Gbɛvíhan 3:57 - MAWUXÓWÉMA

⁵⁷ Gbe e gbe un sú xó ylɔ́ we ɔ́, a sɛkpɔ́ mì bó ɖɔ nú mì ɖɔ: “Ma ɖi xɛsi ó!”

Gbɛvíhan 3:57 Iomraidhean Croise

Bǐbɛ́mɛ 26:24

Mawu Mavɔmavɔ tɔ́n dó jǐ tɔn zǎn mɛ bó ɖɔ n'i ɖɔ: “Mawu tɔ́ towe Ablaxámu tɔn wɛ un nyí; ma ɖi xɛsi ó, ɖó un ɖo kpɔ́ xá we; un ná xo ɖɛ dó jǐ we, bó ná bló bɔ kúnkan towe ná sukpɔ́ ɖó mɛsɛntɔ́ ce Ablaxámu wú.”

2 Axɔ́sú 19:6

bɔ Ezayíi ɖɔ nú yě ɖɔ: “Mi yi ɖɔ nú gǎn mitɔn ɖɔ Mawu Mavɔmavɔ ɖɔ: ‘Xó énɛ́ lɛ́ɛ e a se ɔ́ ní ma dó xɛsi nú we ó. Xó énɛ́ lɛ́ɛ e azaglɔ́gán axɔ́sú Asilíi tɔn lɛ́ɛ ɖɔ dó ɖɔ slǎmɛ wǔ ce ɔ́, ní má dó xɛsi nú we ó.

Ɖɛhan 138:3

Gbe e gbe un sú xó ylɔ́ we ɔ́, a sɔ nú mì. A nǎ akɔ́nkpinkpan mì, bó ná hlɔ̌nhlɔ́n mì.

Ɖɛhan 145:18

Mawu Mavɔmavɔ ɖo kpɔ́ xá mɛ e nɔ sú xó ylɔ́ ɛ lɛ́ɛ bǐ; yě mɛ e nɔ ylɔ́ ɛ kpó ayi yětɔn bǐ kpó lɛ́ɛ.

Ɖɛhan 69:18

Ma ɖe kɔ dó nyɛ mɛsɛntɔ́ towe ɔ́ ó, adǎn ɖo gbigbo mì wɛ, yǎ wǔ yí ɖɛ ce.

Ezayíi 41:10

Din ɔ́, ma ɖi xɛsi ó, ɖó un ɖo kpɔ́ xá we. Ma ɖo nukún dó gbɛmɛ kpɔ́n wɛ ó, ɖó nyi wɛ nyí Mawu towe. Un ná ná akɔ́nkpinkpan we; un ná gɔ́ alɔ nú we; un ɖo xɛ nya ɖo jǐ we wɛ kpódó aɖisí lɔ ce, ɖuɖéjí lɔ ɔ́ kpó.

Ezayíi 41:14

Mawu Mavɔmavɔ ɖɔ: “Izlayɛ́li, togun Jakɔ́bu tɔn, hwi mɛ e ma ɖó gǎn ɖé ǎ dohɔ́nví ɖɔhun é, ma ɖi xɛsi ó. Nyɛ Mawu Mavɔmavɔ ɔ́ ɖésú wɛ ja alɔ gɔ́ nú we gbé. Nyɛ Mɛ Mímɛ́ Izlayɛ́li tɔn wɛ ná hwlɛ́n we gán.

Ezayíi 58:9

Énɛ́ ɔ́, a ylɔ́ Mawu Mavɔmavɔ ɔ́, é ná sɔ nú we. A sú xó bó byɔ́ alɔgɔ́ ɔ́, é ná ɖɔ nú we ɖɔ: ‘Un ɖo fí.’ Ényí a sú acɛ gannaganna kpikpa dó sín to towe mɛ, nú a jǒ adǎn gblɔ́n nú mɛ dó, nú a jǒ dǎka ɖiɖɔ dó,

Jelemíi 1:17

Jelemíi, hwɛ ɔ́, sí te, sɔ́ nǔ bó ná yi ɖɔ nǔ e un zɔ́n we lɛ́ɛ nú yě. Ma ɖi xɛsi ɖo nukɔn yětɔn ó, é má nyí mɔ̌ ǎ ɔ́, un ná dó xɛsi we ɖo nukɔn yětɔn.

Mɛsɛ́dó 18:9

Pɔ́lu ka mɔ nǔ zǎn mɛ gbe ɖokpó; é mɔ Aklúnɔ, bɔ é ɖɔ n'i ɖɔ: “Ma ɖi xɛsi ó; lo ɔ́, ɖo xó ɖɔ wɛ; ma nɔ abwɛ̌ ó;

Mɛsɛ́dó 27:24

bó ɖɔ nú mì ɖɔ: ‘Pɔ́lu, ma ɖi xɛsi ó, ɖó a nǎ yi Dadá Hlɔ̌ma tɔn nukɔn dandan, bɔ hwi wútu ɔ́, Mawu ná ná gbɛ mɛ e ɖo tɔ jí xá we lɛ́ɛ bǐ.’

Eblée 7:19

Nǔgbó ɔ́, Mɔyízisɛ́n ɔ́ bló bɔ nǔɖé nyɔ́ káká yi fó ǎ; nukúnɖíɖó ɖagbe ɖé ka wá bó nyɔ́ hú mɔ̌; nukúnɖíɖó énɛ́ wɛ bló bɔ mǐ nɔ sɛkpɔ́ Mawu.

Jaki 4:8

Mi sɛkpɔ́ Mawu; énɛ́ ɔ́ é ná sɛkpɔ́ mi. Mi hwɛhutɔ́ lɛ́ɛ, mi klɔ́ alɔ mitɔn lɛ́ɛ; mi yɛmɛnúwatɔ́ lɛ́ɛ, mi slá wǔ nú ayixa mitɔn lɛ́ɛ!

Nǔɖexlɛ́mɛ 1:17

Ée un mɔ ɛ ɔ́, un jɛ ayǐ ɖo asá tɔn mɛ, bó cí mɛkúkú ɖɔhun. É ɖó alɔ tɔn ɖisí ɔ́ jǐ ce, bó ɖɔ: “Ma ɖi xɛsi ó! Nyɛ wɛ nyí mɛ e jɛ nukɔn ɔ́, bó nyí mɛ e gbɔn gǔdo é.

Nǔɖexlɛ́mɛ 2:10

Wǔvɛ́ e a nǎ mɔ ɔ́ ní ma dó xɛsi nú we ó. Đǒtó: Awǒvi ná bɛ́ mɛ gěgé ɖo mi mɛ dó gankpá mɛ, bó ná dó tɛ́n mi kpɔ́n; mi ná mɔ wǔvɛ́ xɔ azǎn wǒ. Nɔ gbejí káká yi kú; énɛ́ ɔ́, un ná ná we gbɛ bɔ é ná cí axɔ́súgbákún e nɔ́ ná gbɛ mɛ é ɖɔhun.