Gbɛvíhan 2:3 - MAWUXÓWÉMA

³ Hwenu e Aklúnɔ ɖo xomɛsin ɖaxó énɛ́ jí ɔ́, é hɛn nǔ e wú Izlayɛ́li nɔ ɖo afɔ tɛ ayǐ wɛ lɛ́ɛ bǐ gblé. Hwenu e kɛntɔ́ ɔ́ wá ɔ́, Aklúnɔ gbɛ́ ɖɔ émí kún ná dó alɔ togun émítɔn ó. É nyɔ́ wa ɔ́, myɔ ɖaxó ɖé wɛ é flɔ́ ɖo togun tɔn tɛ́ntin, bó fyɔ́ nǔ e gbɔn fínɛ́ é bǐ.

Gbɛvíhan 2:3 Iomraidhean Croise

2 Tan 34:25

Đó yě jó mì dó, bó nɔ sá vɔ̌ nú nǔmɛsɛn ɖěvo lɛ́ɛ, bó ná dó sɔ́ nǔ e alɔ yětɔn bló lɛ́ɛ bǐ do dó xomɛsin nú mì. Énɛ́ ɔ́ wú wɛ un sin xomɛ dó toxo élɔ́, bó ɖo gbɔ ná se wɛ ǎ.

Jɔ̌bu 16:15

Nǔwamɛvɔ mɛ jɛ́n un nɔ ɖe, un gbɔ bo jó gbe.

Ɖɛhan 132:17

Un ná sɔ́ axɔ́sú syɛ́nsyɛ́n ɖokpó ɖo fí ɖo Davídi ví lɛ́ɛ mɛ ɖó zinkpo tɔn jí. Un ná hɛn axɔ́sú e un sɔ́ ɔ́ ɖó te ɖo zinkpo tɔn jí zogbɛ́n ɖo te ɖɔhun.

Ɖɛhan 74:11

Étɛ́wú a ka ɖe alɔ towe sín mǐ wǔ, ɖisí lɔ towe sín mǐ wǔ? Ma blá alɔ dó wǔ ó, hu yě.

Ɖɛhan 75:10

Nyɛ ɔ́, un ná nɔ́ ɖo Mawu Jakɔ́bu tɔn xó ɖɔ wɛ káká sɔ́yi káká sá. Un ná nɔ́ ɖɔ xó lómílómí dó han mɛ dó mlá nyǐkɔ tɔn.

Ɖɛhan 75:5

“Un nɔ ɖɔ nú mɛ e nɔ ɖo yěɖée sɔ́ su wɛ lɛ́ɛ ɖɔ: Mi ma nɔ sɔ́ miɖée su ó.” Bó nɔ́ ɖɔ nú mɛdídá lɛ́ɛ ɖɔ: “Mi ma nɔ zé miɖée d'aga ó.

Ɖɛhan 79:5

Mawu Mavɔmavɔ, xomɛ e sin dó mǐ wɛ a ɖe ɔ́, hwetɛ́nu wɛ a nǎ jǒ dó dó? Xomɛsin towe e ɖo nǔ fyɔ́ wɛ myɔ ɖɔhun ɔ́, hwetɛ́nu wɛ a nǎ jǒ dó dó?

Ɖɛhan 89:24

Un ná já mɛ e ma ɖo jǐ tɔn ǎ lɛ́ɛ ɖo nukɔn tɔn, un ná hu mɛ e gbɛ́ wǎn n'i lɛ́ɛ.

Ɖɛhan 89:46

A ɖe xwe nabí e é ná dó nɔ dɔ̌nkpɛ mɛ ná é kpo; a dǒ winnyá ɛ. Agbɔ̌n

Ezayíi 1:31

Súnnu glegbenu ná cí nǔywɛ́ ɖɔhun, bɔ nǔwiwa tɔn ná cí myɔkán ɖɔhun, bó ná dó nǔywɛ́ ɔ́ zo, bɔ yě mɛ we lɛ́ɛ bǐ ná ji bɔ mɛ e ná cí é ná ɖe ǎ.

Ezayíi 42:25

Énɛ́ ɔ́ wú wɛ Mawu kɔn xomɛsin tɔn dó togun tɔn jí, bó kɔn adǎnú e è nɔ wa ɖo ahwangbénu ɔ́ dó jǐ tɔn. Xomɛsin Mawu tɔn bɔ myɔ lɛ́ lɛ̌ dó Izlayɛ́li bǐ. Ayi tɔn ka mɔ nǔ ǎ. Myɔ bǐ wɛ é ji có bo ká lin tamɛ kpɔ́n ǎ.

Jelemíi 21:14

Nyɛ Mawu Mavɔmavɔ ɔ́, un ná dɔn tó nú mi bɔ é ná sɔgbe xá nǔ e mi dó sin é. Un ná dó zungbó mitɔn zo, bɔ nǔ e lɛ́ lɛ̌ dó mi ɔ́ bǐ ná ji. Xó e nyɛ Mawu Mavɔmavɔ ɖɔ ɔ́ nɛ́.”

