Gbɛvíhan 2:4 - MAWUXÓWÉMA

⁴ É tlɔ́ gǎ tɔn kɛntɔ́ ɖɔhun, bó ɖo gbesisɔ mɛ bó ná da. É hu mɛ e sín nǔ nyɔ́ nukún mǐtɔn mɛ lɛ́ɛ bǐ, bó dó ɖe xlɛ́ ɖɔ kɛntɔ́ mǐtɔn wɛ émí nyí. É gba xomɛsin tɔn kɔn nyi Sinyɔ́ɔ toxo ɔ́ jí myɔ ɖɔhun.

Gbɛvíhan 2:4 Iomraidhean Croise

2 Tan 34:21

“Mi yi kan nǔ byɔ́ Mawu Mavɔmavɔ nú mì, bó kanbyɔ́ nú mɛ e kpo ɖo Izlayɛ́li kpó Judáa kpó lɛ́ɛ, dó xó e ɖo wěma élɔ́ e è mɔ ɔ́ mɛ é wú. Đó Mawu Mavɔmavɔ ɖo xomɛ sin jí ɖésú. É sin xomɛ dó mǐ, ɖó tɔ́gbó mǐtɔn lɛ́ɛ se tónú nú nǔ e è wlǎn dó wěma élɔ́ mɛ ɔ́ ǎ; yě ká bló ɖě ɖ'é jí ǎ.”

2 Tan 34:25

Đó yě jó mì dó, bó nɔ sá vɔ̌ nú nǔmɛsɛn ɖěvo lɛ́ɛ, bó ná dó sɔ́ nǔ e alɔ yětɔn bló lɛ́ɛ bǐ do dó xomɛsin nú mì. Énɛ́ ɔ́ wú wɛ un sin xomɛ dó toxo élɔ́, bó ɖo gbɔ ná se wɛ ǎ.

Jɔ̌bu 19:11

É sin xomɛ dó mì ɖésú, é sɔ́ mì dó ɖó kɛntɔ́.

Jɔ̌bu 6:4

Đó Nǔbǐwúkpétɔ́ ɔ́ sín aɖǐgá lɛ́ɛ ɖo lan ce mɛ, bɔ lǐndɔ̌n ce ɖo aɖǐ yětɔn nu wɛ. Nǔ e Mawu nɔ́ dó dó xɛsi gbɛtɔ́ ná lɛ́ɛ bǐ ɖo ahwan fun xá mì wɛ.

Ɖɛhan 37:14

Mɛ nyanya lɛ́ɛ nɔ́ sún hwǐ, yě nɔ́ tlɔ́ gǎ, bó ná hu gbɛ̌dónɔ kpó mɛ ma ɖó mɛɖé kpó, bó ná gbo gbe mɛ e ɖo ali jlɔ́jlɔ́ jí é.

Ɖɛhan 7:13

Ényí mɛdídá má húzú jijɔ ǎ ɔ́, é nɔ́ gan hwǐ tɔn, é nɔ́ tlɔ́ gǎ tɔn bó nɔ ɖo acéjí.

Ezayíi 42:25

Énɛ́ ɔ́ wú wɛ Mawu kɔn xomɛsin tɔn dó togun tɔn jí, bó kɔn adǎnú e è nɔ wa ɖo ahwangbénu ɔ́ dó jǐ tɔn. Xomɛsin Mawu tɔn bɔ myɔ lɛ́ lɛ̌ dó Izlayɛ́li bǐ. Ayi tɔn ka mɔ nǔ ǎ. Myɔ bǐ wɛ é ji có bo ká lin tamɛ kpɔ́n ǎ.

Ezayíi 63:10

Lo ɔ́, yě fɔ́n gǔ dó jǐ tɔn, yě dó awakanmɛ kú nú yɛmímɛ́ tɔn. Bɛ́ sín hwenɛ́nu ɔ́, é húzú kɛntɔ́ yětɔn, bó fun ahwan xá yě.

Ezayíi 63:6

Un ɖo xomɛsin jí bó gbídí togun lɛ́ɛ ɖó afɔ wú; adǎn e jí un ɖe ɔ́ mú yě ahan ɖɔhun; un kɔn kanjɔ yětɔn kɔn nyi ayǐ.”

