Gbɛvíhan 4:13 - MAWUXÓWÉMA

¹³ Hwɛ e gbeyíɖɔ lɛ́ɛ hu lɛ́ɛ wɛ zɔ́n bɔ nǔ baɖabaɖa énɛ́ ɔ́ jɛ; nǔ e vɔ̌sánú-xwlémawutɔ́ lɛ́ɛ dó sin lɛ́ɛ wɛ zɔ́n bɔ nǔ baɖabaɖa énɛ́ ɔ́ jɛ; yě kɔn hwɛjijɔnɔ lɛ́ɛ sín hun kɔn nyi ayǐ ɖo toxo ɔ́ mɛ.

Gbɛvíhan 4:13 Iomraidhean Croise

Jelemíi 14:14

Énɛ́ ɔ́ gúdo ɔ́, Mawu Mavɔmavɔ ɖɔ nú mì ɖɔ: “Gbeyíɖɔ énɛ́ lɛ́ɛ ɔ́, yě nɔ́ zé nyǐkɔ ce ɖó nu bo nɔ ɖó adingban nú mi. Nyi wɛ ka sɛ́ yě dó fí ɖé ǎ; un zɔ́n nǔɖé yě ǎ; un ka ɖɔ xó ɖě nǔ yě ǎ. Nǔ e yě nɔ́ mɔ bó nɔ́ ɖɔ lɛ́ɛ ɔ́, adingban kɛ́ɖɛ́ wɛ. Nǔ e ná wá jɛ, bɔ yě ɖɔ lɛ́ɛ bǐ wɛ nyí nǔ yǎyá; xó e jló yě ɔ́ wɛ yě nɔ́ kpa bó nɔ́ ɖɔ nú mi.

Jelemíi 2:20

Mawu ɖɔ: “Izlayɛ́li, a ɖo gǔ fɔ́n dó jǐ ce wɛ din ɔ́, é kó lín. A dǒ gúdo mì bǐ, lobo nɔ ɖɔ fí e émí nɔ mɛ kannu jɛ ɔ́ kpé, bó ka nɔ jɛ wɛn gbɔn só bǐ jí; a nɔ ɖo wɛn gbɔn atínmú bǐ sá agalɛtɔ́ ɖɔhun.

Jelemíi 2:30

Un dɔn tó nú mi, é ká nyí nǔɖé nú mi ǎ. Nǔ e gbɛ́ nú mi wɛ un ɖe ɔ́, mi se ǎ. Mi wa nǔ kinnikínní ɖɔhun; mi sɔ́ hwǐ dó vúnvún gbeyíɖɔ e ɖo mi mɛ lɛ́ɛ.

Jelemíi 5:31

Gbeyíɖɔ lɛ́ɛ nɔ ɖó adingban, vɔ̌sánú-xwlémawutɔ́ lɛ́ɛ ɔ́, ɖuɖu jɛ́n yě nɔ́ ba ɖo nǔ bǐ mɛ. Bɔ nǔ énɛ́ lɛ́ɛ ká nyɔ́ togun ce nukún mɛ. Mi ka zán gbɛ mɔ̌ káká yi fó ɔ́, nɛ̌ mi ná wa nǔ gbɔn?”

Jelemíi 6:13

Đó yě bǐ wɛ dɔkun gbo vɛ̌, bɛ́ sín yɔkpɔ́vú lɛ́ɛ jí, káká yi mɛxó lɛ́ɛ jí. Gbeyíɖɔ kpó vɔ̌sánú-xwlémawutɔ́ kpó bǐ wɛ nɔ xo awo.

Gbɛvíhan 2:14

Gbeyíɖɔ towe lɛ́ɛ ɔ́, xó e yě nɔ́ wá ɖɔ nú we, bó nɔ́ ɖɔ nyi wɛ ɖɔ lɛ́ɛ ɔ́, nǔ yǎyá wɛ, adingban wɛ. Yě nɔ́ ɖe hwɛ e a hu lɛ́ɛ gba ǎ; ényí hwɛ towe lɛ́ɛ wɛ yě kó ɖe gba ɔ́, adǎn élɔ́ ná ɖo gbigbo we wɛ ǎ. Xó e yě nɔ́ wá ɖɔ nú we bó nɔ́ ɖɔ nyi wɛ ɖɔ lɛ́ɛ ɔ́, nǔ yǎyá wɛ, adingban wɛ.

Ezekiyɛ́li 11:6

Mi hu mɛ ɖo toxo ɔ́ mɛ, káká bɔ cyɔ kpé ali kpá ali kpá.

Ezekiyɛ́li 22:25

Gbeyíɖɔ yětɔn lɛ́ɛ nɔ́ ɖó gbe kpɔ́ bó nɔ́ dó nǔ sin; yě cí kinnikínní e wlí lan bó ɖo vǔnvún ɖu wɛ, bó ɖo gbe dó ɖ'é kɔn wɛ é ɖɔhun; yě nɔ́ hu mɛ lɛ́ɛ, yě nɔ́ yí dɔkun mɛ lɛ́ɛ tɔn kpó nǔ xɔ akwɛ́ mɛ lɛ́ɛ tɔn kpó; yě nɔ́ ɖo mɛ lɛ́ɛ hu wɛ bɔ asúkúsi ɖo kpɔ́.

Matíe 23:31

Mi ɖésú wɛ ɖo kúnnu ɖe nú miɖée wɛ, ɖɔ émí nyí mɛ e hu gbeyíɖɔ Mawu tɔn lɛ́ɛ sín vǐvú.

Mɛsɛ́dó 7:52

Gbeyíɖɔ tɛ́ tɔ́gbó mitɔn lɛ́ɛ má ka dó ya ná ǎ? Yě hu mɛ e wá ɖɔ ɖ'ayǐ ɖɔ hwɛjijɔnɔ ɔ́ ná wá lɛ́ɛ é. Hwɛjijɔnɔ énɛ́ wɛ midɛɛ lɛ́ɛ mi sa, lobo hu din.