Gbɛvíhan 2:19 - MAWUXÓWÉMA

¹⁹ Sí te, sú xó ylɔ́ Aklúnɔ, sú xó ylɔ́ Aklúnɔ gan bǐ mɛ, ɖɔ nǔ e ɖo xo towe mɛ lɛ́ɛ bǐ n'i; dlɛ̌n alɔ towe lɛ́ɛ bó sa vo sɛ́ dó Aklúnɔ; sa vo sɛ́ dó Aklúnɔ dó hwlɛ́n vǐ towe lɛ́ɛ gán, vǐ towe e ɖo adɔ kú wɛ gbɔn alixo alixo lɛ́ɛ gán.

Gbɛvíhan 2:19 Iomraidhean Croise

Jɔ̌bu 3:24

Azɔn winwɛn húzú nǔɖuɖu nú mì, un nɔ sú xó magbokɔ, tɔ ɖo sisa wɛ ɖɔhun.

Ɖɛhan 119:55

Mawu Mavɔmavɔ, zǎn mɛ ɔ́, un nɔ flín nyǐkɔ towe lobo nɔ́ nyi sɛ́n towe.

Ɖɛhan 134:2

Mi dlɛ́n alɔ mitɔn dó tɛn mímɛ́ ɔ́, bó kpa susu nú Mawu Mavɔmavɔ.

Ɖɛhan 141:2

Un dlɛ́n alɔ sɛ́ dó we, ɖɛ e xo wɛ un ɖe ɔ́ ní wá gɔ̌n towe zǎlínkpɔ́n sín azɔ ɖɔhun; ɖɛ ce ní wá gɔ̌n towe gbada vɔ́ ɖɔhun.

Ɖɛhan 142:2

Un ɖo axwá dó ylɔ́ Mawu Mavɔmavɔ wɛ ɖɔ é ní gɔ́ alɔ nú mì; un ɖo vo sa sɛ́ dó Mawu Mavɔmavɔ wɛ.

Ɖɛhan 142:3

Un sa gbɛvo ɖo nukɔn tɔn; un ɖɔ adǎn e ɖo gbigbo mì wɛ é n'i.

Ɖɛhan 28:2

Mawu Mavɔmavɔ, nú un dlɛ́n alɔ sɛ́ dó tɛn mímɛ́ bǐ e mɛ a ɖe ɔ́ hǔn, nú un sú xó ylɔ́ we ɖɔ hwi ní wá dó alɔ mì hǔn, ɖǒtó mì.

Ɖɛhan 42:3

Mawu sín kɔ ɖo xúxú mì wɛ; Mawu gbɛɖe ɔ́ sín kɔ ɖo xúxú mì wɛ. Hwetɛ́nu un ka ná sixú byɔ́ xɔ tɔn mɛ, bó ná yi nɔtɛn tɔn?

Ɖɛhan 42:4

Zǎn kpó kéze kpó ɔ́, ɖasin wɛ nɔ nyí nǔɖuɖu ce, bɔ hweɖěbǔnu ɔ́, è nɔ ɖo kinkanbyɔ́ mì wɛ ɖɔ: “Fítɛ́ Mawu e a nɔ sɛn é ká ɖe?”

Ɖɛhan 42:8

A ɖe gbe bɔ tɔ xo zǐn, bɔ sin ɔ́ ɖě mlí hwǐn ja ɔ́, ɖěvo nɔ mlí jɛ gǔdo tɔn, bɔ bǐ nɔ́ xo wá cyɔ́n mì, bɔ sin bú mì bǐ sésé.

Ɖɛhan 62:8

Mawu jí wɛ hwlɛngán ce kpódó susu ce kpó jínjɔ́n. É wɛ nyí só e nɔ nya xɛ ɖo jǐ ce é. É wɛ nyí bibɛtɛn ce.

Ɖɛhan 63:4

ɖó xomɛnyínyɔ́ towe nyɔ́ hú gbɛ. Un ná nɔ́ ɖo mlǎmlá we wɛ.

Ezayíi 26:9

Zǎn mɛ ɔ́, nyi lɔ nɔ ba ná mɔ we, ayi ce bǐ nɔ ɖo wǔ we. A dɔn tó nú gbɛtɔ́ lɛ́ɛ lě e a ɖɔ gbɔn é; mɛ bǐ nɔ́ mɔ ɖɔ émí ɖó ná zán gbɛ lě e é jɛ xá gbɔn é.

Ezayíi 51:20

Vǐ towe lɛ́ɛ ɖo ayǐmlɔ́mlɔ́ gbɔn ali kpá ali kpá; yě cí agbanlín e ɖo fɛ́ca mɛ é ɖɔhun; yě sɔ́ ɖó hlɔ̌nhlɔ́n ɖě ǎ; xomɛsin Mawu Mavɔmavɔ tɔn wɛ ɖo nǔ wa xá yě wɛ; adǎn e Mawu gblɔ́n nú yě ɔ́ wɛ ɖo nǔ dó sin xá yě wɛ.

Jelemíi 14:18

ɖɔ ée émí yi gle mɛ é ɔ́, ahwan ko hu gbɛtɔ́ kɔn nyi kpɔ́, émí wá toxo mɛ é ɔ́, adɔ ko hu gbɛtɔ́ tɛ́ kpaɖaɖa. Gbeyíɖɔ lɛ́ɛ kpó vɔ̌sánú-xwlémawutɔ́ lɛ́ɛ kpó ɖésú ɖo wezun jí ɖo to ɔ́ mɛ. Yě kún sɔ́ tunwun nǔ e wa wɛ yě ɖě ɔ́ ó.”

Jelemíi 9:20

‘Kú fán dǒ mǐtɔn; kú byɔ́ xwé mǐtɔn ɖagbe ɖagbe lɛ́ɛ gbe. Kú hu yɔkpɔ́vú lɛ́ɛ kɔn nyi alixo alixo; é hu dɔ̌nkpɛvú lɛ́ɛ kɔn nyi tokplétɛn lɛ́ɛ.’ ”

Ezekiyɛ́li 5:10

Énɛ́ ɔ́ wútu ɔ́, tɔ́ ná wlí vǐ ɖu, bɔ vǐ ná wlí tɔ́ ɖu. Un ná ɖó hwɛ nú mi, bó ná nya mɛ e ná kpo ɖo gbɛ ɖo mi mɛ lɛ́ɛ dó gbě, bɔ yě ná gba kpé wɛ̌kɛ́zo ɛnɛ lɛ́ɛ mɛ.

Ezekiyɛ́li 5:16

“Un ná sɛ́ adɔ dó mi bɔ adɔ ná dó ya nú mi káká, bɔ mi ná kú. Adɔ ná wa nǔ xá mi káká bɔ mi ná nɔ mɔ wǔvɛ́ aɖǐgá wɛ è sɔ́ mi ɖɔhun. Un ná hɛn nǔɖuɖu kpasin e mi ɖó ɖ'ayǐ lɛ́ɛ gblé, bɔ mi ná kú adɔ.

Micée 1:16

Judáanu e mi, mi sun ɖa mitɔn lɛ́ɛ; mi xwlