Gbɛvíhan 4:11 - MAWUXÓWÉMA

¹¹ Xomɛsin e jí Mawu Mavɔmavɔ ɖe ɔ́, é zé dó wa nǔ xá togun ɔ́ bɔ é jɛ mɛ n'i; é flɔ́ myɔ ɖaxó ɖokpó ɖó Sinyɔ́ɔ, bɔ toxo ɔ́ ji zo káká bɔ dodó tɔn lɛ́ɛ fyɔ́.

Gbɛvíhan 4:11 Iomraidhean Croise

Ezayíi 51:20

Vǐ towe lɛ́ɛ ɖo ayǐmlɔ́mlɔ́ gbɔn ali kpá ali kpá; yě cí agbanlín e ɖo fɛ́ca mɛ é ɖɔhun; yě sɔ́ ɖó hlɔ̌nhlɔ́n ɖě ǎ; xomɛsin Mawu Mavɔmavɔ tɔn wɛ ɖo nǔ wa xá yě wɛ; adǎn e Mawu gblɔ́n nú yě ɔ́ wɛ ɖo nǔ dó sin xá yě wɛ.

Jelemíi 13:14

Un na gba ta yětɔn ɖě dó ɖě wú. Un na dɔn tɔ́ kpó vǐ kpó sín ta kpé go. Un na jó yě ɖě dó ǎ; mɛɖé sín nǔ ká ná blá wǔ nú mì ǎ; kɛnklɛ́n ná nɔ mɛ ǎ; nǔ ɖěbǔ na ɖó mì te, bɔ un ná gɔn kún yětɔn sú dó ǎ. Xó e nyɛ Mawu Mavɔmavɔ ɖɔ ɔ́ nɛ́.’ ”

Jelemíi 17:27

Amɔ̌, ényí mi ma se xó e un ɖɔ nú mi ɔ́ ǎ ɔ́, ényí mi ma zé gbɔjɛzán ɔ́ ɖó vo nú mì ǎ ɔ́, ényí mi hɛn agban gbɔn hɔntogbó Jeluzalɛ́mu tɔn lɛ́ɛ nu gbɔjɛzán gbe ɔ́, un ná flɔ́ myɔ ɖokpó ɖó toxo ɔ́ sín hɔntogbó lɛ́ɛ jí, bɔ Jeluzalɛ́mu sín hɔn lɛ́ɛ kpó xwé ɖagbe ɖagbe lɛ́ɛ kpó ná fyɔ́. Myɔ ɔ́ na cí gbeɖé ǎ.”

Jelemíi 21:14

Nyɛ Mawu Mavɔmavɔ ɔ́, un ná dɔn tó nú mi bɔ é ná sɔgbe xá nǔ e mi dó sin é. Un ná dó zungbó mitɔn zo, bɔ nǔ e lɛ́ lɛ̌ dó mi ɔ́ bǐ ná ji. Xó e nyɛ Mawu Mavɔmavɔ ɖɔ ɔ́ nɛ́.”

Jelemíi 36:7

Vlafo, yě sixú sa vo nú Mawu Mavɔmavɔ bɔ é ná se, bɔ mɛ ɖokpó ɖokpó ná jó gbɛ nyanya e zán wɛ é ɖe ɔ́ dó. Đó xomɛsin e jí Mawu Mavɔmavɔ ɖe ɔ́ syɛ́n ɖésú; adǎn yětɔn e gblɔ́n wɛ é ɖe ɔ́ vɛ́ jlɛ́.”

Jelemíi 7:20

Énɛ́ ɔ́ wú wɛ nyɛ Aklúnɔ Mavɔmavɔ ɖɔ: “Xomɛsin ce ná jɛ te dó toxo élɔ́ jí bó ná syɛ́n ɖésú: alɔ ce na jɛ gbɛtɔ́ kpó kanlin kpó, atín kpó nǔ e ayǐkúngban nɔ na lɛ́ɛ kpó bǐ wú. Xomɛsin ce ná cí zo e ma nɔ cí gbeɖé ǎ ɔ́ ɖɔhun.”

Gbɛvíhan 2:1

Áo! Aklúnɔ sin xomɛ. É sin xomɛ bó sɛ́ ablu gɔngɔn ɖé dó Sinyɔ́ɔ. É kpíkpé nǔ e mɛ Izlayɛ́li nɔ xɔ susu ɖe ɔ́ sín jǐxwé nyi dó kɔ́ mɛ; hwenu e Aklúnɔ sin xomɛ dó Sinyɔ́ɔ ɔ́, é sɔ́ flín ɖɔ afɔɖótɛn émítɔn wɛ é nyí ǎ.

Gbɛvíhan 2:17

Mawu Mavɔmavɔ bló nǔ e é lin ɖɔ émí ná bló é; é bló nǔ e é kó ɖɔ ɖ'ayǐ xóxó ɖɔ émí ná bló é: é gba toxo ɔ́ ma kú nǔbláwǔ n'i. É wa nǔ xá we dó dó xomɛhunhun nú kɛntɔ́ towe lɛ́ɛ, é dó goyíyí goyíyí jí nú mɛ e ma mɔ we gbɔ ǎ lɛ́ɛ.

Gbɛvíhan 2:3

Hwenu e Aklúnɔ ɖo xomɛsin ɖaxó énɛ́ jí ɔ́, é hɛn nǔ e wú Izlayɛ́li nɔ ɖo afɔ tɛ ayǐ wɛ lɛ́ɛ bǐ gblé. Hwenu e kɛntɔ́ ɔ́ wá ɔ́, Aklúnɔ gbɛ́ ɖɔ émí kún ná dó alɔ togun émítɔn ó. É nyɔ́ wa ɔ́, myɔ ɖaxó ɖé wɛ é flɔ́ ɖo togun tɔn tɛ́ntin, bó fyɔ́ nǔ e gbɔn fínɛ́ é bǐ.

