Gbɛvíhan 4:16 - MAWUXÓWÉMA

¹⁶ Mawu Mavɔmavɔ ɖésú wɛ gba yě dó, é sɔ́ jló ná mɔ yě ǎ; mɛɖé sɔ́ nɔ́ ké ya nú vɔ̌sánú-xwlémawutɔ́ lɛ́ɛ ǎ, mɛɖé ká sɔ́ nɔ́ ɖó sísí nú mɛ e nyí gǎn ɖo togun ɔ́ nu lɛ́ɛ ǎ.

Gbɛvíhan 4:16 Iomraidhean Croise

Bǐbɛ́mɛ 49:7

Un dó nu xomɛsin yětɔn, ɖó é syɛ́n dín. Un dó nu adǎnwiwa yětɔn, ɖó adǎnwiwa énɛ́ ɔ́, mɛ wɛ yě dó hu. Un ná gba vǐ yětɔn lɛ́ɛ dó gbɔn Izlayɛ́li. Un ná fúnfún yě gbɔn to ɔ́ bǐ mɛ.

2 Tan 36:17

Ée Mawu Mavɔmavɔ sin xomɛ mɔ̌ ɔ́, é sɛ́ Babilɔ́nu xɔ́sú ɔ́ dó to ɔ́ mɛ bó jó nǔ e ɖo to ɔ́ mɛ lɛ́ɛ bǐ n'i. Axɔ́sú ɔ́ hu sɔ́ja lɛ́ɛ káká yi Mawu Mavɔmavɔ xwé ɔ́ gbe; é jó dɔ̌nkpɛvú dó ǎ, é jó ɖyɔ̌vǐ dó ǎ, é jó mɛxó dó ǎ, é jó degénɔ dó ǎ; mɛ bǐ wɛ é hu.

Ɖɛhan 106:27

É xwlé ɖɔ émí ná jó vǐ yětɔn lɛ́ɛ dó, émí ná gba yě dó gbɔn tomɛ tomɛ, bɔ yě ná kú jɛ gbě.

Ɖɛhan 106:44

Mawu se vo e sa wɛ yě ɖe é, é mɔ aluwɛ e mɛ yě ɖe é.

Ezayíi 24:2

Nǔ ɖokpó ɔ́ wɛ ɖo te kpɔ́n vɔ̌sánú-xwlémawutɔ́ kpó mɛ e nɔ dó alɔ ɛ é kpó, gǎn kpó mɛsɛntɔ́ kpó, nyɔ̌nu xwési kpó vǐ ɖo mɛ gɔ́n kpó, nǔsatɔ́ kpó nǔxɔtɔ́ kpó, akwɛ́satɔ́ kpó akwɛ́nyatɔ́ kpó, axɔ́tɔ́nɔ kpó axɔ́ɖutɔ́ kpó.

Ezayíi 47:6

Xomɛ sin mì dó togun ce wú; énɛ́ ɔ́, un jó mɛ e nyí ce lɛ́ɛ nú we dó dó winnyá yě. Nǔ yětɔn ká blá wǔ nú we ǎ; a zǎn acɛ e a ɖǒ ɔ́ dó dó tagba nú degénɔ lɛ́ɛ zɛ jlɛ̌ wú.

Jelemíi 15:4

Énɛ́ ɔ́, nú togun e ɖo ayǐkúngban ɔ́ jí lɛ́ɛ mɔ yě lě ɔ́, xɛsi ná jɛ yě jí, bɔ yě ná jɛ sísɔ́sísɔ́ jí. Nǔ e Manasée, Judáa xɔ́sú, Ezekiyási ví ɔ́ dó sin ɖo Jeluzalɛ́mu ɔ́, nǔ e ná gbo yě ɖ'é mɛ ɔ́ nɛ́.”

Jelemíi 24:9

Énɛ́ ɔ́, axɔ́súɖuto e ɖo gbɛ ɔ́ mɛ lɛ́ɛ ɖěbǔ mɔ yě ɔ́, xɛsi ɖaxó ɖé ná nɔ́ jɛ yě jí. Fí e un ná gba yě dó gbɔn lɛ́ɛ bǐ ɔ́, è ja mɛ zun gbé oo, è ja mɛ cá ko gbé oo, è ja han kpa dó mɛ gbé oo, è ja nu dó mɛ gbé oo ɔ́, yě wú wɛ è nǎ nɔ́ jlɛ́ dó.

