Gbɛvíhan 3:25 - MAWUXÓWÉMA

²⁵ Mawu Mavɔmavɔ nɔ nyɔ́ xomɛ dó mɛ e ɖeji dó wǔ tɔn ɔ́ wú; é nɔ́ nyɔ́ xomɛ dó mɛ e ɖo biba ɛ wɛ lɛ́ɛ wú.

Gbɛvíhan 3:25 Iomraidhean Croise

Bǐbɛ́mɛ 49:18

Mawu Mavɔmavɔ, un ɖo nukún ɖó hwlɛngán towe wɛ.

1 Tan 28:9

Vǐ ce Salomɔ́ɔ, hwɛ ɔ́, a ɖǒ ná tunwun Mawu nyɛ tɔ́ towe tɔn, lobo sɛn é ɖokpónɔ géé, kpódó ayixa towe bǐ kpó. Đó Mawu Mavɔmavɔ nɔ́ mɔ nukúnnú jɛ ayixa lɛ́ɛ bǐ mɛ, é tunwun nǔ e lin wɛ è ɖe lɛ́ɛ bǐ. Ényí a ba ɛ ɔ́, é ná jó éɖée dó bɔ a nǎ mɔ ɛ. Lo ɔ́ ényí a jǒ e dó ɔ́, é ná jó we dó bǐ gbídígbídí.

2 Tan 15:2

é yi Asa gɔ́n, bó ɖɔ n'i ɖɔ: “Axɔ́sú Asa, Judáanu e mi, Bɛnjamɛ́ɛnu e mi, mi bǐ ní ɖótó mì! Nú mi ɖo kpɔ́ xá Mawu Mavɔmavɔ jɛ́n wɛ ɔ́, é lɔ ná ɖo kpɔ́ xá mi. Ényí mi ba Mawu Mavɔmavɔ ɔ́, é ná zé éɖée xlɛ́ mi, mi ka jó e dó ɔ́, é lɔ ná jó mi dó.

2 Tan 19:3

Nǔ ɖo mɔ̌ có, a wa nǔ ɖagbe gěgé, ɖó a dǒ vodún Acela e ɖo to towe mɛ lɛ́ɛ bǐ zo, lobo sɛn Mawu kpódó ayi towe bǐ kpó.”

2 Tan 30:19

“Mawu Mavɔmavɔ, Mawu tɔ́gbó mǐtɔn lɛ́ɛ tɔn, yě mɛ e ɖo gǎn dó wɛ kpó ayi yětɔn bǐ kpó, bó ná dó tunwun jlǒ towe lɛ́ɛ bǐ ɔ́, yě ná bó ma slá wǔ bó ɖo mǐmɛ́ jí ǎ hǔn, kɛnklɛ́n bó sɔ́ hwɛ yětɔn lɛ́ɛ kɛ yě ɖo xomɛnyínyɔ́ towe mɛ.”

2 Tan 31:21

Hwenu e é ɖo jlǒ Mawu tɔn ba ná wa wɛ, bó sí te bó ná bló Mawu xwé ɔ́ ɖó, bó ná bló bɔ è nǎ nɔ nyi sɛ́n tɔn, bó ná nɔ wa nǔ e é zɔ́n lɛ́ɛ ɔ́, é bló kpó ayi tɔn bǐ kpó. Énɛ́ ɔ́, Mawu bló bɔ é mɔ nǔ lɛ́ɛ bǐ sín nu.

Ɛsidlási 8:22

Ényí ɖɔ wɛ un ko yi ɖɔ nú Dadá ɔ́ ɖɔ ní ná mǐ ahwanfuntɔ́ kpó sɔ́xátɔ́ kpó, bónú yě ná nya xɛ ɖo mǐ jí ɖo alixo, ɖó kɛntɔ́ lɛ́ɛ wú ɔ́, winnyá ná hu mì, ɖó mǐ ko ɖɔ n'i ɖ'ayǐ ɖɔ Mawu mǐtɔn nɔ nya xɛ ɖo mɛ e ɖo gbejí n'i lɛ́ɛ jí, bó ká nɔ sin xomɛ dó mɛ e nɔ dó vɛ̌ n'i lɛ́ɛ ɖésú.

Ɖɛhan 105:3

Mi sɔ́ nyǐkɔ mímɛ́ tɔn dó xɔ susu. Mɛ e ɖo Mawu Mavɔmavɔ ba wɛ lɛ́ɛ ní j'awǎ.

