Gbɛvíhan 2:22 - MAWUXÓWÉMA

²² A da kɛntɔ́ ce lɛ́ɛ sín fí bǐ agɔ̌ wɛ a ylɔ̌ ɖɔhun. Mawu Mavɔmavɔ, gbe e gbe a ɖo xomɛ sin wɛ ɔ́, mɛɖé hwe ɖ'é mɛ ǎ, mɛɖé ká gán ɖ'é mɛ ǎ, vǐ e un wlíbo ná lɛ́ɛ ɔ́, kɛntɔ́ sú kún yětɔn dó.

Gbɛvíhan 2:22 Iomraidhean Croise

2 Tan 36:17

Ée Mawu Mavɔmavɔ sin xomɛ mɔ̌ ɔ́, é sɛ́ Babilɔ́nu xɔ́sú ɔ́ dó to ɔ́ mɛ bó jó nǔ e ɖo to ɔ́ mɛ lɛ́ɛ bǐ n'i. Axɔ́sú ɔ́ hu sɔ́ja lɛ́ɛ káká yi Mawu Mavɔmavɔ xwé ɔ́ gbe; é jó dɔ̌nkpɛvú dó ǎ, é jó ɖyɔ̌vǐ dó ǎ, é jó mɛxó dó ǎ, é jó degénɔ dó ǎ; mɛ bǐ wɛ é hu.

Ɖɛhan 31:13

Mɛ ɖé sɔ́ nɔ́ flín mì ǎ; mɛ bǐ ɖe ayi sín jǐ ce mɛ e ko kú é ɖɔhun, un sɔ́ nyí nǔɖéwanú nú yě ǎ.

Ezayíi 28:19

Nǔ baɖabaɖa ɔ́ dín hweɖěbǔnu, bónú mɛ lɛ́ɛ mɔ nǔ jɛ nǔ e ɖe xlɛ́ wɛ é ɖe ɔ́ mɛ ɔ́, ahwi ná xo yě; é sixú nyí zǎnzǎn, é sixú nyí kéze, é ka sixú nyí zǎn mɛ; è ɖɔ xó tɔn bɔ è se yǎyá ɔ́, hǔn mɛtɔn ná nɔ́ zɛ.

Jelemíi 11:11

“Énɛ́ ɔ́ wú wɛ Mawu Mavɔmavɔ ɖɔ: ‘Un na dó nǔ sin xá yě, bɔ yě ná sixú ɖe ta sín mɛ ǎ. Yě ná sú xó ylɔ́ mì, un ka ná se xó yětɔn ǎ.

Jelemíi 14:19

Judáa togun ɔ́ ɖɔ: “Mawu, a jǒ mǐ dó bǐ wɛ a? Wǎn wɛ a gbɛ́ nú Sinyɔ́ɔ ɔ́ din a? Étɛ́wú a ka gblé wǔ mǐ, bɔ akpa jɔmakú jɛ mǐ wǔ lě? Ayi j'ayǐ ɖó nukún wɛ mǐ ɖe, nǔ ɖagbe ɖě ká ɖo wǐwá wɛ ǎ. Azɔn mǐtɔn ní gbɔ ɖó nukún wɛ mǐ ɖe, awě kɛ́ɖɛ́ wɛ ká ɖo mǐ xo wɛ.

Jelemíi 20:3

Ayǐhɔ́ngbe tɔn ɔ́, Pacehúu tún Jelemíi, bɔ Jelemíi ɖɔ n'i ɖɔ: “Pacehúu wɛ nyí nyǐkɔ e Mawu Mavɔmavɔ ná we é ǎ, ‘Xɛsiɖofíbǐ’ wɛ nyǐkɔ towe nyí.

Jelemíi 21:7

Énɛ́ ɔ́ gúdo ɔ́, un ná jó Sedesíyasi Judáa xɔ́sú ɔ́, un ná jó gǎn hɔn-yitɔ́ tɔn lɛ́ɛ, un ná jó togun tɔn bǐ, mɛ e ná gán ɖo jɛmɛjí sí lɛ́ɛ, mɛ e ná gán ɖo ahwan sí lɛ́ɛ kpó mɛ e ná gán ɖo adɔ sí lɛ́ɛ kpó ɔ́, un ná jó yě bǐ nú Nabukodonɔzɔ́ɔ Babilɔ́nu xɔ́sú ɔ́; un ná jó yě nú kɛntɔ́ yětɔn, mɛ e jló ná hu yě lɛ́ɛ. Un ná jó yě, bɔ Nabukodonɔzɔ́ɔ ná hu yě bǐ tɛ́; é ná jó mɛ ɖokpó dó ǎ. É ká ná lɛ́n nǔɖé kpɔ́n ǎ, mɛɖé nǔ ná blá wǔ n'i ǎ. Xó e nyɛ Mawu Mavɔmavɔ ɖɔ ɔ́ nɛ́.”

Jelemíi 44:7

Jelemíi lɛ́ ɖɔ: “Din ɔ́, Mawu Mavɔmavɔ Nǔbǐwúkpétɔ́, Mawu Izlayɛ́li tɔn ɖo nǔ élɔ́ lɛ́ɛ kanbyɔ́ mi wɛ: ‘Étɛ́wú mi ka ɖo nǔ wa dó miɖée wú wɛ sɔ́ mɔ̌? Mi jló ná sú Judáa ví súnnu, nyɔ̌nu, dɔ̌nkpɛvú kpó yɔkpɔ́vú kpó sín kún dó wɛ a? Mi jló nú donu mitɔn ɖě ná kpo ǎ wɛ a?

Jelemíi 46:5

Mawu Mavɔmavɔ ka ɖɔ: “Étɛ́ ka ɖo jijɛ wɛ? Étɛ́ ɖíe mɔ wɛ un ka ɖe e? Xɛsi jɛ yě jí, yě dó gbló mɛ. É kpa ahwanfuntɔ́ syɛ́nsyɛ́n yětɔn lɛ́ɛ ɖěbǔ ǎ. A ma ná yi ǎ hǔn ago ma yi wɛ, mɛ ɖěbǔ sɔ́ nɔ́ lɛ́ kɔ kpɔ́n gǔdo ǎ. Xɛsi ɖo fí bǐ.

Jelemíi 6:25

Sinyɔ́ɔnu e mi, mi ma yi gle mɛ ó, mi ma jɛ ali ó, ɖó kɛntɔ́ gan hwǐ, bó ɖo te. Xɛsi ɖo fí bǐ.”

Sɛ́nflínmɛ 28:18

É ná dó nu vǐ e ná tɔ́n sín xo mitɔn mɛ lɛ́ɛ, bó dó nu nǔkún e ná nyɔ́ ɖo ayǐkúngban mitɔn jí lɛ́ɛ, bó dó nu nyibú mitɔn asi lɛ́ɛ, bó dó nu gbɔ̌ mitɔn asi lɛ́ɛ.