Gbɛvíhan 2:8 - MAWUXÓWÉMA

⁸ Mawu Mavɔmavɔ ɖe gbeta tɔ́n ɖɔ émí ná mu ahohó e è mɛ lɛ́ lɛ̌ dó Sinyɔ́ɔ toxo ɔ́ é; é nyi kan bo ná gbígbá Sinyɔ́ɔ toxo ɔ́ bǐ; é ɖó alɔ te cóbó hɔ́ Sinyɔ́ɔ toxo ɔ́ bǐ ǎ; é mu ahohó we e è mɛ lɛ́ lɛ̌ dó toxo ɔ́ lɛ́ɛ é.

Gbɛvíhan 2:8 Iomraidhean Croise

2 Samuwɛ́li 8:2

É lɛ́ ɖu ɖo Mɔwabunu lɛ́ɛ jí. É ná gbe bɔ yě bǐ mlɔ́ kɔ́ mɛ bɔ è nɔ xa mɛ atɔn bó nɔ́ hu we bó nɔ́ jó ɖokpó dó. Énɛ́ ɔ́, é wá kpo gbɛtɔ́ atɔnvlɔ́ɖó ɖo gbɛ ɖo to ɔ́ mɛ. Sín hwenɛ́nu ɔ́, Mɔwabunu lɛ́ɛ húzú kannumɔ Davídi tɔn, bo nɔ hɛn nǔjɔ wá n'i.

2 Axɔ́sú 21:13

Un ná gba Jeluzalɛ́mu toxo ɔ́ hánnyá lě e un gba Samalíi toxo ɔ́ kpódó Akábu xwédo ɔ́ kpó gbɔn é; un ná klɔ́ Jeluzalɛ́mu lě e è nɔ klɔ́ agbǎn bó nɔ́ húzú xwe nu do é ɖɔhun.

Jɔ̌bu 13:21

Đǒ nǔ e wa xá mì wɛ a ɖe ɔ́ te; má sɔ́ ɖó adohuhu ɖě nú mì ó.

Ezayíi 22:5

Đó égbé din ɔ́, Aklúnɔ, Mawu Mavɔmavɔ Nǔbǐwúkpétɔ́ ɔ́ dó hunnyahunnya mǐ mɛ, mǐ j'ayǐ ɖo ahwan nukɔn; mǐ sɔ́ tunwun lě e mǐ nǎ wa nǔ gbɔn é ǎ.” Zǐngídi e ɖo Nǔɖexlɛ́mɛ tɔdo ɔ́ mɛ é syɛ́n ɖésú. È nɔ sú xó bó nɔ́ byɔ́ alɔgɔ́ sɛ́ dó só lɛ́ɛ ta.

Ezayíi 28:17

“È nǎ nɔ́ wa nǔ bɔ é ná nɔ́ jlɔ́ xɔkan ɖɔhun. È nǎ nɔ́ xwedó hwɛjijɔ télélé dǒxwetekan ɖɔhun.” Lo ɔ́, kɛ́njí ná ja bó kplɔ́ bibɛtɛn mitɔn e nyí adingban ɔ́. Sin ná sa bó dɔn nǔ e gúdo mi hɔn wlá cí ɔ́ yi.

Ezayíi 3:26

Énɛ́ ɔ́, mɛ e ɖo toxo ɔ́ mɛ lɛ́ɛ bǐ ná sa vo, bó ná ya gbɛvíhan. Toxo ɔ́ ná cí nyɔ̌nu e nǔ tɔn bǐ dɔn, bɔ é jínjɔ́n kɔ́ mɛ é ɖɔhun.

Ezayíi 34:11

To ɔ́ ná húzú kwlele lɛ́ɛ kpó ajijá lɛ́ɛ kpó tɔn, bó ná nyí agbigbi kpó avǔnsákɔwó kpó sín nɔtɛn. È nǎ dlɛ́n to gbigba kan ɔ́ dó to ɔ́ jí; è nǎ gbígbá to ɔ́ bǐ; é ná cí to ɖě nɔ fínɛ́ kpɔ́n gbeɖé ǎ ɖɔhun. Nǔ ɖěbǔ sɔ́ ná ɖo fínɛ́ ǎ.

