Gbɛvíhan 2:9 - MAWUXÓWÉMA

⁹ Toxo ɔ́ sín hɔnnúwa lɛ́ɛ hɔ́, aglin mu kɔn nyi yě jí; Mawu hɛn gankpo e è nɔ dó sú hɔntogbó lɛ́ɛ wɛ́n; é hɛn bǐ cɛ́; toxo ɔ́ sín axɔ́sú ɔ́ kpódó gǎn e ɖo glɔ̌ tɔn lɛ́ɛ kpó jɛ akɔta ɖěvo lɛ́ɛ lɔ mɛ. Mɛ ɖěbǔ sɔ́ ɖe bó ná kplɔ́n sɛ́n Mawu tɔn mɛ ǎ. Gbeyíɖɔ lɛ́ɛ lɔ sɔ́ nɔ́ yí wɛn ɖě sín Mawu Mavɔmavɔ gɔ́n ǎ.

Gbɛvíhan 2:9 Iomraidhean Croise

2 Axɔ́sú 25:7

È gbo gbe axɔ́sú Sedesíyasi sín vǐ lɛ́ɛ ɖo nukún tɔn mɛ. Énɛ́ ɔ́ gúdo ɔ́, Babilɔ́nu xɔ́sú ɔ́ ná gbe bɔ è tɔ́n nukún Sedesíyasi tɔn we lɛ́ɛ, bó dó wlɔ ɛ, bó kplá ɛ yi Babilɔ́nu.

2 Tan 15:3

Izlayɛ́li ví lɛ́ɛ nɔ Mawu nǔgbó ɔ́ mɛ vo; yě nɔ vɔ̌sánú-xwlémawutɔ́ e ná nɔ kplɔ́n nǔ yě ɔ́ mɛ vo, bó nɔ sɛ́n ɔ́ mɛ vo; yě nɔ mɔ̌ káká.

Nɛɛmíi 1:3

Bɔ yě yí gbe nú mì ɖɔ: “Mɛ e lɛ́ kɔ sín kannumɔgbénu lɛ́ɛ wá cí Judáa sín tokpɔn ɔ́ mɛ; lo ɔ́, ya ɖaxó ɖé vun blá yě, bɔ ninɔmɛ yětɔn nyí winnyánú ɖé. Amɔ̌, ahohó e è mɛ lɛ́ lɛ̌ dó toxo ɔ́ mu ɖo akpá ɖé lɛ́ɛ xwé, bɔ è dǒ toxo ɔ́ sín hɔntogbó ɖé lɛ́ɛ zo.”

Ɖɛhan 74:9

Mǐ sɔ́ nɔ́ mɔ asyá mǐtɔn ɔ́ ɖě ǎ. Gbeyíɖɔ Mawu tɔn ɖě sɔ́ ɖe ǎ. Mɛ ɖěbǔ ka ɖo mǐ mɛ bó tunwun hwenu e é ná fó dó ɔ́ ǎ.

Ezayíi 24:12

Nǔ e ɖo toxo ɔ́ mɛ lɛ́ɛ bǐ gblé, toxo ɔ́ sín hɔntogbó lɛ́ɛ bǐ wɛ fɛ́n kɔn nyi kɔ́ mɛ.

Jelemíi 14:14

Énɛ́ ɔ́ gúdo ɔ́, Mawu Mavɔmavɔ ɖɔ nú mì ɖɔ: “Gbeyíɖɔ énɛ́ lɛ́ɛ ɔ́, yě nɔ́ zé nyǐkɔ ce ɖó nu bo nɔ ɖó adingban nú mi. Nyi wɛ ka sɛ́ yě dó fí ɖé ǎ; un zɔ́n nǔɖé yě ǎ; un ka ɖɔ xó ɖě nǔ yě ǎ. Nǔ e yě nɔ́ mɔ bó nɔ́ ɖɔ lɛ́ɛ ɔ́, adingban kɛ́ɖɛ́ wɛ. Nǔ e ná wá jɛ, bɔ yě ɖɔ lɛ́ɛ bǐ wɛ nyí nǔ yǎyá; xó e jló yě ɔ́ wɛ yě nɔ́ kpa bó nɔ́ ɖɔ nú mi.

