Gbɛvíhan 2:2 - MAWUXÓWÉMA

² Aklúnɔ kú nǔbláwǔ nú togun tɔn ǎ; é gba nɔtɛn togun tɔn tɔn lɛ́ɛ bǐ. Hwenu e Aklúnɔ ɖo xomɛsin jí ɔ́, é gba toxo e è mɛ ahohó lɛ́ lɛ̌ dó ɖo Judáa lɛ́ɛ bǐ; é zin axɔ́súɖuto ɔ́ kpódó gǎn e ɖ'é mɛ lɛ́ɛ kpó dɛ́, é kɔ́n wi yětɔn.

Gbɛvíhan 2:2 Iomraidhean Croise

Jɔ̌bu 2:3

Ée é ɖɔ mɔ̌ ɔ́, Mawu Mavɔmavɔ ɖɔ n'i ɖɔ: “A ma mɔ mɛsɛntɔ́ ce Jɔ̌bu a? Étɔn ɖɔhun ɖě ɖo ayǐkúngban ɔ́ jí ǎ. È nɔ mɔ nǔ jɛ do ɖě ɖɔ dó nya énɛ́ ɔ́ wú ǎ; é nɔ́ wa nǔ jlɔ́jlɔ́, é ɖo gbejí nú mì, é nɔ́ hɔn nú nǔ nyanya wiwa. Mɛ ɖěbǔ nɔ́ mɔ nǔ nyanya kwín ɖokpó lě ɖɔ dó wǔ tɔn ǎ. A ba, bɔ un dó ya n'i dó wǔvɔ́.”

Ɖɛhan 21:9

Alɔ towe ná jɛ kɛntɔ́ towe lɛ́ɛ wú. Đisí lɔ towe ná jɛ mɛ e gbɛ́ wǎn nú we lɛ́ɛ wú.

Ɖɛhan 74:7

Yě dó xwé towe zo. Yě mu dǒ lɛ́ɛ bǐ, bó ɖu su nú xwé towe.

Ezayíi 22:5

Đó égbé din ɔ́, Aklúnɔ, Mawu Mavɔmavɔ Nǔbǐwúkpétɔ́ ɔ́ dó hunnyahunnya mǐ mɛ, mǐ j'ayǐ ɖo ahwan nukɔn; mǐ sɔ́ tunwun lě e mǐ nǎ wa nǔ gbɔn é ǎ.” Zǐngídi e ɖo Nǔɖexlɛ́mɛ tɔdo ɔ́ mɛ é syɛ́n ɖésú. È nɔ sú xó bó nɔ́ byɔ́ alɔgɔ́ sɛ́ dó só lɛ́ɛ ta.

Ezayíi 23:9

Mawu Mavɔmavɔ Nǔbǐwúkpétɔ́ ɔ́ wɛ; é wɛ ɖɔ mɔ̌, bó ná dó winnyá yě mɛ énɛ́ lɛ́ɛ e nɔ́ ɖo susu xɔ wɛ lɛ́ɛ bǐ; é ná kɔ́n wi sín ta nú yě mɛ énɛ́ lɛ́ɛ e mɛ bǐ nɔ́ sɔ́ su é.

Ezayíi 25:12

Mɔwabu e, ahohó towe lɛ́ɛ ɔ́, dǒ e a mɛ lɛ́ lɛ̌ dó toxo towe bɔ kɛntɔ́ má nɔ́ sixú fán ǎ lɛ́ɛ ɔ́, Mawu mu bǐ; é zin bǐ dɛ́, bǐ ɖo kɔ́ mɛ ɖo afúntúntún tɛ́ntin.

Ezayíi 26:5

Mawu Mavɔmavɔ zin mɛ e ɖo só ta lɛ́ɛ é dɛ́; é kpíkpé toxo e ɖo ji aga ɖéé ɔ́ wá dodomɛ, é sɔ́ ɛ xo dó kɔ́ mɛ, ɖo afúntúntún mɛ.