Ezayíi 5:5

Din ɔ́, un ná ɖɔ nǔ e un ná wa xá vǐwungle ce ɔ́ nú mi: un ná hɔn kpá e un dó lɛ́ lɛ̌ dó é, bɔ kanlin lɛ́ɛ ná ɖu. Un ná mu dǒ e un mɛ lɛ́ lɛ̌ dó é, bɔ aligbɔntɔ́ lɛ́ɛ ná gbídí i.

Jelemíi 14:2

É ɖɔ n'i ɖɔ: “Judáa to ɔ́ ɖo aluwɛ mɛ; toxo tɔn lɛ́ɛ ɖo nǔwamɛxɔmɛ, wǔ kú yě, yě blá wǔ. Jeluzalɛ́mu ɖo xó sú wɛ bɔ gbe tɔn ɖo zɔ yi wɛ.

Jelemíi 5:10

Mi byɔ́ vǐwungbo yětɔn lɛ́ɛ mɛ, bó sú kún yětɔn dó. Amɔ̌, mi ma sú bǐ sín kún dó ó. Mi jlá ala lɛ́ɛ síin, ɖó ala lɛ́ɛ nyí nyɛ Mawu Mavɔmavɔ tɔn ǎ;

Jelemíi 52:13

É dó Mawu Mavɔmavɔ xwé ɔ́ zo, bó dó hɔnmɛ ɔ́ kpó xwé e ɖo Jeluzalɛ́mu lɛ́ɛ bǐ kpó zo. Đo tají ɔ́, é dó gbɛtɔ́ nukúnɖéjí lɛ́ɛ sín xwé zo.

Gbɛvíhan 2:17

Mawu Mavɔmavɔ bló nǔ e é lin ɖɔ émí ná bló é; é bló nǔ e é kó ɖɔ ɖ'ayǐ xóxó ɖɔ émí ná bló é: é gba toxo ɔ́ ma kú nǔbláwǔ n'i. É wa nǔ xá we dó dó xomɛhunhun nú kɛntɔ́ towe lɛ́ɛ, é dó goyíyí goyíyí jí nú mɛ e ma mɔ we gbɔ ǎ lɛ́ɛ.

Gbɛvíhan 2:18

Sinyɔ́ɔ toxo ɖo xó sú sɛ́ dó Aklúnɔ wɛ. Ahohó Sinyɔ́ɔ tɔn e, ɖasin ní húzú tɔsisa bó nɔ sa sín nukún towe jí zǎn kpó kéze kpó. Ma ná gbɔjɛ́ ɖěbǔ hwiɖée ó, ma ɖó avǐ e ya wɛ a ɖe ɔ́ te ó.

Gbɛvíhan 2:2

Aklúnɔ kú nǔbláwǔ nú togun tɔn ǎ; é gba nɔtɛn togun tɔn tɔn lɛ́ɛ bǐ. Hwenu e Aklúnɔ ɖo xomɛsin jí ɔ́, é gba toxo e è mɛ ahohó lɛ́ lɛ̌ dó ɖo Judáa lɛ́ɛ bǐ; é zin axɔ́súɖuto ɔ́ kpódó gǎn e ɖ'é mɛ lɛ́ɛ kpó dɛ́, é kɔ́n wi yětɔn.

Gbɛvíhan 2:5

Aklúnɔ wa nǔ xá mǐ kɛntɔ́ ɖɔhun. É gba Izlayɛ́li to ɔ́ bǐ hánnyá. É gba hɔnmɛ lɛ́ɛ bǐ hánnyá. É mu ahohó e ɖo Izlayɛ́li lɛ́ɛ. É dɔn aluwɛ kpódó awě kpó dó fí bǐ ɖo togun Judáa tɔn ɔ́ mɛ.

Ezekiyɛ́li 20:22

Un ka kpɔ́n dó nyǐkɔ ce wú, bó sɔ́ wa nǔ xá yě lě e un ɖó ná wa nǔ xá yě gbɔn é ǎ, bónú togun e mɛ yě ɖe lɛ́ɛ má hu tɛ́ nú mì ó. Ɖó togun énɛ́ lɛ́ɛ tunwun ɖɔ un ɖe tɔ́gbó mitɔn lɛ́ɛ tɔ́n sín Ejípu.