8 Un sú xó káká, un ylɔ́ ɛ káká; é ká se ɖɛ ce ǎ.
É ɖo dǎka xo wǔ ce wɛ nú un sú xó ɔ́, un nɔ mɔ mɛɖé ǎ; nú un sú xó ylɔ́ alɔdómɛtɔ́ ɔ́, un nɔ mɔ mɛɖé bɔ é nɔ́ wá gbo hwɛ nú mǐ ǎ.
Mawu ce, un sú xó ylɔ́ we, bɔ a yǐ gbe nú mì ǎ; un ɖo te ɖo nukɔn towe, bɔ a kpɔ́n jɛ ce jí ǎ.
Mawu ce, Mawu ce, nɛ̌ ká gbɔn bɔ a jǒ mì dó? Étɛ́wú a ka cí zɔ nú mì sɔ mɔ̌, bó má wá hwlɛ́n mì gán ǎ? Étɛ́wú a ma ɖótó gbɛ vo e sa wɛ un ɖe ɔ́ ǎ?
Mawu ce, zě mǐ ɖó tɛn e mɛ mǐ ɖe ɖ'ayǐ é mɛ; zě nukún ɖagbe dó kpɔ́n mǐ; énɛ́ ɔ́, mǐ nǎ gán.
A zě xomɛsin towe cyɔ́n; a jɛ gǔdo mǐtɔn, bó hu mǐ tɛ́; a kú nǔbláwǔ nú mǐ ǎ.
A yi cí akpɔ́kpɔ́ mɛ, bónú ɖɛ mǐtɔn lɛ́ɛ ma wá gɔ̌n towe ó.
Mawu Mavɔmavɔ, un ɖo ylɔ̌ylɔ́ we wɛ ɖɔ hwi ní wá dó alɔ mì, bɔ a tin dó mì. Káká jɛ hwetɛ́nu a ka ná tin dó mì yi jɛ? Un ná ɖɔ dǎka e xo wɛ yě ɖe ɔ́ nú we, bɔ a nǎ gɔn hwlɛ̌nhwlɛ́n mǐ gán ɖ'é mɛ wɛ a?
Ée é wá su hwelɛ́kɔ ɔ́, Jezu sú xó gǎngán ɖé, bó ɖɔ: “Eli, Eli, lama sabakitani.” (Tínmɛ tɔn wɛ nyí: “Mawu ce, Mawu ce, nɛ̌ ka gbɔn bɔ a jǒ mì dó.”)
Đó, mɛ ɖěbǔ ɖo nǔ byɔ́ wɛ ɔ́, è nǎ na ɛ; mɛɖé ba ɔ́, é ná mɔ; mɛɖé xúxú hɔn ɔ́, è nǎ hun n'i.