Ezayíi 27:11

Atínla xú ɔ́, é nɔ́ fɛ́n j'ayǐ, bɔ nyɔ̌nu lɛ́ɛ nɔ́ wá cyán bó nɔ́ dó zo. Togun énɛ́ ɖó nǔnywɛ́ ɖěbǔ ǎ. Énɛ́ wú wɛ mɛ e ɖó e ɔ́ sɔ́ kú nǔbláwǔ ɖěbǔ n'i ǎ; mɛ e bló e ɔ́, sɔ́ hwɛ kɛ ɛ ǎ.

Ezayíi 43:28

Énɛ́ ɔ́, un kɔ́n gǎn gǎn e un sɔ́ lɛ́ɛ, un jó Jakɔ́bu togun ɔ́ bɔ è gba, un jó Izlayɛ́li dó bɔ é húzú slǎmɛɖɔnú nú kɛntɔ́ tɔn lɛ́ɛ.”

Ezayíi 47:6

Xomɛ sin mì dó togun ce wú; énɛ́ ɔ́, un jó mɛ e nyí ce lɛ́ɛ nú we dó dó winnyá yě. Nǔ yětɔn ká blá wǔ nú we ǎ; a zǎn acɛ e a ɖǒ ɔ́ dó dó tagba nú degénɔ lɛ́ɛ zɛ jlɛ̌ wú.

Jelemíi 13:14

Un na gba ta yětɔn ɖě dó ɖě wú. Un na dɔn tɔ́ kpó vǐ kpó sín ta kpé go. Un na jó yě ɖě dó ǎ; mɛɖé sín nǔ ká ná blá wǔ nú mì ǎ; kɛnklɛ́n ná nɔ mɛ ǎ; nǔ ɖěbǔ na ɖó mì te, bɔ un ná gɔn kún yětɔn sú dó ǎ. Xó e nyɛ Mawu Mavɔmavɔ ɖɔ ɔ́ nɛ́.’ ”

Jelemíi 19:15

“Xó e Mawu Mavɔmavɔ Nǔbǐwúkpétɔ́, Mawu Izlayɛ́li tɔn ɖɔ ɔ́ ɖíe, é ɖɔ: ‘Nǔ e un ɖɔ un na dó sín xá toxo élɔ́ kpó toxo e lɛ́ lɛ̌ dó e lɛ́ɛ kpó ɔ́, un na dó bǐ sin xá yě. Đó yě ci ta mɛ; yě ɖótó xó ce ǎ.’ ”

Jelemíi 21:7

Énɛ́ ɔ́ gúdo ɔ́, un ná jó Sedesíyasi Judáa xɔ́sú ɔ́, un ná jó gǎn hɔn-yitɔ́ tɔn lɛ́ɛ, un ná jó togun tɔn bǐ, mɛ e ná gán ɖo jɛmɛjí sí lɛ́ɛ, mɛ e ná gán ɖo ahwan sí lɛ́ɛ kpó mɛ e ná gán ɖo adɔ sí lɛ́ɛ kpó ɔ́, un ná jó yě bǐ nú Nabukodonɔzɔ́ɔ Babilɔ́nu xɔ́sú ɔ́; un ná jó yě nú kɛntɔ́ yětɔn, mɛ e jló ná hu yě lɛ́ɛ. Un ná jó yě, bɔ Nabukodonɔzɔ́ɔ ná hu yě bǐ tɛ́; é ná jó mɛ ɖokpó dó ǎ. É ká ná lɛ́n nǔɖé kpɔ́n ǎ, mɛɖé nǔ ná blá wǔ n'i ǎ. Xó e nyɛ Mawu Mavɔmavɔ ɖɔ ɔ́ nɛ́.”

