Gbɛvíhan 4:19 - MAWUXÓWÉMA

¹⁹ Mɛ e ɖo ya dó nú mǐ wɛ lɛ́ɛ yá afɔ hú gangan ɖo jǐxwé; yě ɖo nyinya mǐ wɛ gbɔn só ta, só ta, yě ɖǒ mɔ nú mǐ ɖo gbětótló mɛ.

Gbɛvíhan 4:19 Iomraidhean Croise

Xabakúku 1:8

Sɔ́ tɔn lɛ́ɛ yá afɔ hú kpɔ. Yě bí hú hla e ɖo gbadagbé nya wɛ é. Sɔ́xátɔ́ tɔn lɛ́ɛ jǎwe kpódó goyíyí kpó, yě jǎwe sín zɔ. Yě kpɔ́ ja gangan ɖo nǔ ná sá wɛ ɖɔhun.

Jelemíi 4:13

Bɔ togun ɔ́ ná ɖɔ: “Mi kpɔ́n! Kɛntɔ́ ɖíe jǎwe jǐ wɔ̌ ɖɔhun e! Ahwanhún tɔn lɛ́ɛ ɖo zǐngídi jí jǎwe jɔhɔn ɖaxó ɖɔhun! Sɔ́ tɔn lɛ́ɛ kplɔ́ jǎwe gangan xwe nǔ sá gbe ɖɔhun! Heelú! Gbɛ mǐtɔn vɔ lo!”

Ozée 8:1

Mawu Mavɔmavɔ ɖɔ: “Mi kún lanzo! Kɛntɔ́ kplɔ́ dó Mawu Mavɔmavɔ xwé ɔ́ gangan ɖɔhun, ɖó Izlayɛ́linu lɛ́ɛ gba akɔ e un jɛ xá yě ɔ́, yě gba sɛ́n e un dó nú yě lɛ́ɛ.

Sɛ́nflínmɛ 28:49

Mawu Mavɔmavɔ ná sɛ́ akɔta ɖokpó dó mi sín zɔ vóéé, sín fí e gbɛ ɔ́ kponu ɖó é, bɔ mi ná se gbe e é nɔ́ dó ɔ́ ǎ; akɔta ɔ́ ná kplɔ́ bó wá zɔn mi jí lě e gangan nɔ sá nǔ gbɔn ɔ́.

Amɔ́si 2:14

Mɛ ɖé ná bó bí ɔ́, é ná sixú hɔn ǎ; mɛɖé ná bó dó hlɔ̌nhlɔ́n ɔ́, é ná sixú sɔ́ hlɔ̌nhlɔ́n tɔn dó wa nǔɖé ná ǎ, mɛɖé ná bó nyí súnnu akowunká ɔ́, é sixú hwlɛ́n gbɛ éɖée tɔn ǎ.

Levíi ví 26:36

“Mɛ e ná gán ɖo nǔ énɛ́ lɛ́ɛ mɛ ɖo mi mɛ, ɖo kɛntɔ́ mitɔn lɛ́ɛ sín tomɛ lɛ́ɛ ɔ́, un ná bló bɔ yě ná ɖo síja jí; jɔhɔn nyi bónú ama yǎyá ɖɔ nǔ ɔ́, yě ná hɔn. Yě ná hɔn káká bó ná j'ayǐ, ahwan wɛ ɖo yě nya wɛ ɖɔhun. Mɛ ɖé ká ɖo yě nya wɛ ǎ.

Jelemíi 16:16

Mawu Mavɔmavɔ ɖɔ: “Un ná sɛ́ ɖɔnyitɔ́ gěgé dó Izlayɛ́li ví lɛ́ɛ gbé mɛ, bɔ yě ná yi wlí yě wá hweví ɖɔhun. Énɛ́ ɔ́ gúdo ɔ́, un ná sɛ́ gbětɔ́ gěgé dó gbě yětɔn mɛ, bɔ yě ná yi nya gbě yětɔn gbɔn só ta só ta, sókan mɛ sókan mɛ, sónu mɛ sónu mɛ, bó ná wlí yě.

Gbɛvíhan 1:13

É sɛ́ myɔ ɖé dó lan ce mɛ sín jǐxwé; myɔ ɔ́ byɔ́ lan ce mɛ káká bó yi mɔ xú ce. É ɖó mɔ dó afɔ ce lɛ́ɛ glɔ́, bó zin mì dɛ́, bɔ un jɛ wɛn. É ɖe mì sín mɛ mɛ bǐ gbídígbídí, bɔ un ɖo azɔn tɔn jɛ wɛ tɛgbɛ.

Ozée 8:3

Izlayɛ́linu lɛ́ɛ gbɛ́ wǎn nú nǔ ɖagbe; énɛ́ ɔ́ wú ɔ́, kɛntɔ́ ɔ́ ná jɛ gǔdo yětɔn.