Jelemíi 52:24

Nɛbuzaladáni ahwangán e kpa acɛ dó mɛ e nɔ cɔ́ axɔ́sú ɔ́ lɛ́ɛ nu ɔ́ kplá Selaya vɔ̌sánú-xwlémawutɔ́ ɖaxó ɔ́, bó kplá Sefaníyahu mɛ e bɔ dó wǔ tɔn é, kpódó vɔ̌sánú-xwlémawutɔ́ atɔn e nɔ́ nɔ ali nu lɛ́ɛ kpó.

Gbɛvíhan 2:20

Mawu Mavɔmavɔ! Hwi ɖésú bo kpɔ́n, mɛ̌ e mɛ̌ e wa nǔ xá wɛ a ka ɖe gbɔn mɔ̌? Nyɔ̌nu lɛ́ɛ nɔ́ ɖu vǐ e yě ɖésúnɔ ji bó wlíbo ná é sín lan; è nɔ hun káká yi hu vɔ̌sánú-xwlémawutɔ́ abǐ gbeyíɖɔ ɖo xwé towe gbe. Nǔ ná nɔ mɔ̌ a?

Gbɛvíhan 2:6

É byɔ́ xwé tɔn gbe kpó hlɔ̌nhlɔ́n kpó, é gba fí e é nɔ́ kplé xá mǐ ɖe é; mɛɖé sɔ́ nɔ́ flín xwezán lɛ́ɛ ɖo Sinyɔ́ɔ ǎ, mɛɖé ká sɔ́ nɔ́ flín gbɔjɛzán lɛ́ɛ lɔ ǎ. Hwenu e Mawu Mavɔmavɔ ɖo xomɛsin jí ɔ́, é kɔ́n axɔ́sú ɔ́ kpódó vɔ̌sánú-xwlémawutɔ́ lɛ́ɛ kpó sín wi.

Gbɛvíhan 5:12

Yě sɔ́ alɔ yětɔn dó dó kan kɔ nú gǎn lɛ́ɛ; yě ɖó sísí ɖěbǔ nú tomɛxó lɛ́ɛ ǎ.

Ezekiyɛ́li 5:10

Énɛ́ ɔ́ wútu ɔ́, tɔ́ ná wlí vǐ ɖu, bɔ vǐ ná wlí tɔ́ ɖu. Un ná ɖó hwɛ nú mi, bó ná nya mɛ e ná kpo ɖo gbɛ ɖo mi mɛ lɛ́ɛ dó gbě, bɔ yě ná gba kpé wɛ̌kɛ́zo ɛnɛ lɛ́ɛ mɛ.

Sɛ́nflínmɛ 28:25

Mawu Mavɔmavɔ ná jó kɛntɔ́ dó bɔ kɛntɔ́ ná ɖu ɖo mi jí. Nú ali ɖokpó wɛ mi gbɔn bó yi tɔ́n ahwan kɛntɔ́ ɔ́, ali tɛ́nwe wɛ mi ná hɔn gbɔn ɖo nukɔn tɔn, bɔ axɔ́súɖuto e ɖo gbɛ ɔ́ mɛ é ɖěbǔ mɔ nǔ e gbo mi ɔ́, xɛsi ná jɛ jǐ tɔn.

Sɛ́nflínmɛ 32:26

‘Un ko jló ná vívá kún yětɔn bǐ gbídígbídí, bɔ mɛɖé sɔ́ ná nɔ́ flín yě ǎ.

Eblée 8:9

É ná cí akɔ e un jɛ xá tɔ́gbó yětɔn lɛ́ɛ, gbe e gbe un hɛn alɔ yětɔn, bó kplá yě tɔ́n sín Ejípu é ɖɔhun ǎ; yě nɔ gbejí nú akɔjijɛ énɛ́ ɔ́ ǎ. Énɛ́ ɔ́ wú ɔ́, un sɔ́ flín yě ǎ.