Ɖɛhan 119:2

Nǔ nyɔ́ nú mɛ e nɔ nyi sɛ́n tɔn lɛ́ɛ, mɛ e nɔ ba ɛ kpó ayi yětɔn bǐ kpó lɛ́ɛ.

Ɖɛhan 22:26

Mawu, togun towe kplé ɔ́, hwi wɛ un ná nɔ́ kpa susu ná. Un ná ɖe akpá e un dó nú we lɛ́ɛ, ɖo mɛ e nɔ sí we lɛ́ɛ nukɔn.

Ɖɛhan 25:8

Mawu Mavɔmavɔ nyɔ́ xomɛ; é nɔ́ wa nǔ jlɔ́jlɔ́. Énɛ́ ɔ́ wú wɛ é nɔ́ xlɛ́ ali e è ɖǒ ná gbɔn ɔ́ hwɛhutɔ́ lɛ́ɛ.

Ɖɛhan 27:14

Đǒ nukún Mawu Mavɔmavɔ, dǒ gǎn, kpan akɔ́n, ɖǒ nukún Mawu Mavɔmavɔ.

Ɖɛhan 27:8

Un ɖo tamɛ lin dó xó e a ɖɔ ɔ́ wú wɛ; a ɖɔ: “Mi ba mì!” Din ɔ́, Mawu Mavɔmavɔ! Un ɖo biba we wɛ.

Ɖɛhan 37:34

Nɔ te kpɔ́n Mawu Mavɔmavɔ, bó nɔ ali e é ɖe nú we ɔ́ jí, é ná sɔ́ we dó jǐ, bɔ to ɔ́ ná nyí towe. A nǎ mɔ bɔ è nǎ sú mɛdídá lɛ́ɛ sín kún dó sín to ɔ́ mɛ.

Ɖɛhan 37:7

Tin xwíí ɖo Mawu Mavɔmavɔ nukɔn, bó nɔ te kpɔ́n ɛ, ma hwlɛ́n dó ó. Ma sin xomɛ dó mɛ e lɛ́n nǔɖé ɔ́, é nɔ́ kpé wú ɔ́ ó, ma sin xomɛ dó mɛ e nɔ ɖo ayi wínníwínní zán wɛ ɔ́ ó.

Ɖɛhan 39:7

Ɛɛn, gbɛtɔ́ nɔ́ ɖo yiyi wɛ, bó nɔ́ ɖo wǐwá wɛ yɛ ɖɔhun; é nɔ́ ɖo kan xo wɛ, jɔhɔn kpowun wɛ é ká nyí; é nɔ́ ɖo dɔkun kplé ɖ'ayǐ wɛ, bó ká tunwun mɛ e ná wá ɖu ɔ́ ǎ.

Ɖɛhan 61:1

Hanjigbɛ́gán ɔ́ sín hanjiwéma mɛ wɛ han élɔ́ ɖe. È sɔ́ xó lómílómí dó han mɛ. È nɔ ji bó nɔ́ xo kanhún d'é mɛ. Davídi sín han wɛ.

Ɖɛhan 61:5

É jló mì ɖɔ má ɖo xwé towe gbe káká sɔ́yi; é jló mì ɖɔ má hɔn hwlá cí awa towe lɛ́ɛ glɔ́, Agbɔ̌n

Ɖɛhan 69:32

Énɛ́ ɔ́ nɔ́ nyɔ́ Mawu Mavɔmavɔ nukún mɛ hú nyibú dó sá vɔ̌ n'i, nyibúsú zo jangan jangan, afɔ kpanwunkpanwun dó sá vɔ̌ n'i.

Ɖɛhan 71:14

Nyɛ ɔ́, un ka ná ɖo te kpɔ́n we tɛgbɛ, un ná kpa susu nú we, bó ná nɔ́ lɛ́ kpa susu nú we.

Ezayíi 25:9

Gbe énɛ́ gbe ɔ́, è nǎ ɖɔ: “Mawu Mavɔmavɔ wɛ nyí Mawu mǐtɔn, é wɛ mǐ nɔ te kpɔ́n bɔ é wá hwlɛ́n mǐ gán. Nǔgbó wɛ; Mawu Mavɔmavɔ wɛ mǐ ɖó nukún; é wɛ nyí mɛhwlɛ́ngántɔ́ mǐtɔn; énɛ́ wú ɔ́, xomɛ ní hun mǐ, mǐ ní j'awǎ.

