Gbɛvíhan 3:22 - MAWUXÓWÉMA

²² Xomɛnyínyɔ́ Mawu Mavɔmavɔ tɔn nɔ vɔ ǎ, wǎn yíyí tɔn ɖo te káká sɔ́yi.

Gbɛvíhan 3:22 Iomraidhean Croise

2 Samuwɛ́li 24:14

Davídi ɖɔ nú Gadi ɖɔ: “Ado ɖaxó ɖé ɖo huhu mì wɛ. Amɔ̌, un mɔ ɖɔ un jɛ Mawu Mavɔmavɔ lɔ mɛ ɔ́, é nyɔ́ hú un jɛ gbɛtɔ́ lɔ mɛ, ɖó Mawu Mavɔmavɔ nɔ́ kú nǔbláwǔ nú mɛ ɖésú.”

Nɛɛmíi 9:31

Nǔ ɖo mɔ̌ có, ɖo wǎn yíyí towe maɖódogbó ɔ́ mɛ ɔ́, a vǐvá kún yětɔn ǎ. A jǒ yě dó ǎ; Mawu nǔbláwǔkúnúmɛtɔ́ xomɛnyɔ́tɔ́ wɛ a nyǐ.

Ɖɛhan 103:10

É nɔ́ kpɔ́n dó hwɛ e mǐ hu é wú, bó nɔ́ wa nǔ tɔn xá mǐ ǎ. É nɔ́ sɔ́ nǔ e mǐ wa nyi do é sín bǎ dó xo mǐ ǎ.

Ɖɛhan 106:45

É flín akɔ e é jɛ xá yě é, bɔ nǔ yětɔn blá wǔ n'i, ɖó xomɛnyínyɔ́ tɔn d'agba.

Ɖɛhan 69:17

Mawu Mavɔmavɔ, yǐ ɖɛ ce, ɖó a nyɔ̌ bó nɔ́ wa ɖagbe. Lɛ̌ kɔ kpɔ́n mì ɖó nǔbláwǔkúnúmɛ towe ɖaxó ɔ́ wú.

Ɖɛhan 77:8

Aklúnɔ ka jló ná jó mǐ dó káká sɔ́yi wɛ a? É sɔ́ ná nyi kɔ kpɔ́n mǐ gbeɖé ǎ cé?

Ɖɛhan 78:38

Amɔ̌, éyɛ́ ɔ́, mɛ nú nɔ́ blá wǔ n'i, bɔ é nɔ́ sɔ́ hwɛ kɛ yě, bó sú kún yětɔn dó ǎ. Hwe gěgé nu ɔ́, é nɔ́ jó xó dó; é nɔ́ lɔn bó nɔ́ sin xomɛ ǎ, é nɔ́ lɔn bó nɔ́ zé adǎn e jí é ɖe ɔ́ bǐ dó wa nǔ ná ǎ.

Ɖɛhan 86:15

Amɔ̌, hwɛ Aklúnɔ ɔ́, Mawu xomɛfátɔ́ wɛ a nyǐ, nǔbláwǔkúnúmɛtɔ́ wɛ a nyǐ, a nɔ yá wǔ sin xomɛ ǎ, xomɛnyɔ́tɔ́ wɛ a nyǐ, gbejínɔtɔ́ wɛ a nyǐ.

Jelemíi 3:12

Yi, yi bó sú xó sɛ́ dó totaligbé ɖɔ Mawu Mavɔmavɔ ɖɔ: ‘Izlayɛ́li gbejímánɔtɔ́! Lɛ̌ kɔ wá. Un ná sɔ́ nukún nyanya dó kpɔ́n we ǎ. Un nɔ kú nǔbláwǔ nú mɛ. Un na nɔ xomɛsin jí káká sɔ́yi ǎ.

Jelemíi 30:11

Un ɖo kpɔ́ xá yě bó ná hwlɛ́n yě gán. Akɔta e mɛ un gba yě kpé gbɔn lɛ́ɛ ɔ́, un ná sú akɔta énɛ́ lɛ́ɛ sín kún dó. Amɔ̌, yědɛɛ lɛ́ɛ ɔ́, un nǎ dɔn tó nú yě lě e é jɛ xá gbɔn é, un ka ná sú kún yětɔn dó ǎ. Un sixú jó yě dó, xomɛvɔ́ wɛ yě ɖe ɖɔhun ǎ.” Mawu Mavɔmavɔ wɛ ɖɔ mɔ̌.

Jelemíi 31:20

Mawu Mavɔmavɔ ɖɔ: “Eflayímu ɔ́, vǐ vívɛ́ ce wɛ, un yí wǎn n'i tawun. Un ɖo xó tɔn ɖɔ wɛ lě ɔ́, un nɔ lɛ́ ɖo flínflín i d'é jí wɛ. Un yí wǎn n'i ɖésú. Nǔ tɔn nɔ́ blá wǔ nú mì titewungbe.

Daniyɛ́li 9:9

Amɔ̌, hwɛ Aklúnɔ, Mawu mǐtɔn ɔ́, ɖo xomɛnyínyɔ́ towe mɛ ɔ́, mǐ nɔ ɖo gǔ fɔ́n dó jǐ towe wɛ, có a nɔ zé hwɛ mǐtɔn lɛ́ɛ kɛ mǐ.

Malacíi 3:6

“Nyɛ Mawu Mavɔmavɔ ɔ́, un nɔ húzú ǎ, midɛɛ lɛ́ɛ ɔ́, mi ka gɔn Jakɔ́bu ví titewungbe lɛ́ɛ nyí ǎ.

Luki 1:50

É ná kú nǔbláwǔ nú mɛ e nɔ sí i lɛ́ɛ bǐ hwebǐnu.