Gbɛvíhan 2:20 - MAWUXÓWÉMA

²⁰ Mawu Mavɔmavɔ! Hwi ɖésú bo kpɔ́n, mɛ̌ e mɛ̌ e wa nǔ xá wɛ a ka ɖe gbɔn mɔ̌? Nyɔ̌nu lɛ́ɛ nɔ́ ɖu vǐ e yě ɖésúnɔ ji bó wlíbo ná é sín lan; è nɔ hun káká yi hu vɔ̌sánú-xwlémawutɔ́ abǐ gbeyíɖɔ ɖo xwé towe gbe. Nǔ ná nɔ mɔ̌ a?

Gbɛvíhan 2:20 Iomraidhean Croise

2 Tan 36:17

Ée Mawu Mavɔmavɔ sin xomɛ mɔ̌ ɔ́, é sɛ́ Babilɔ́nu xɔ́sú ɔ́ dó to ɔ́ mɛ bó jó nǔ e ɖo to ɔ́ mɛ lɛ́ɛ bǐ n'i. Axɔ́sú ɔ́ hu sɔ́ja lɛ́ɛ káká yi Mawu Mavɔmavɔ xwé ɔ́ gbe; é jó dɔ̌nkpɛvú dó ǎ, é jó ɖyɔ̌vǐ dó ǎ, é jó mɛxó dó ǎ, é jó degénɔ dó ǎ; mɛ bǐ wɛ é hu.

Ɖɛhan 78:64

È hu vɔ̌sánú-xwlémawutɔ́ lɛ́ɛ, asúkúsi yětɔn lɛ́ɛ ka ya avǐ ǎ.

Tíntɔ́n 32:11

Mɔyízi ka sa vo nú Mawu Mavɔmavɔ, Mawu tɔn ɖɔ ní fá xomɛ; é ɖɔ n'i ɖɔ: “Mawu Mavɔmavɔ, aniwú wɛ a nǎ zé xomɛsin towe dó wa nǔ xá togun towe e a zǎn hlɔ̌nhlɔ́n towe, lobo zán nǔwúkpíkpé towe dó ɖe e tɔ́n sín Ejípu ɔ́?

Ezayíi 22:2

Étɛ́wú axi ɖo jijɛ wɛ mɔ̌? Étɛ́wú a ɖo xó sú wɛ mɔ̌? Étɛ́wú a ɖo agbojlaka ɖú wɛ mɔ̌? Mɛ towe e kú lɛ́ɛ ɔ́, é nyí ahwan wɛ hu yě ǎ, ahwangbénu wɛ yě kú ɖe ǎ.

Jelemíi 19:9

Kɛntɔ́ e ɖo kú yětɔn ba wɛ lɛ́ɛ ná xá toxo yětɔn bó ná tɔ́n ahwan yě. Ya ná blá ta nú mɛ e ɖo toxo ɔ́ mɛ lɛ́ɛ, káká bɔ yě ná nɔ ɖu vǐ yě ɖésúnɔ tɔn lɛ́ɛ, bó ná nɔ́ vún nɔzo yětɔn lɛ́ɛ ɖu.

Jelemíi 21:7

Énɛ́ ɔ́ gúdo ɔ́, un ná jó Sedesíyasi Judáa xɔ́sú ɔ́, un ná jó gǎn hɔn-yitɔ́ tɔn lɛ́ɛ, un ná jó togun tɔn bǐ, mɛ e ná gán ɖo jɛmɛjí sí lɛ́ɛ, mɛ e ná gán ɖo ahwan sí lɛ́ɛ kpó mɛ e ná gán ɖo adɔ sí lɛ́ɛ kpó ɔ́, un ná jó yě bǐ nú Nabukodonɔzɔ́ɔ Babilɔ́nu xɔ́sú ɔ́; un ná jó yě nú kɛntɔ́ yětɔn, mɛ e jló ná hu yě lɛ́ɛ. Un ná jó yě, bɔ Nabukodonɔzɔ́ɔ ná hu yě bǐ tɛ́; é ná jó mɛ ɖokpó dó ǎ. É ká ná lɛ́n nǔɖé kpɔ́n ǎ, mɛɖé nǔ ná blá wǔ n'i ǎ. Xó e nyɛ Mawu Mavɔmavɔ ɖɔ ɔ́ nɛ́.”