Jelemíi 5:10

Mi byɔ́ vǐwungbo yětɔn lɛ́ɛ mɛ, bó sú kún yětɔn dó. Amɔ̌, mi ma sú bǐ sín kún dó ó. Mi jlá ala lɛ́ɛ síin, ɖó ala lɛ́ɛ nyí nyɛ Mawu Mavɔmavɔ tɔn ǎ;

Gbɛvíhan 2:17

Mawu Mavɔmavɔ bló nǔ e é lin ɖɔ émí ná bló é; é bló nǔ e é kó ɖɔ ɖ'ayǐ xóxó ɖɔ émí ná bló é: é gba toxo ɔ́ ma kú nǔbláwǔ n'i. É wa nǔ xá we dó dó xomɛhunhun nú kɛntɔ́ towe lɛ́ɛ, é dó goyíyí goyíyí jí nú mɛ e ma mɔ we gbɔ ǎ lɛ́ɛ.

Gbɛvíhan 2:21

Yɔkpɔ́vú kpódó degénɔ kpó ɖo títɛ́ gbɔn kɔ́ mɛ kɔ́ mɛ ɖo alixo alixo. È hu ɖyɔ̌vǐ ce lɛ́ɛ kpódó dɔ̌nkpɛvú ce lɛ́ɛ kpó ɖo ahwangbénu. Gbe e gbe a sin xomɛ ɔ́, a hu yě; a gbo gbe yě ma kú nǔbláwǔ nú yě.

Gbɛvíhan 2:5

Aklúnɔ wa nǔ xá mǐ kɛntɔ́ ɖɔhun. É gba Izlayɛ́li to ɔ́ bǐ hánnyá. É gba hɔnmɛ lɛ́ɛ bǐ hánnyá. É mu ahohó e ɖo Izlayɛ́li lɛ́ɛ. É dɔn aluwɛ kpódó awě kpó dó fí bǐ ɖo togun Judáa tɔn ɔ́ mɛ.

Gbɛvíhan 3:43

A zě xomɛsin towe cyɔ́n; a jɛ gǔdo mǐtɔn, bó hu mǐ tɛ́; a kú nǔbláwǔ nú mǐ ǎ.

Ezekiyɛ́li 5:11

“Nyɛ Aklúnɔ Mavɔmavɔ ɔ́, un xwlé gbɛ ce bó tɛ ɖɛ̌ jí ɖɔ mi zé bǒcyɔ mitɔn lɛ́ɛ kpó suɖunú mitɔn lɛ́ɛ kpó dó hɛn xwé ce blí. Din ɔ́, ahwan ná wlí mi bǐ; è nǎ xwlɛ́ ta nú mi bó xwlɛ́ atán nú mi; mɛ ɖěbǔ sín nǔ ná blá wǔ nú mì ǎ; un ná ɖe mɛɖé kpo ǎ, ɖó mi mɛ́ ǎ.

Ezekiyɛ́li 7:4

Nǔ mitɔn ná blá wǔ nú mì ǎ; kpɔ́n bó bló ná nɔ mɛ ǎ, ɖó nyi lɔ ná wa nǔ e mi dó sin lɛ́ɛ bǐ sín nǔ xá mi; énɛ́ ɔ́, nǔ baɖabaɖa e mi dó sin lɛ́ɛ ɔ́, mi ná sixú zé hwlá ǎ. Un ná wa nǔ mɔ̌, bɔ mi ná tunwun ɖɔ nyɛ wɛ nyí Mawu Mavɔmavɔ.

Ezekiyɛ́li 7:9

Nǔ mitɔn ná blá wǔ nú mì ǎ, kpɔ́n bó bló ná nɔ mɛ ǎ, ɖó nyi lɔ ná wa nǔ e mi dó sin lɛ́ɛ bǐ sín nǔ xá mi. Énɛ́ ɔ́, nǔ baɖabaɖa e mi dó sin lɛ́ɛ ɔ́, mi ná sixú zé hwlá ǎ. Un ná wa nǔ mɔ̌, bɔ mi ná tunwun ɖɔ nyɛ wɛ nyí Mawu Mavɔmavɔ, nyi wɛ ɖo nǔ wa xá mi wɛ.