Ezayíi 26:9

Zǎn mɛ ɔ́, nyi lɔ nɔ ba ná mɔ we, ayi ce bǐ nɔ ɖo wǔ we. A dɔn tó nú gbɛtɔ́ lɛ́ɛ lě e a ɖɔ gbɔn é; mɛ bǐ nɔ́ mɔ ɖɔ émí ɖó ná zán gbɛ lě e é jɛ xá gbɔn é.

Ezayíi 30:18

Nǔ ɖo mɔ̌ có, Mawu Mavɔmavɔ ɖó jlǒ bó ná wa ɖagbe nú mi. É ná sí te bó ná kú nǔbláwǔ nú mi, ɖó Mawu Mavɔmavɔ ɔ́, Mawu hwɛjijɔnɔ wɛ. Nǔ nyɔ́ nú mɛ e ɖo nukún ɖó e wɛ lɛ́ɛ bǐ.

Ezayíi 40:31

Amɔ̌, mɛ e nɔ gán jɛ Mawu Mavɔmavɔ wú lɛ́ɛ ɔ́, hlɔ̌nhlɔ́n ɖěvo nɔ wá nú yě; yě nɔ́ zɔn hɔ̌nsúhɔ́nsú ɖɔhun; yě nɔ́ ɖo wezun kán wɛ, nǔ ká nɔ́ cikɔ nǔ yě ǎ; Yě nɔ́ ɖo yiyi wɛ, hlɔ̌nhlɔ́n yětɔn ka nɔ́ vɔ ǎ.

Ezayíi 55:6

Mi ba Mawu Mavɔmavɔ din e è hɛn ɔ́, è nǎ mɔ ɛ é. Mi ylɔ́ ɛ din e é yá dó mi é.

Ezayíi 64:4

Mɛ e nɔ xwedó hwɛjijɔ kpó awǎjijɛ kpó lɛ́ɛ ɔ́, mɛ e nɔ́ nɔ ali towe jí bó nɔ́ flín we lɛ́ɛ ɔ́, a nɔ wá yě gɔ́n. A sin xomɛ ɖó nǔwanyido mǐtɔn lɛ́ɛ wú. Lo ɔ́, ali xóxó e a ɖe nú mǐ ɔ́ wɛ mǐ ná mlɛ́ bó ná mɔ hwlɛngán.

Gbɛvíhan 3:26

É nyɔ́ bónú è nǐ nɔ xwíí, bó nɔ te nú Mawu Mavɔmavɔ hwlɛ́n mɛ gán.

Ozée 10:12

Mi dó wǎn yíyí ɔ́, mi ná ya gbejíninɔ. Mi xo gle yɔ̌yɔ́ ɖé nú miɖée: hwenu su bɔ mi ná ba nyɛ Mawu Mavɔmavɔ ɔ́ káká jɛ hwenu e un ná wá kɔn hwlɛngán ɔ́ nyi mi jí dó é.

Sofoníi 3:8

Mawu Mavɔmavɔ ɖɔ nú yě ɖɔ: “Din ɔ́, mi bo nɔ te ba kpɔ́n lě e un ná wa nǔ mitɔn gbɔn gbe e gbe un ná wá dó hwɛ mi é. Un ko ɖɔ un ná kplé akɔta lɛ́ɛ kpó axɔ́súɖuto lɛ́ɛ kpó, bó ná ɖe xomɛsin ce xlɛ́ yě. Xomɛsin ɖaxó e jí un ná ɖe ɔ́ ná cí myɔ ɖɔhun, bó ná fyɔ́ to ɔ́ bǐ.”

1 Tɛsalonikinu 1:10

lobo ná nɔ te kpɔ́n ɖɔ vǐ tɔn Jezu ní gosín sɛ́xwé wá é. Vǐ tɔn énɛ́ ɔ́ wɛ é fɔ́n sín kú, bɔ é hwlɛ́n mǐ sín xomɛsin Mawu tɔn e jǎwe ɔ́ mɛ.

Jaki 5:7

Nɔví lɛ́ɛ mi, hǔn mi bo ɖó suúlu káká, nú Aklúnɔ ná wá. Mi kpɔ́n lě e glesi nɔ ɖó suúlu, bó nɔ nɔ te bɔ ayǐkúngban nɔ ná jinukún ɖagbe ɖagbe lɛ́ɛ gbɔn é; é nɔ ɖó suúlu káká bɔ xwejí kpó zǒjí kpó nɔ ja.