Jelemíi 5:31

Gbeyíɖɔ lɛ́ɛ nɔ ɖó adingban, vɔ̌sánú-xwlémawutɔ́ lɛ́ɛ ɔ́, ɖuɖu jɛ́n yě nɔ́ ba ɖo nǔ bǐ mɛ. Bɔ nǔ énɛ́ lɛ́ɛ ká nyɔ́ togun ce nukún mɛ. Mi ka zán gbɛ mɔ̌ káká yi fó ɔ́, nɛ̌ mi ná wa nǔ gbɔn?”

Gbɛvíhan 1:19

Un ylɔ́ mɛ e yí wǎn nú mì ɖ'ayǐ lɛ́ɛ, có yě jó mì dó bɔ un j'ayǐ; vɔ̌sánú-xwlémawutɔ́ lɛ́ɛ kpódó gǎn lɛ́ɛ kpó ɖo nǔ e yě ná ɖu bó ná mɔ hlɔ̌nhlɔ́n ɔ́ ba wɛ, káká bó kú ɖo toxo ɔ́ mɛ.

Gbɛvíhan 4:10

Nyɔ̌nu ɖé lɛ́ɛ tíin, bɔ é sɔ́n nǔ e ɖo togun ce gbo wɛ ɔ́ wú, bɔ yě nɔ́ ɖa vǐ e yě ɖésúnɔ ji sín xomɛ lɛ́ɛ ɖu; có yě ká yí wǎn nú vǐ yětɔn lɛ́ɛ ganjí.

Gbɛvíhan 4:13

Hwɛ e gbeyíɖɔ lɛ́ɛ hu lɛ́ɛ wɛ zɔ́n bɔ nǔ baɖabaɖa énɛ́ ɔ́ jɛ; nǔ e vɔ̌sánú-xwlémawutɔ́ lɛ́ɛ dó sin lɛ́ɛ wɛ zɔ́n bɔ nǔ baɖabaɖa énɛ́ ɔ́ jɛ; yě kɔn hwɛjijɔnɔ lɛ́ɛ sín hun kɔn nyi ayǐ ɖo toxo ɔ́ mɛ.

Gbɛvíhan 4:16

Mawu Mavɔmavɔ ɖésú wɛ gba yě dó, é sɔ́ jló ná mɔ yě ǎ; mɛɖé sɔ́ nɔ́ ké ya nú vɔ̌sánú-xwlémawutɔ́ lɛ́ɛ ǎ, mɛɖé ká sɔ́ nɔ́ ɖó sísí nú mɛ e nyí gǎn ɖo togun ɔ́ nu lɛ́ɛ ǎ.

Ezekiyɛ́li 5:10

Énɛ́ ɔ́ wútu ɔ́, tɔ́ ná wlí vǐ ɖu, bɔ vǐ ná wlí tɔ́ ɖu. Un ná ɖó hwɛ nú mi, bó ná nya mɛ e ná kpo ɖo gbɛ ɖo mi mɛ lɛ́ɛ dó gbě, bɔ yě ná gba kpé wɛ̌kɛ́zo ɛnɛ lɛ́ɛ mɛ.

Ezekiyɛ́li 9:7

Mawu ɖɔ nú yě ɖɔ: “Mi yi ɖu su nú xwé ce; mi bɛ́ cyɔ lɛ́ɛ kɔn nyi kɔ́xo lɛ́ɛ ta.” Nǔgbó ɔ́, yě tɔ́n bó byɔ́ toxo ɔ́ mɛ bó hu mɛ lɛ́ɛ tɛ́.

Levíi ví 26:29

Mi ná ɖu vǐ e mi ɖésúnɔ ji lɛ́ɛ sín lan.

Sɛ́nflínmɛ 9:26

Un sa vo n'i bó ɖɔ: ‘Aklúnɔ Mavɔmavɔ, ma sú togun towe sín kún dó ó; togun towe wɛ, bɔ a zě acɛkpikpa towe e hú gǎn nǔ bǐ ɔ́, kpó hlɔ̌nhlɔ́n towe e nukɔn nǔɖé má nɔ́ nɔ te ɖe ǎ é kpó, dó hwlɛ́n yě bó ɖe yě tɔ́n sín Ejípu.