Gbɛvíhan 3:4 - MAWUXÓWÉMA

⁴ É wa nǔ xá mì bɔ un xú gǒ sín ta káká wá afɔ; é wɛ́n xú dó lanmɛ nú mì.

Gbɛvíhan 3:4 Iomraidhean Croise

Jɔ̌bu 30:30

Anyǔ e ɖo wǔ ce ɔ́ xú bǐ bó nɔ́ flé, wǔtu ce nɔ́ hun myɔ káká yi mɔ xú.

Ɖɛhan 22:14

Yě hun nu bo ɖo nǎ wlí mì ɖu wɛ kinnikínní e ɖo adǎn jí, bó ɖo gbe dó wɛ é ɖɔhun.

Ɖɛhan 32:3

Agɔ e un jɛ dó Mawu Mavɔmavɔ ɔ́, nú un ma ko ɖɔ ǎ jɛ́n wɛ ɔ́, un nɔ ɖo gbɛ vo sa wɛ ayǐhɔ́ngbe ayǐhɔ́ngbe, káká bɔ gǎn e ɖo wǔ ce ɔ́ bǐ nɔ́ jɛ vivɔ jí.

Ɖɛhan 51:8

Gbɛtɔ́ ɖó sísí nú nǔgbó ɖo ayi mɛ ɔ́, xomɛ nɔ hun we. Blǒ bónú má mɔ nǔ jɛ nǔnywɛ́ towe wú ɖo ayi ce mɛ.

Ezayíi 38:13

Cóbónú ayǐ ná hɔ́n ɔ́, kú ná kó wá sɔ́ mì. Mawu, a gba xú ce lɛ́ɛ kinnikínní ɖɔhun. Cóbónú gbadanu ná su ɔ́, a nǎ kó ɖɔ xó ce gbo.

Jelemíi 50:17

Đ'ayǐ ɔ́, Izlayɛ́li cí lɛ̌ngbɔ́ búbú e kinnikínní ɖo nyinya wɛ ɔ́ ɖɔhun. Asilíi xɔ́sú ɔ́ wɛ vúnvún i jɛ nukɔn, bɔ Babilɔ́nu xɔ́sú Nabukodonɔzɔ́ɔ wá gba xú tɔn.