Gbɛvíhan 4:10 - MAWUXÓWÉMA

¹⁰ Nyɔ̌nu ɖé lɛ́ɛ tíin, bɔ é sɔ́n nǔ e ɖo togun ce gbo wɛ ɔ́ wú, bɔ yě nɔ́ ɖa vǐ e yě ɖésúnɔ ji sín xomɛ lɛ́ɛ ɖu; có yě ká yí wǎn nú vǐ yětɔn lɛ́ɛ ganjí.

Gbɛvíhan 4:10 Iomraidhean Croise

2 Axɔ́sú 25:3

Adɔ tɔ́n ɖo toxo ɔ́ mɛ bó syɛ́n ɖésú. Toví lɛ́ɛ sɔ́ mɔ nǔɖé ná ɖu ǎ. Sun ɛnɛgɔ́, xwe énɛ́ ɔ́ xwe tɔn ɔ́, azǎn tɔn tɛ́nnɛgɔ́ ɔ́ gbe ɔ́,

Ezayíi 22:2

Étɛ́wú axi ɖo jijɛ wɛ mɔ̌? Étɛ́wú a ɖo xó sú wɛ mɔ̌? Étɛ́wú a ɖo agbojlaka ɖú wɛ mɔ̌? Mɛ towe e kú lɛ́ɛ ɔ́, é nyí ahwan wɛ hu yě ǎ, ahwangbénu wɛ yě kú ɖe ǎ.

Ezayíi 49:15

Mawu ka ɖɔ n'i ɖɔ: “Nyɔ̌nu nɔ́ wɔn vǐ e ɖo anɔ̌ nɔ́ wɛ ɖo akɔ́n tɔn mɛ ɔ́ a? É nɔ́ gbɛ́ wǎn nú vǐ e é hɛn xo tɔn ɔ́ a? É ná bó ká nɔ wɔn ɛ ɔ́, nyɛ ɔ́, nyɛ ná wɔn we ǎ.

Jelemíi 19:9

Kɛntɔ́ e ɖo kú yětɔn ba wɛ lɛ́ɛ ná xá toxo yětɔn bó ná tɔ́n ahwan yě. Ya ná blá ta nú mɛ e ɖo toxo ɔ́ mɛ lɛ́ɛ, káká bɔ yě ná nɔ ɖu vǐ yě ɖésúnɔ tɔn lɛ́ɛ, bó ná nɔ́ vún nɔzo yětɔn lɛ́ɛ ɖu.

Gbɛvíhan 2:11

Un y'avǐ káká bɔ nukún ce ɖibla tɔ́n; ahwi xo mì, awakanmɛ ce bǐ wɛ kú ɖó nǔ e ɖo togun ce gbo wɛ é wútu; nǔgbó ɔ́, yɔkpɔ́vú lɛ́ɛ ɖo kúkú wɛ gbɔn alixo alixo ɖo toxo ɔ́ mɛ.

Gbɛvíhan 2:20

Mawu Mavɔmavɔ! Hwi ɖésú bo kpɔ́n, mɛ̌ e mɛ̌ e wa nǔ xá wɛ a ka ɖe gbɔn mɔ̌? Nyɔ̌nu lɛ́ɛ nɔ́ ɖu vǐ e yě ɖésúnɔ ji bó wlíbo ná é sín lan; è nɔ hun káká yi hu vɔ̌sánú-xwlémawutɔ́ abǐ gbeyíɖɔ ɖo xwé towe gbe. Nǔ ná nɔ mɔ̌ a?

Gbɛvíhan 3:48

Đasin nɔ gosín nukún ce jí, bó nɔ́ sa tɔ ɖɔhun, ɖó nǔ e ɖo togun ce gbo wɛ ɔ́ wú.

Gbɛvíhan 4:3

Avǔn gbě tɔn lɛ́ɛ ɔ́, yě ji vǐ ɔ́, yě nɔ́ tunwun ɖɔ émí wɛ nyí nɔ yětɔn, bó nɔ́ ná anɔ̌ vǐ lɛ́ɛ. Lo ɔ́, vǐnɔ alɔkpa e togun ce nyí ɔ́, un tunwun ǎ; é dá hú gowungo gbětótló mɛ tɔn.

Ezekiyɛ́li 5:10

Énɛ́ ɔ́ wútu ɔ́, tɔ́ ná wlí vǐ ɖu, bɔ vǐ ná wlí tɔ́ ɖu. Un ná ɖó hwɛ nú mi, bó ná nya mɛ e ná kpo ɖo gbɛ ɖo mi mɛ lɛ́ɛ dó gbě, bɔ yě ná gba kpé wɛ̌kɛ́zo ɛnɛ lɛ́ɛ mɛ.

Levíi ví 26:29

Mi ná ɖu vǐ e mi ɖésúnɔ ji lɛ́ɛ sín lan.