Gbɛvíhan 2:7 - MAWUXÓWÉMA

⁷ Aklúnɔ jó vɔ̌sákpe tɔn dó, é jó tɛn mímɛ́ tɔn dó. É jó hɔnmɛ e ɖo Sinyɔ́ɔ lɛ́ɛ dó nú kɛntɔ́ lɛ́ɛ. Kɛntɔ́ lɛ́ɛ ɖú zǐngídi ɖo Mawu Mavɔmavɔ xwé ɔ́ gbe xwe ɖu wɛ è ɖe ɖɔhun.

Gbɛvíhan 2:7 Iomraidhean Croise

2 Axɔ́sú 25:9

É dó Mawu Mavɔmavɔ xwé ɔ́ zo, bó dó hɔnmɛ ɔ́ kpó xwé e ɖo Jeluzalɛ́mu lɛ́ɛ bǐ kpó zo. Đo tají ɔ́, é dó gbɛtɔ́ nukúnɖéjí lɛ́ɛ sín xwé zo.

2 Tan 36:19

Babilɔ́nunu lɛ́ɛ dó Mawu xwé ɔ́ zo. Yě mu ahohó e ɖo Jeluzalɛ́mu lɛ́ɛ, bó dó hɔnmɛ lɛ́ɛ bǐ zo lobo hɛn nǔ xɔ akwɛ́ e ɖo toxo ɔ́ mɛ lɛ́ɛ bǐ gblé.

Ɖɛhan 89:39

É ɖo mɔ̌ có, a gbɛ̌ axɔ́sú e a sɔ́ é, a jǒ e dó, a sin xomɛ dó e.

Ezayíi 64:9

Mawu Mavɔmavɔ, toxo mímɛ́ towe lɛ́ɛ ɔ́, mɛ ɖé sɔ́ ɖo yě mɛ ǎ; gbɛtɔ́ ɖokpó sɔ́ ɖo Jeluzalɛ́mu ǎ, Sinyɔ́ɔ húzú to gbigba.

Jelemíi 21:4

Mawu Mavɔmavɔ, Mawu Izlayɛ́li tɔn ɖɔ: “Babilɔ́nu xɔ́sú ɔ́ kpó ahwanfuntɔ́ tɔn lɛ́ɛ kpó xá mi, bɔ mi ɖo ahwan fun xá yě wɛ. Amɔ̌, un na zín mɛ mitɔn e ɖo ahwan fun wɛ ɖo ahohó lɛ́ɛ nukɔn lɛ́ɛ jí, bɔ yě ná hɔn byɔ́ toxo ɔ́ mɛ.

Jelemíi 26:18

“Axɔ́sú Judáa tɔn Ezekiyási hwenu ɖo fí ɔ́, nya gbeyíɖɔ Mawu tɔn ɖé tíin, bɔ è nɔ ylɔ́ ɛ ɖɔ Micée; nya énɛ́ ɔ́ Mɔlɛcɛ́tinu wɛ. É ɖɔ nú Judáa togun ɔ́ bǐ ɖɔ: Mi ɖótó xó e Mawu Mavɔmavɔ Nǔbǐwúkpétɔ́ ɔ́ ɖɔ é, é ɖɔ: ‘Sinyɔ́ɔ ná húzú gle lilɛ, Jeluzalɛ́mu ná húzú dǒglin, bɔ gběhan ná cyɔ́n só é jí Mawu Mavɔmavɔ sín xwé ɔ́ ɖe é.’

