɛ wa gbe e gbe ahwan gba Jeluzalɛ́mu é. Yě nɔ́ sú xó bó nɔ́ ɖɔ: “Mi gba toxo ɔ́ bǐ, mi gba káká bónú nǔɖé má sɔ́ ɖo te ɖo toxo ɔ́ mɛ ó.”

Nǔnywɛ́tɔ́xó 11:9

Mɛ wínnyáwínnyá, din e a kpo ɖo wǐnnyáwínnyá mɛ ɔ́, j'awǎ. Awǎjijɛ ní gɔ́ ayi towe mɛ hwenu e a kpo ɖo wǐnnyáwínnyá mɛ é. Ayi towe mɔ nǔɖé hǔn blǒ; nǔɖé nyɔ́ nukún towe mɛ hǔn, wa. Lo ɔ́, tunwun ganjí ɖɔ Mawu ná wá ɖɔ hwɛ xá we ɖó nǔ e a wa lɛ́ɛ ɖokpó ɖokpó wú.

Jelemíi 49:12

Xó e Mawu Mavɔmavɔ ɖɔ ɔ́ ɖíe: “Edɔ́mu, mɛ e ma ɖó ná nu wǔvɛ́ kɔ́fu ǎ lɛ́ɛ ná nu, bɔ è ná jó hwɛ dó wɛ a? È nǎ jó we dó gbeɖé ǎ, hwi lɔ ná nu.

Jelemíi 49:7

Xó e Mawu Mavɔmavɔ Nǔbǐwúkpétɔ́ ɖɔ dó Edɔ́munu lɛ́ɛ wú ɔ́ ɖíe: “Nǔnywɛ́tɔ́ bǐ vɔ ɖo Temani wɛ a? Nǔtunwuntɔ́ lɛ́ɛ sín ayi fɛ́ da wɛ a? Nǔnywɛ́ yětɔn ɔ́, gúdo wɛ é ká yi a?

Ezekiyɛ́li 25:6

“Ɖó xó e ɖɔ wɛ nyɛ Aklúnɔ Mavɔmavɔ ɖe ɔ́ ɖíe: Ée awě xo Izlayɛ́li ɔ́, é víví nú mi bɔ mi lɔ́n yi jǐ, bó xo kpɛ́. Nǔ énɛ́ e mi bló ɔ́, ɖe lě do e mi gbɛ́ wǎn nú togun ce sɔ ɔ́ xlɛ́.

Ezekiyɛ́li 25:8

“Xó e nyɛ Aklúnɔ Mavɔmavɔ ɖɔ ɔ́ ɖíe: Mi Mɔwabu ví lɛ́ɛ kpó Seyíinu lɛ́ɛ kpó ɖɔ: ‘Judáa togun ɔ́, togun ɖé kpowun wɛ élɔ́ nyí togun ɖě lɛ́ɛ bǐ ɖɔhun.’

Ezekiyɛ́li 26:2

“Hwɛ gbɛtɔ́ e, Tíinu lɛ́ɛ nɔ́ ko Jeluzalɛ́mu hahaha, bó nɔ́ ɖɔ: ‘Toxo e mɛ mɛ bǐ nɔ́ yi é ɔ́, è gba bǐ hánnyá. Mǐdɛɛ lɛ́ɛ gɔ́n wɛ mɛ bǐ ná wá. Din e è gba Jeluzalɛ́mu toxo ɔ́ bǐ é ɔ́, mǐdɛɛ lɛ́ɛ wɛ ná jɛ dɔkun.’

Amɔ́si 1:11

Mawu Mavɔmavɔ ɖɔ: “Edɔ́munu lɛ́ɛ ɔ́, nǔ e yě wa nyi do bɔ un jló ná kɛ nu d'é wú nú yě ɔ́ nyí ɖokpó kɛ́ɖɛ́ ǎ, amɔ̌, élɔ́ e yě wa ɔ́ vɛ́ nú mì tawun. Yě nɔ́ nya nɔví yětɔn lɛ́ɛ kpó hwǐ kpó; yě sɔ́ ɖó nǔbláwǔkúnúmɛ ǎ, ɖó xomɛsin yětɔn nɔ ɖo nǔ hɛn gblé wɛ hwebǐnu; adǎn jí jɛ́n yě nɔ́ ɖe hwebǐnu. Nǔ e wú un ma ná lɛ́ kɔ sín gbeta e un ɖe tɔ́n ɔ́ gúdo ǎ é nɛ́.

Abudiyási 1:1

Aklúnɔ Mawu ɖe nǔ xlɛ́ Abudiyási. É ɖɔ xó n'i dó togun Edɔ́mu tɔn ɔ́ wú. Xó e é ɖɔ ɔ́ ɖíe: Mǐ se wɛn Mawu Mavɔmavɔ tɔn ɖokpó. É sɛ́ wɛnsagun ɖokpó dó akɔta lɛ́ɛ tɛ́ntin bɔ é wá ɖɔ nú yě ɖɔ: “Mi sí te, mi nú mǐ ná yi fun ahwan xá Edɔ́munu lɛ́ɛ.”

Micée 1:11

Cafíinu lɛ́ɛ e mi, kɛntɔ́ mitɔn lɛ́ɛ ná kplá mi yi kannumɔgbénu mɛ̌ jɔgbe, bɔ winnyá ná hu mi. Đó adǎn e gbo Bɛti-Esɛ́linu lɛ́ɛ, bɔ yě ɖo alě ná wɛ ɔ́ wútu wɛ, Saanáni lɛ́ɛ sɔ́ glá tɔ́n sín toxo yětɔn mɛ ǎ, ɖó yě mɔ ɖɔ Bɛti-Esɛ́li toxo ɔ́ kún sɔ́ nyí bibɛtɛn ɖé ó.

Xabakúku 2:16

Winnyá wɛ mi nǎ ɖu, susu wɛ mi ná xɔ ǎ. Mi lɔmɔ̌ ɔ́, mi nu ahan bó jɛ mɛ̌. Mawu Mavɔmavɔ ná kpé winnyá kɔ́fu e ɖo aɖisí tɔn mɛ é nú mi gǎnnugǎnnu, bɔ winnyá e mi ná ɖu ɔ́ ná hɛn susu e mi xɔ ɔ́ xo kɔ́.

Nǔɖexlɛ́mɛ 16:15

“Đǒtó, un ná wá ajotɔ́ ɖɔhun! Nǔ nyɔ́ nú mɛ e ná ɖo wunzɛn, bó ná ɖo awu tɔn lɛ́ɛ mɛ é, bónú é ma zɔn mɛ̌ yi, nú è nǎ mɔ ɛ ɖo mɛ̌ nú winnyá ná hu i ó.”