Jelemíi 4:4

Judáanu e mi! Jeluzalɛ́munu e mi! Mi ko gbo ada, amɔ̌, ada e mi gbo ɔ́ ní wa azɔ̌ ɖo ayi mitɔn lɔ wú, bónú mi jó gbɛ mitɔn bǐ dó nú mì. É má nyi mɔ̌ ǎ ɔ́, xomɛsin ce táá wá xɔ myɔ ɖɔhun. É ná xɔ myɔ ɖɔhun bɔ cící ná gló, ɖó lě e dǎka e mi xo lɛ́ɛ syɛ́n sɔ é wú.”

Jelemíi 48:25

“Mɔwabu vɔ da, acɛ tɔn vɔ bǐ.” Xó e Mawu Mavɔmavɔ ɖɔ ɔ́ nɛ́.

Jelemíi 7:20

Énɛ́ ɔ́ wú wɛ nyɛ Aklúnɔ Mavɔmavɔ ɖɔ: “Xomɛsin ce ná jɛ te dó toxo élɔ́ jí bó ná syɛ́n ɖésú: alɔ ce na jɛ gbɛtɔ́ kpó kanlin kpó, atín kpó nǔ e ayǐkúngban nɔ na lɛ́ɛ kpó bǐ wú. Xomɛsin ce ná cí zo e ma nɔ cí gbeɖé ǎ ɔ́ ɖɔhun.”

Gbɛvíhan 1:13

É sɛ́ myɔ ɖé dó lan ce mɛ sín jǐxwé; myɔ ɔ́ byɔ́ lan ce mɛ káká bó yi mɔ xú ce. É ɖó mɔ dó afɔ ce lɛ́ɛ glɔ́, bó zin mì dɛ́, bɔ un jɛ wɛn. É ɖe mì sín mɛ mɛ bǐ gbídígbídí, bɔ un ɖo azɔn tɔn jɛ wɛ tɛgbɛ.

Gbɛvíhan 4:11

Xomɛsin e jí Mawu Mavɔmavɔ ɖe ɔ́, é zé dó wa nǔ xá togun ɔ́ bɔ é jɛ mɛ n'i; é flɔ́ myɔ ɖaxó ɖokpó ɖó Sinyɔ́ɔ, bɔ toxo ɔ́ ji zo káká bɔ dodó tɔn lɛ́ɛ fyɔ́.

Ezekiyɛ́li 13:13

Nǔ e ɖɔ nú mi wɛ nyɛ Aklúnɔ Mavɔmavɔ ɖe ɔ́ ɖíe: Un ɖo xomɛsin jí; un ná sɛ́ jɔhɔn ɖaxó ɖé dó, un ná sɛ́ jǐ ɖaxó ɖé dó. Kɛ́njí ná ja kpó hlɔ̌nhlɔ́n kpó, bó ná hɛn nǔ bǐ gblé.

Ezekiyɛ́li 7:14

Mi ná ɖo ahwankpɛn kún wɛ kpowun, bó ɖɔ é yá, ahwan ɔ́ yá; mi ka ná mɔ mɛ ɖokpó tɔ́n bó yi ahwan fun gbé ǎ, ɖó xomɛsin ce ná jɛ te dó togun ɔ́ bǐ jí.”

Naxúmu 1:6

Mɛ̌ ká sixú nɔ te ɖo adǎn e jí Mawu Mavɔmavɔ ɖe ɔ́ nukɔn? Mɛ̌ ká sixú gán ɖo xomɛsin tɔn nukɔn? Xomɛsin tɔn nɔ gba kpé myɔ ɖɔhun, bɔ só lɛ́ɛ nɔ gba hánnyá ɖo nukɔn tɔn.

Luki 1:69

É sɛ́ Mɛhwlɛ́ngántɔ́ hlɔ̌nhlɔ́nnɔ ɖé dó mǐ. Mɛhwlɛ́ngántɔ́ énɛ́ jɔ ɖo mɛsɛntɔ́ tɔn axɔ́sú Davídi hɛ́nnu mɛ.

Luki 3:17

É hɛn atɛ tɔn alɔ mɛ, bó ná fún jinukún tɔn. É ná bɛ́ jinukún ɔ́ dó kɔ́zún mɛ; wɔn lɛ́ɛ ɔ́, é ná bɛ́ yě kɔn nyi zo e ma nɔ cí gbeɖé ǎ é mɛ.”

Sɛ́nflínmɛ 32:22

Un sin xomɛ nǔgbó: Xomɛsin ce cí zo ɖɔhun. É fyɔ́ nǔ káká yi kútomɛ, ɖo do gɔngɔn mɛ; é fyɔ́ jinukún e ɖo ayǐkúngban jí é bǐ. É fyɔ́ nǔ káká yi sózan jí.