Jelemíi 26:6

Ényí mi ma ɖótó yě ǎ ɔ́, un ná gba xwé élɔ́ lě e un gba éé ɖo Silóo é gbɔn é. Un ná bló bɔ akɔta e ɖo ayǐkúngban jí lɛ́ɛ é ɖěbǔ ja nu dó mɛɖé gbé ɔ́, é ná ɖɔ: Nǔ e gbo Jeluzalɛ́mu é wɛ ná gbo we.’ ”

Jelemíi 32:29

Babilɔ́nunu e ɖo ahwan tɔ́n ɛ wɛ lɛ́ɛ ná byɔ́ toxo ɔ́ mɛ, bó ná dó toxo ɔ́ zo; ɖo tají ɔ́, xwé e gbe è nɔ dó zǎlínkpɔ́n zo nú vodún Baalu ɖe, bó nɔ ba ahan nú nǔmɛsɛn lɛ́ɛ ɖe, bó ná dó dó xomɛsin nú mì ɖe lɛ́ɛ ɔ́, Babilɔ́nunu lɛ́ɛ na dó bǐ zo.

Jelemíi 39:8

Babilɔ́nunu lɛ́ɛ dó axɔ́sú ɔ́ sín xwé zo ɖo Jeluzalɛ́mu, bó dó xwé ɖě lɛ́ɛ zo; yě gba ahohó e è mɛ lɛ́ lɛ̌ dó Jeluzalɛ́mu lɛ́ɛ.

Jelemíi 4:26

Un kpɔ́n fí bǐ, bɔ to énɛ́ e nyí atínsínsɛ́n gbo ɔ́ húzú gbětótló. È gba toxo tɔn lɛ́ɛ bǐ. Mawu Mavɔmavɔ sín xomɛsin wɛ jlɛ́ nǔ mɔ̌.

Jelemíi 4:27

Xó e Mawu Mavɔmavɔ ɖɔ ɔ́ ɖíe: “To ɔ́ bǐ ná jɛ vɔ̌. Lo ɔ́, un ná gba nǔ e ɖo to ɔ́ mɛ lɛ́ɛ bǐ ǎ.

Jelemíi 50:28

Mi ɖótó mɛ e ɖo hinhɔn wɛ lɛ́ɛ, mi ɖótó mɛ e ɖo hinhɔn sín Babilɔ́nu wɛ lɛ́ɛ; yě ɖo ɖiɖɔ nú Sinyɔ́ɔnu lɛ́ɛ wɛ ɖɔ: “Mawu Mavɔmavɔ, Mawu mǐtɔn ba hlɔn nú mi, yě ɖu su nú xwé tɔn bɔ é ba hlɔn.”

Jelemíi 52:13

É dó Mawu Mavɔmavɔ xwé ɔ́ zo, bó dó hɔnmɛ ɔ́ kpó xwé e ɖo Jeluzalɛ́mu lɛ́ɛ bǐ kpó zo. Đo tají ɔ́, é dó gbɛtɔ́ nukúnɖéjí lɛ́ɛ sín xwé zo.

Gbɛvíhan 1:4

Ali e è nɔ gbɔn yi Sinyɔ́ɔ lɛ́ɛ ɖo aluwɛ mɛ, mɛɖé sɔ́ nɔ́ yi ɖu xwe ɖo Sinyɔ́ɔ ǎ. È sɔ́ nɔ́ mɔ mɛɖé ɖo tokplétɛn lɛ́ɛ ǎ. Vɔ̌sánú-xwlémawutɔ́ Sinyɔ́ɔ tɔn lɛ́ɛ ɖo gbɛvo sa wɛ. Đyɔ̌vǐ Sinyɔ́ɔ tɔn lɛ́ɛ ɖo lele mɛ. Sinyɔ́ɔ ɖésú ɖo akpɔ mɔ wɛ.

Gbɛvíhan 2:1

Áo! Aklúnɔ sin xomɛ. É sin xomɛ bó sɛ́ ablu gɔngɔn ɖé dó Sinyɔ́ɔ. É kpíkpé nǔ e mɛ Izlayɛ́li nɔ xɔ susu ɖe ɔ́ sín jǐxwé nyi dó kɔ́ mɛ; hwenu e Aklúnɔ sin xomɛ dó Sinyɔ́ɔ ɔ́, é sɔ́ flín ɖɔ afɔɖótɛn émítɔn wɛ é nyí ǎ.

