Gbɛvíhan 2:5 - MAWUXÓWÉMA

⁵ Aklúnɔ wa nǔ xá mǐ kɛntɔ́ ɖɔhun. É gba Izlayɛ́li to ɔ́ bǐ hánnyá. É gba hɔnmɛ lɛ́ɛ bǐ hánnyá. É mu ahohó e ɖo Izlayɛ́li lɛ́ɛ. É dɔn aluwɛ kpódó awě kpó dó fí bǐ ɖo togun Judáa tɔn ɔ́ mɛ.

Gbɛvíhan 2:5 Iomraidhean Croise

2 Axɔ́sú 25:9

É dó Mawu Mavɔmavɔ xwé ɔ́ zo, bó dó hɔnmɛ ɔ́ kpó xwé e ɖo Jeluzalɛ́mu lɛ́ɛ bǐ kpó zo. Đo tají ɔ́, é dó gbɛtɔ́ nukúnɖéjí lɛ́ɛ sín xwé zo.

Jɔ̌bu 13:24

Aniwú wɛ a ka ɖe alɔ sín kan ce mɛ? Étɛ́wú a ɖo nǔ jlɛ́ xá mì wɛ kɛntɔ́ towe wɛ un nyí ɖɔhun mɔ̌?

Jɔ̌bu 19:11

É sin xomɛ dó mì ɖésú, é sɔ́ mì dó ɖó kɛntɔ́.

Ɖɛhan 89:40

A gbɛ́ wǎn nú akɔ e a jɛ xá mɛsɛntɔ́ towe é; a sɔ́ axɔ́súgbákún tɔn xo kɔ́, a ɖu su nú axɔ́súgbákún tɔn.

Ɖɛhan 89:41

A ɖe ali dó ahohó tɔn lɛ́ɛ mɛ, a gba fí e é nɔ́ nɔ bɔ nǔɖé má nɔ́ sixú wa ɛ ǎ lɛ́ɛ.

Ezayíi 29:2

un ná dó ya nú we. Adǎn ná nɔ ɖo gbigbo we wɛ, bɔ a nǎ nɔ ɖo alě ná wɛ; un ná sɔ́ we dó húzú vɔ̌sákpe e jí è nɔ dó vɔ̌ zo ɖe é.

Ezayíi 63:10

Lo ɔ́, yě fɔ́n gǔ dó jǐ tɔn, yě dó awakanmɛ kú nú yɛmímɛ́ tɔn. Bɛ́ sín hwenɛ́nu ɔ́, é húzú kɛntɔ́ yětɔn, bó fun ahwan xá yě.

Jelemíi 15:1

Mawu Mavɔmavɔ ɖɔ nú mì ɖɔ: “Mɔyízi kpó Samuwɛ́li kpó ná bó wá sa vo nú mì dó togun élɔ́ tamɛ ɔ́, un ná húzú nǔ e un lin ná wá xá togun élɔ́ ɔ́ ǎ. Jelemíi, nya yě sín nukɔn ce, yě ní yi.

Jelemíi 21:4

Mawu Mavɔmavɔ, Mawu Izlayɛ́li tɔn ɖɔ: “Babilɔ́nu xɔ́sú ɔ́ kpó ahwanfuntɔ́ tɔn lɛ́ɛ kpó xá mi, bɔ mi ɖo ahwan fun xá yě wɛ. Amɔ̌, un na zín mɛ mitɔn e ɖo ahwan fun wɛ ɖo ahohó lɛ́ɛ nukɔn lɛ́ɛ jí, bɔ yě ná hɔn byɔ́ toxo ɔ́ mɛ.

Jelemíi 30:14

Mɛ e yí wǎn nú we ɖ'ayǐ lɛ́ɛ bǐ wɔn we; yě mɛ ɖěbǔ sɔ́ nɔ́ kpɔ́n jɛ towe jí ǎ, ɖó un xo we lě e kɛntɔ́ ná xo we gbɔn é; un dɔn tó nú we bɔ é vɛ́ ɖésú. Hwɛ tobutóbú e a hu lɛ́ɛ wú wɛ un ɖo nǔ énɛ́ lɛ́ɛ wa xá we wɛ. Lě e hwɛ towe lɛ́ɛ syɛ́n sɔ́ ɔ́ wú wɛ un ɖo nǔ énɛ́ lɛ́ɛ wa xá we wɛ.

Jelemíi 52:13

É dó Mawu Mavɔmavɔ xwé ɔ́ zo, bó dó hɔnmɛ ɔ́ kpó xwé e ɖo Jeluzalɛ́mu lɛ́ɛ bǐ kpó zo. Đo tají ɔ́, é dó gbɛtɔ́ nukúnɖéjí lɛ́ɛ sín xwé zo.

Gbɛvíhan 2:2

Aklúnɔ kú nǔbláwǔ nú togun tɔn ǎ; é gba nɔtɛn togun tɔn tɔn lɛ́ɛ bǐ. Hwenu e Aklúnɔ ɖo xomɛsin jí ɔ́, é gba toxo e è mɛ ahohó lɛ́ lɛ̌ dó ɖo Judáa lɛ́ɛ bǐ; é zin axɔ́súɖuto ɔ́ kpódó gǎn e ɖ'é mɛ lɛ́ɛ kpó dɛ́, é kɔ́n wi yětɔn.

Gbɛvíhan 2:4

É tlɔ́ gǎ tɔn kɛntɔ́ ɖɔhun, bó ɖo gbesisɔ mɛ bó ná da. É hu mɛ e sín nǔ nyɔ́ nukún mǐtɔn mɛ lɛ́ɛ bǐ, bó dó ɖe xlɛ́ ɖɔ kɛntɔ́ mǐtɔn wɛ émí nyí. É gba xomɛsin tɔn kɔn nyi Sinyɔ́ɔ toxo ɔ́ jí myɔ ɖɔhun.

Ezekiyɛ́li 2:10

Alɔ ɔ́ vlɔ́n wěma ɔ́ ɖo nukɔn ce bɔ è wlǎn vosisa, alěníná kpó azɔnwinwɛn kpó sín xó d'é jí gbɔn gǔdo nukɔn.

1 Samuwɛ́li 28:16

Ée é ɖɔ mɔ̌ ɔ́, Samuwɛ́li kanbyɔ́ ɛ ɖɔ: “Étɛ́wú a ka wá ɖo nǔ kanbyɔ́ nyɛ wɛ? Mawu Mavɔmavɔ ko jó we dó, bó húzú kɛntɔ́ towe.