Jelemíi 23:16

Mawu Mavɔmavɔ, Mawu Nǔbǐwúkpétɔ́ ɔ́ ɖɔ: “Mi ma ɖótó gbeyíɖɔ e ɖo xó ɖɔ wɛ lɛ́ɛ ó. Nǔ e ma sixú jɛ ǎ lɛ́ɛ ɖɔ nú mi wɛ yě ɖe; nǔ e wá ayi yětɔn mɛ lɛ́ɛ wɛ yě nɔ́ ɖɔ nú mi, é nyí xó e nɔ tɔ́n sín nu ce mɛ ɔ́ wɛ yě nɔ́ ɖɔ ǎ.

Jelemíi 39:2

Yě xá toxo ɔ́ mɔ̌ káká jɛ hwenu e Sedesíyasi bló xwe wǒ-ɖokpó ɖo zinkpo jí é. Azǎn tɛ́nnɛgɔ́ e ɖo sun ɛnɛgɔ́ ɔ́ mɛ ɔ́ gbe ɔ́, Babilɔ́nunu lɛ́ɛ tɔ́n ali ɖokpó dó ahohó e è mɛ lɛ́ lɛ̌ dó toxo ɔ́ é mɛ.

Jelemíi 39:8

Babilɔ́nunu lɛ́ɛ dó axɔ́sú ɔ́ sín xwé zo ɖo Jeluzalɛ́mu, bó dó xwé ɖě lɛ́ɛ zo; yě gba ahohó e è mɛ lɛ́ lɛ̌ dó Jeluzalɛ́mu lɛ́ɛ.

Jelemíi 51:30

Ahwanfuntɔ́ Babilɔ́nu tɔn lɛ́ɛ ko fɔ tú kɔn nyi ayǐ; yě yi hɔn bɛ́ cí ahohó lɛ́ɛ mɛ. Hlɔ̌nhlɔ́n yětɔn vɔ; nyɔ̌nu e ba gǎn kpo ɔ́ ɖɔhun wɛ yě cí din. È ɖo xwé lɛ́ɛ dó zo wɛ, è ɖo hɔn lɛ́ɛ fó wɛ.

Jelemíi 52:14

Babilɔ́nu sín ahwangɔnu ɔ́ bǐ wɛ xwedó Nɛbuzaladáni, bó wá gba ahohó e è mɛ lɛ́ lɛ̌ dó Jeluzalɛ́mu lɛ́ɛ bǐ.

Gbɛvíhan 1:3

È wlǐ mɛ e ɖo Judáa lɛ́ɛ yi to ɖěvo mɛ; ya blá ta nú yě, kannumɔ zɔ́ wɛ yě nɔ́ wa. Akɔta ɖěvo lɛ́ɛ mɛ wɛ yě ɖe; yě mɔ fí ɖé bó ná nɔ tawun ǎ. Mɛ e ɖo gbě yětɔn nya wɛ lɛ́ɛ sɔ gba yě, yě ján go dó yě, bɔ yě sɔ́ tunwun fí e yě ná gbɔn é ǎ.

Gbɛvíhan 4:15

Ényí è mɔ yě jǎwe ɔ́, è nɔ sú xó bó nɔ́ ɖɔ: “Mi nɔ zɔ nú yě! Mɛ blíblí wɛ yě nyǐ! Mi nɔ zɔ! Mi ma sɛkpɔ́ yě ó!” Énɛ́ ɔ́, yě nɔ́ hɔn, yě nɔ́ hɔn bó nɔ ɖo flúflú wɛ gbɔn tomɛ tomɛ. Togun ɖě lɛ́ɛ ká nɔ́ ɖɔ nú yě ɖɔ: “Mi ná nɔ fí ǎ.”

Gbɛvíhan 4:20

Mɛ e sín alɔ mɛ gbɛ mǐtɔn ɖe ɔ́ nɛ́ jɛ mɔ yětɔn mɛ din nɛ́; axɔ́sú e Mawu Mavɔmavɔ sɔ́ é wɛ; éyɛ́ sín xó ɖɔ wɛ mǐ nɔ́ ɖe bó nɔ́ ɖɔ: “Nú mǐ bɛ yɛ ɖo glɔ̌ tɔn ɔ́, akɔta ɖě lɛ́ɛ ná sixú wa nǔɖé nú mǐ ǎ.”

Ezekiyɛ́li 12:13

Bɔ nyɛ Mawu Mavɔmavɔ ɔ́, un ná ɖó mɔ n'i, bó ná wlí i, bó ná kplá ɛ yi Babilɔ́nunu lɛ́ɛ sín to mɛ, bɔ é ná kú ɖo fínɛ́. É sɔ́ ná mɔ to tɔn ɖó nukún wú gbeɖé cóbó kú ǎ .