Gbɛvíhan 2:5

Aklúnɔ wa nǔ xá mǐ kɛntɔ́ ɖɔhun. É gba Izlayɛ́li to ɔ́ bǐ hánnyá. É gba hɔnmɛ lɛ́ɛ bǐ hánnyá. É mu ahohó e ɖo Izlayɛ́li lɛ́ɛ. É dɔn aluwɛ kpódó awě kpó dó fí bǐ ɖo togun Judáa tɔn ɔ́ mɛ.

Ezekiyɛ́li 24:21

Izlayɛ́li ví lɛ́ɛ é ɖíe: ‘Nyɛ Aklúnɔ Mavɔmavɔ ɔ́, xwé ce e mi yí wǎn ná ganjí ɔ́, un ná jó dó bɔ è nǎ ɖu su ná; xwé énɛ́ wú wɛ mi ka nɔ ɖo gǔgó wɛ; mi mɔ xwé énɛ́ ɔ́, é nɔ́ víví nú mi; é wɛ nyí nǔ e mi ɖó nukún é. Vǐ mitɔn súnnu kpó nyɔ̌nu kpó e mi jó dó nyi Jeluzalɛ́mu lɛ́ɛ ɔ́, è nǎ hu bǐ.

Ezekiyɛ́li 7:24

Énɛ́ ɔ́ wú ɔ́, un ná sɛ́ togun e nɔ xo dǎka titewungbe lɛ́ɛ dó to ɔ́ mɛ, bɔ yě ná yǐ xwé yětɔn lɛ́ɛ. Un ná hu acɛ nú gǎnhúnǔtɔ́ énɛ́ lɛ́ɛ e nɔ́ ɖo afɔ tɛ ayǐ wɛ lɛ́ɛ, bɔ è nǎ ɖu sú nú vodún xwé yětɔn lɛ́ɛ.

Levíi ví 26:31

Un ná bló bɔ toxo mitɔn lɛ́ɛ ná jɛ vɔ̌. Un ná gba vodúnxɔ mitɔn lɛ́ɛ hánnyá, bó sɔ́ ná se vɔ̌ wǎnɖagbenɔ mitɔn lɛ́ɛ ɖě sín wǎn ǎ.

Levíi ví 26:44

É ɖo mɔ̌ có, hwenu e yě ná ɖo kɛntɔ́ yětɔn lɛ́ɛ sín tomɛ ɔ́, un ná jó yě dó ɖó mɔ̌ nu ǎ; un ná ɖe kɔ sín yě wú ǎ; un ná sú kún yětɔn dó ǎ; un ná gba akɔ e un jɛ xá yě ɔ́ ǎ, ɖó nyɛ wɛ nyí Mawu Mavɔmavɔ, Mawu yětɔn.

Amɔ́si 2:5

Un na dó Judáa to ɔ́ zo, bɔ zo ná ji hɔnmɛ e ɖo Jeluzalɛ́mu lɛ́ɛ.”

Micée 3:12

Đó midɛɛ lɛ́ɛ wú ɔ́, Sinyɔ́ɔ ná húzú gle e jí è na nɔ dó nǔ ɖe é, Jeluzalɛ́mu ná húzú zunkɔ́ta; lo ɔ́, fí e Sinsɛnxɔ Mawu tɔn e ɖo só jí ɔ́ ɖe ɔ́ bǐ ná húzú zungbó ɖó mi wú.

Matíe 24:2

Jezu ka ɖɔ nú yě ɖɔ: “Mi ma mɔ nǔ énɛ́ lɛ́ɛ bǐ a? Má ɖɔ nǔgbó nú mi: awǐnnya e è dǒ mɛ yě ná lɛ́ɛ ɔ́, ɖě sɔ́ ná wá nɔ ɖě jí ǎ; bǐ wɛ è nǎ mu.”