Jelemíi 10:20

Goxɔ ce vún, kan e hɛn goxɔ ce ɖó te lɛ́ɛ wɛ́n, vǐ ce lɛ́ɛ jó mì dó, yě sɔ́ ɖe ǎ. Un sɔ́ ɖó mɛɖé bɔ é ná gbá goxɔ ɖěvo nú mì, bó sɔ́ xwé ce sí te ǎ.”

Jelemíi 21:12

Axɔ́sú Davídi ví e mi! Ayǐ hɔ́n lě tlóló hǔn, mi nɔ jɛ hwɛjijɔ dó jí. Mi hwlɛ́n mɛ e dó ya ná wɛ è ɖe é gán ɖo mɛ e ɖo ya dó n'i wɛ é lɔ mɛ. É má nyí mɔ̌ ǎ ɔ́, xomɛsin ce ná xɔ myɔ ɖɔhun, bɔ cící tɔn ná gló, ɖó nǔ e dó sin wɛ mi ɖe lɛ́ɛ wútu.

Jelemíi 21:5

Énɛ́ ɔ́, nyɛ ɖésúnɔ ná zé hlɔ̌nhlɔ́n ce e nukɔn nǔɖé má nɔ́ nɔ te ɖe ǎ ɔ́ dó fun ahwan xá mi, kpó adǎn kpó, kpó xomɛsin ɖaxó kpó.

Jelemíi 30:14

Mɛ e yí wǎn nú we ɖ'ayǐ lɛ́ɛ bǐ wɔn we; yě mɛ ɖěbǔ sɔ́ nɔ́ kpɔ́n jɛ towe jí ǎ, ɖó un xo we lě e kɛntɔ́ ná xo we gbɔn é; un dɔn tó nú we bɔ é vɛ́ ɖésú. Hwɛ tobutóbú e a hu lɛ́ɛ wú wɛ un ɖo nǔ énɛ́ lɛ́ɛ wa xá we wɛ. Lě e hwɛ towe lɛ́ɛ syɛ́n sɔ́ ɔ́ wú wɛ un ɖo nǔ énɛ́ lɛ́ɛ wa xá we wɛ.

Jelemíi 36:7

Vlafo, yě sixú sa vo nú Mawu Mavɔmavɔ bɔ é ná se, bɔ mɛ ɖokpó ɖokpó ná jó gbɛ nyanya e zán wɛ é ɖe ɔ́ dó. Đó xomɛsin e jí Mawu Mavɔmavɔ ɖe ɔ́ syɛ́n ɖésú; adǎn yětɔn e gblɔ́n wɛ é ɖe ɔ́ vɛ́ jlɛ́.”

Jelemíi 4:4

Judáanu e mi! Jeluzalɛ́munu e mi! Mi ko gbo ada, amɔ̌, ada e mi gbo ɔ́ ní wa azɔ̌ ɖo ayi mitɔn lɔ wú, bónú mi jó gbɛ mitɔn bǐ dó nú mì. É má nyi mɔ̌ ǎ ɔ́, xomɛsin ce táá wá xɔ myɔ ɖɔhun. É ná xɔ myɔ ɖɔhun bɔ cící ná gló, ɖó lě e dǎka e mi xo lɛ́ɛ syɛ́n sɔ é wú.”

Jelemíi 42:18

Jelemíi lɛ́ vɔ́ ɖɔ: “Mawu Mavɔmavɔ Nǔbǐwúkpétɔ́, Mawu Izlayɛ́li tɔn ɖɔ: ‘Ényí mi yi Ejípu ɔ́, lě e un ɖe xomɛsin ce kpó adǎn ce kpó xlɛ́ Jeluzalɛ́munu lɛ́ɛ gbɔn ɔ́, wɛ un ná ɖe xlɛ́ mi lɔmɔ̌. Bɔ è ja nu dó mɛ ɖé gbé ɔ́, è ja nǔ baɖabaɖa ɖé sín xó ɖɔ gbé ɔ́, è ja hɛ̌nnú ɖé abǐ winnyánú ɖé sín xó ɖɔ gbé ɔ́, mi wú wɛ è nǎ nɔ́ jlɛ́ dó. Mi ka sɔ́ ná mɔ to élɔ́ ɖó nukún wú gbeɖé ǎ.’ ”

Jelemíi 7:20

Énɛ́ ɔ́ wú wɛ nyɛ Aklúnɔ Mavɔmavɔ ɖɔ: “Xomɛsin ce ná jɛ te dó toxo élɔ́ jí bó ná syɛ́n ɖésú: alɔ ce na jɛ gbɛtɔ́ kpó kanlin kpó, atín kpó nǔ e ayǐkúngban nɔ na lɛ́ɛ kpó bǐ wú. Xomɛsin ce ná cí zo e ma nɔ cí gbeɖé ǎ ɔ́ ɖɔhun.”