Ezekiyɛ́li 8:18

Énɛ́ ɔ́ wú wɛ nyi lɔmɔ̌ ná ɖe xomɛsin ce xlɛ́ yě, bɔ yě ná tunwun ɖɔ nǔ tíin; mɛ ɖé nú ná blá wǔ nú mì ǎ, un ka ná jó mɛɖé dó ǎ; yě ná bó dó hlɔ̌nhlɔ́n bó sú xó ylɔ́ mì ɖɔ nyɛ ní wá dó alɔ émí ɔ́, un ná ɖótó yě ǎ.”

Ezekiyɛ́li 9:10

Ée é nyí mɔ̌ ɔ́, mɛ ɖé nú ɖo wǔ ná blá nú mì wɛ ǎ; un ná jó mɛɖé dó ǎ. Un ná sú nǔ e yě wa ɔ́ sín axɔ́ yě.”

Micée 5:14

Un ná sin xomɛ dó akɔta e ma nɔ se tónú nú mì ǎ lɛ́ɛ, bó ná dɔn tó nú yě.”

Malacíi 1:4

Mɛ énɛ́ lɛ́ɛ hɛn ɔ́, yě sixú ɖɔ: ‘È hɛn nǔ mǐtɔn bǐ gblé. Amɔ̌, mǐ na lɛ́ vɔ́ toxo mǐtɔn bló ɖó.’ Nǔ e ɖɔ wɛ nyɛ Mawu Mavɔmavɔ Nǔbǐwúkpétɔ́ ɔ́ ká ɖe é ɖíe: yě ní lɛ́ vɔ́ toxo yětɔn lɛ́ɛ bló ɖó; nyɛ ná lɛ́ hɛn nǔ e yě wa lɛ́ɛ bǐ gblé. Mɛ lɛ́ɛ ná sun nyǐ yě ɖɔ: ‘To e mɛ nǔ nyanya ɖo axɔ́sú ɖu ɖe wɛ é’, bó ná sun nyǐ yě ɖɔ: ‘Togun e Mawu Mavɔmavɔ ma nɔ gɔn xomɛsin dó ǎ é.’

Matíe 18:33

aniwútu wɛ hwi lɔmɔ̌ ma sixú kú nǔbláwǔ nú hǎgbɛ́ towe, lě e nyɛ kú nǔbláwǔ nú we gbɔn é ǎ?’

2 Kɔlɛ́ntinu 10:4

Ahwanfunnú e dó fun ahwan ná wɛ mǐ ɖe lɛ́ɛ nyí gbɛtɔ́ gbɛmɛ fí tɔn lɛ́ɛ tɔn ǎ: ahwanfunnú hlɔ̌nhlɔ́nnɔ Mawu tɔn e è nɔ dó mu ahohó lɛ́ɛ ná ɔ́ wɛ. Mǐ nɔ́ gba linlin e ma sɔgbe ǎ lɛ́ɛ bǐ dó.

Sɛ́nflínmɛ 28:52

Yě ná xá mi gbɔn fí e mi ɖe lɛ́ɛ bǐ káká bɔ ahohó e wú mi nɔ ɖeji dó lɛ́ɛ bǐ ná mu. Yě ná xá mi gbɔn toxo e ɖo to e Mawu Mavɔmavɔ, Mawu mitɔn na ná mi lɛ́ɛ bǐ mɛ.

Sɛ́nflínmɛ 32:22

Un sin xomɛ nǔgbó: Xomɛsin ce cí zo ɖɔhun. É fyɔ́ nǔ káká yi kútomɛ, ɖo do gɔngɔn mɛ; é fyɔ́ jinukún e ɖo ayǐkúngban jí é bǐ. É fyɔ́ nǔ káká yi sózan jí.