Gbɛvíhan 2:4

É tlɔ́ gǎ tɔn kɛntɔ́ ɖɔhun, bó ɖo gbesisɔ mɛ bó ná da. É hu mɛ e sín nǔ nyɔ́ nukún mǐtɔn mɛ lɛ́ɛ bǐ, bó dó ɖe xlɛ́ ɖɔ kɛntɔ́ mǐtɔn wɛ émí nyí. É gba xomɛsin tɔn kɔn nyi Sinyɔ́ɔ toxo ɔ́ jí myɔ ɖɔhun.

Gbɛvíhan 2:8

Mawu Mavɔmavɔ ɖe gbeta tɔ́n ɖɔ émí ná mu ahohó e è mɛ lɛ́ lɛ̌ dó Sinyɔ́ɔ toxo ɔ́ é; é nyi kan bo ná gbígbá Sinyɔ́ɔ toxo ɔ́ bǐ; é ɖó alɔ te cóbó hɔ́ Sinyɔ́ɔ toxo ɔ́ bǐ ǎ; é mu ahohó we e è mɛ lɛ́ lɛ̌ dó toxo ɔ́ lɛ́ɛ é.

Gbɛvíhan 4:22

Sinyɔ́ɔ, fí e è dɔn tó nú we yi jɛ ɔ́ kpé. È sɔ́ ná kplá we yi to ɖěvo mɛ ɖě ǎ. Amɔ̌, hwɛ Edɔ́mu ɔ́, Mawu ná dɔn tó nú we, ɖó hwɛ e a hu lɛ́ɛ wú; é ná ɖe acɛ e a gba lɛ́ɛ nyi wěxo.

Ezekiyɛ́li 22:31

Énɛ́ ɔ́ wú ɔ́, un ná ɖe adǎn e jí un ɖe ɔ́ xlɛ́ yě; un ná sɔ́ xomɛsin ce sín zo dó fyɔ́ yě bǐ, bó sú gbɛ nyanya e yě zán ɔ́ sín axɔ́ yě. Xó e nyɛ Aklúnɔ Mavɔmavɔ ɖɔ ɔ́ nɛ́.”

Ezekiyɛ́li 36:18

Énɛ́ ɔ́, un ɖe xomɛsin ce xlɛ́ yě ɖó mɛ e yě hu ɖo to ɔ́ mɛ lɛ́ɛ kpó vodún e yě lí, bó dó hɛn to ɔ́ blí é kpó wú.

Ezekiyɛ́li 6:12

Jɛmɛjí ná hu mɛ e ɖo zɔ lɛ́ɛ, ahwan ná hu mɛ e ɖo tó fí lɛ́ɛ, adɔ ná hu mɛ e ná gán ɖo nǔ énɛ́ lɛ́ɛ mɛ lɛ́ɛ. Nǔɖé ná hɛn xomɛsin ce ɖó te ǎ.

Daniyɛ́li 9:12

A ɖe gbe bɔ nǔ e a ɖɔ dó mǐ ɖésúnɔ kpó gǎn e ɖo acɛ kpa nú mǐ wɛ lɛ́ɛ kpó wú ɔ́ jɛ; a ɖe gbe bɔ nyladó e ma jɛ ɖo fí ɖé kpɔ́n gbeɖé ǎ ɔ́ jɛ dó mǐ jí ɖo Jeluzalɛ́mu.

Levíi ví 26:28

nyɛ ɖésúnɔ lɔmɔ̌ ná fɔ́n gǔ dó mi jí, kpó xomɛsin ɖé kpó, bó ná lɛ́ dɔn tó nú mi azɔn tɛ́nwe ɖó hwɛ e mi hu lɛ́ɛ wú.

Sofoníi 2:2

É má nyí mɔ̌ ǎ ɔ́, xomɛsin ɖaxó Mawu Mavɔmavɔ tɔn sín azǎn ɔ́ ná wá su mi dó. Mi byɔ́ miɖée mɛ, é má nyí mɔ̌ ǎ ɔ́, mi ná wá cí nǔywɛ́ ɖɔhun, bɔ jɔhɔn ná fúnfún kpé gbe énɛ́ gbe. Mi yá wǔ, é má nyí mɔ̌ ǎ ɔ́, xomɛsin Mawu Mavɔmavɔ tɔn ná jɛ te.

Zakalíi 1:6

É ká ɖo mɔ̌ có xó ɖěɖě un ɖɔ gbɔn mɛsɛntɔ́ ce gbeyíɖɔ lɛ́ɛ jí é, kpódó nǔ e un zɔ́n yě lɛ́ɛ kpó ɔ́, tɔ́gbó mitɔn lɛ́ɛ wá mɔ nǔ jɛ mɛ, bó húzú ninɔmɛ. Yě wá tunwun ɖɔ lě e un ɖɔ gbɔn ɔ́ wɛ nyi wa nǔ xá émí gbɔn; lě e gbɛ e zán wɛ émí ɖe ɔ́ kpódó nǔ e émí wa lɛ́ɛ kpó byɔ́ gbɔn ɔ́ wɛ nyɛ Mawu Mavɔmavɔ ɔ́ wa nǔ xá émí gbɔn.’ ” Mawu Mavɔmavɔ wɛ ɖɔ mɔ̌.

Luki 21:22

Đó hlɔnbiba sín azǎn wɛ azǎn énɛ́ lɛ́ɛ ná nyí, bɔ nǔ e è ko wlán ɖ'ayǐ é bǐ ná jɛ.