Gbɛvíhan 1:13

É sɛ́ myɔ ɖé dó lan ce mɛ sín jǐxwé; myɔ ɔ́ byɔ́ lan ce mɛ káká bó yi mɔ xú ce. É ɖó mɔ dó afɔ ce lɛ́ɛ glɔ́, bó zin mì dɛ́, bɔ un jɛ wɛn. É ɖe mì sín mɛ mɛ bǐ gbídígbídí, bɔ un ɖo azɔn tɔn jɛ wɛ tɛgbɛ.

Gbɛvíhan 2:5

Aklúnɔ wa nǔ xá mǐ kɛntɔ́ ɖɔhun. É gba Izlayɛ́li to ɔ́ bǐ hánnyá. É gba hɔnmɛ lɛ́ɛ bǐ hánnyá. É mu ahohó e ɖo Izlayɛ́li lɛ́ɛ. É dɔn aluwɛ kpódó awě kpó dó fí bǐ ɖo togun Judáa tɔn ɔ́ mɛ.

Gbɛvíhan 3:3

Nyɛ ɖokpónɔ géé wɛ é fɔ́n bó ɖo nǔ wa xá wɛ ayǐhɔ́ngbe ayǐhɔ́ngbe.

Gbɛvíhan 4:1

Áo! Siká ɔ́ kú awi! Gan ɖagbe ɖagbe ɔ́ sɔ́ nɔ́ kɔ́n ǎ. Awǐnnya e è fɔ ɖó vo nú Mawu lɛ́ɛ fúnfún gbɔn alitó alitó.

Gbɛvíhan 4:11

Xomɛsin e jí Mawu Mavɔmavɔ ɖe ɔ́, é zé dó wa nǔ xá togun ɔ́ bɔ é jɛ mɛ n'i; é flɔ́ myɔ ɖaxó ɖokpó ɖó Sinyɔ́ɔ, bɔ toxo ɔ́ ji zo káká bɔ dodó tɔn lɛ́ɛ fyɔ́.

Ezekiyɛ́li 13:13

Nǔ e ɖɔ nú mi wɛ nyɛ Aklúnɔ Mavɔmavɔ ɖe ɔ́ ɖíe: Un ɖo xomɛsin jí; un ná sɛ́ jɔhɔn ɖaxó ɖé dó, un ná sɛ́ jǐ ɖaxó ɖé dó. Kɛ́njí ná ja kpó hlɔ̌nhlɔ́n kpó, bó ná hɛn nǔ bǐ gblé.

Ezekiyɛ́li 20:34

Mɔ̌ ɖokpó ɔ́, un ná sɔ́ acɛkpikpa kpó hlɔ̌nhlɔ́n kpó adǎn kpó dó kplé mi sín to ɖěvo ɖěvo e mɛ mi gba kpé gbɔn lɛ́ɛ.

Ezekiyɛ́li 22:22

Mi ná cí kpatágan e ɖo sínsín sínsín wɛ ɖo myɔ mɛ é ɖɔhun, ɖo Jeluzalɛ́mu toxo ɔ́ mɛ. Énɛ́ ɔ́, mi ná tunwun ɖɔ nyɛ Mawu Mavɔmavɔ wɛ ɖo xomɛsin ce ɖe xlɛ́ mi wɛ.”

Ezekiyɛ́li 24:25

Mawu lɛ́ ɖɔ nú mì ɖɔ: “Hwɛ gbɛtɔ́ e, hwɛ ɔ́, ɖǒtó mì: é ná wá su gbe ɖokpó, bɔ un ná yí sinsɛnxɔ e nyí bibɛtɛn yětɔn ɔ́ sín yě sí; un ná yí nǔ e ɖo xomɛhunhun dó nú yě wɛ ɔ́ sín yě sí; un ná yí fí e wú yě ɖo afɔ tɛ ayǐ wɛ, bó ɖo nukún ɖó nǔ wɛ ɔ́ sín yě sí. Un ná lɛ́ yí vǐ yětɔn súnnu kpó nyɔ̌nu kpó sín yě sí.