Ezekiyɛ́li 17:20

Un ná ɖó mɔ n'i, bó ná wlí i. Un ná kplá ɛ yi Babilɔ́nu, bó ná ɖó hwɛ n'i ɖó gbejí e é má nɔ nú mì ǎ é wú.

Ezekiyɛ́li 7:26

Nǔ nyanya ná jɛ ɖě jɛ ɖě gúdo; è nǎ se wɛn nyanya ɖě jɛ ɖě gúdo. Yě ná nɔ́ yi kanbyɔ́ gbeyíɖɔ Mawu tɔn lɛ́ɛ ɖɔ Mawu ka ɖe nǔɖé xlɛ́ yě dó nǔ e ɖo jijɛ wɛ ɔ́ wú nú émí ají. Vɔ̌sánú-xwlémawutɔ́ sɔ́ ná kplɔ́n nǔɖé mɛ ǎ. Tomɛxó lɛ́ɛ lɔ sɔ́ ná tunwun nǔnywɛ́ ɖé bó ná ná mɛ ǎ.

Ozée 11:6

Énɛ́ ɔ́ wú wɛ ahwanfunfun ná syɛ́n ɖo toxo yětɔn ɖaxó ɖaxó lɛ́ɛ mɛ, bó ná sú kún dó nú nǔ e wú yě gǎn jɛ lɛ́ɛ, bó ná vɔ nǔ lɛ́ɛ bǐ, ɖó tito yětɔn lɛ́ɛ wú.

Ozée 3:4

Đó Izlayɛ́li ví lɛ́ɛ ná nɔ axɔ́sú kpó gǎn kpó má ɖó xɔ xwe gěgé; yě ná gɔn vɔ̌ sá xɔ xwe gěgé, bó ná gɔn awǐnnya e yě sɔ́ dó ɖó vodún ná ɔ́ sɛn xɔ xwe gěgé. Yě ná gɔn nǔ e è nɔ dó kan nǔ byɔ́ Mawu lɛ́ɛ ɖó xɔ xwe gěgé.

Amɔ́si 1:5

Un ná fó Damási sín hɔntogbó lɛ́ɛ. Un ná sú mɛ e ɖo nǔ nyanya wiwa sín tɔdo énɛ́ ɔ́ mɛ lɛ́ɛ, kpó axɔ́sú gbɛɖuto énɛ́ ɔ́ tɔn ɔ́ kpó sín kún dó. Ahwan ná wlí togun Silíi tɔn ɔ́ sín kannumɔ yi Kíi.” Xó e Mawu Mavɔmavɔ ɖɔ ɔ́ nɛ́.

Sɛ́nflínmɛ 28:36

Mawu Mavɔmavɔ ná sɛ́ mi kpó axɔ́sú e mi ná sɔ́ nú miɖée é kpó dó to ɖěvo mɛ, to e mi ma tunwun ǎ, bɔ tɔ́gbó mitɔn lɛ́ɛ lɔ ma tunwun ǎ é mɛ, bɔ mi ná sɛn nǔ ɖěvo lɛ́ɛ ɖo fínɛ́. Mi ná sɛn nǔ e è zě atín dó bló lɛ́ɛ, bó ná sɛn éé è zě awǐnnya dó bló lɛ́ɛ.

Sɛ́nflínmɛ 28:63

Lě e é nyɔ́ Mawu Mavɔmavɔ nukún mɛ bɔ é wa ɖagbe nú mi, bó ná vǐ mi bɔ mi ji gba ɔ́, mɔ̌ ɖokpó ɔ́ wɛ é ná lɛ́ nɔ mi gúdo gbɔn káká bó ná ɖe mi bǐ sín ayǐkúngban e yí gbé mi ja ɔ́ jí, bó sú kún mitɔn bǐ dó.

1 Samuwɛ́li 28:6

Sawúlu kan nǔ byɔ́ Mawu Mavɔmavɔ; Mawu Mavɔmavɔ ka kɛ nu d'é mɛ n'i ǎ. É xo dlɔ̌ ɛ ǎ, é ká ɖɔ xó n'i gbɔn Wulímu vɔ̌sánú-xwlémawutɔ́ lɛ́ɛ tɔn jí ǎ, é ká ɖɔ xó n'i gbɔn gbeyíɖɔ tɔn lɛ́ɛ ɖě jí ǎ.