Ezekiyɛ́li 36:18

Énɛ́ ɔ́, un ɖe xomɛsin ce xlɛ́ yě ɖó mɛ e yě hu ɖo to ɔ́ mɛ lɛ́ɛ kpó vodún e yě lí, bó dó hɛn to ɔ́ blí é kpó wú.

Ezekiyɛ́li 5:13

Nǔɖé ná hɛn xomɛsin ce ɖó te ǎ; fí e é vɛ́ nú mì yi jɛ ɔ́ jɛ́n un ná wa nǔ yi fó ɖó; un ná ɖe hlɔnbiba ce xlɛ́ mi. Hwenɛ́nu ɔ́, mi mɛ bǐ ná mɔ ɖɔ nyɛ Mawu Mavɔmavɔ wɛ ɖɔ xó nú mi, ɖó agɔ e jɛ wɛ mi ɖe lɛ́ɛ wá hú gǎn.

Ezekiyɛ́li 6:12

Jɛmɛjí ná hu mɛ e ɖo zɔ lɛ́ɛ, ahwan ná hu mɛ e ɖo tó fí lɛ́ɛ, adɔ ná hu mɛ e ná gán ɖo nǔ énɛ́ lɛ́ɛ mɛ lɛ́ɛ. Nǔɖé ná hɛn xomɛsin ce ɖó te ǎ.

Ezekiyɛ́li 7:14

Mi ná ɖo ahwankpɛn kún wɛ kpowun, bó ɖɔ é yá, ahwan ɔ́ yá; mi ka ná mɔ mɛ ɖokpó tɔ́n bó yi ahwan fun gbé ǎ, ɖó xomɛsin ce ná jɛ te dó togun ɔ́ bǐ jí.”

Levíi ví 26:17

Un ná húzú kpan nukɔn mi, bɔ kɛntɔ́ mitɔn lɛ́ɛ ná ɖu ɖo mi jí. Mɛ e gbɛ́ wǎn nú mi lɛ́ɛ ná kpa acɛ nú mi, bɔ mɛ ɖěbǔ ná bó ma ɖo nyinya mi wɛ ǎ ɔ́, mi ná nɔ́ ɖo hinhɔn wɛ.

Naxúmu 1:2

Mawu Mavɔmavɔ ɔ́, Mawu wɛ é nyí; é nɔ́ ba gbeɖé ɖɔ è nǐ sɛn nǔ ɖěvo zɛ émí ɖokpónɔ wú ǎ. É nɔ ba hlɔn. Mawu Mavɔmavɔ nɔ ba hlɔn; xomɛsin tɔn syɛ́n. Mawu Mavɔmavɔ nɔ ba hlɔn kɛntɔ́ tɔn lɛ́ɛ wú, é nɔ́ wɔn nǔ nyanya e yě nɔ́ wa lɛ́ɛ é ǎ.

Naxúmu 1:6

Mɛ̌ ká sixú nɔ te ɖo adǎn e jí Mawu Mavɔmavɔ ɖe ɔ́ nukɔn? Mɛ̌ ká sixú gán ɖo xomɛsin tɔn nukɔn? Xomɛsin tɔn nɔ gba kpé myɔ ɖɔhun, bɔ só lɛ́ɛ nɔ gba hánnyá ɖo nukɔn tɔn.

Sɛ́nflínmɛ 32:22

Un sin xomɛ nǔgbó: Xomɛsin ce cí zo ɖɔhun. É fyɔ́ nǔ káká yi kútomɛ, ɖo do gɔngɔn mɛ; é fyɔ́ jinukún e ɖo ayǐkúngban jí é bǐ. É fyɔ́ nǔ káká yi sózan jí.

1 Samuwɛ́li 28:16

Ée é ɖɔ mɔ̌ ɔ́, Samuwɛ́li kanbyɔ́ ɛ ɖɔ: “Étɛ́wú a ka wá ɖo nǔ kanbyɔ́ nyɛ wɛ? Mawu Mavɔmavɔ ko jó we dó, bó húzú kɛntɔ́ towe.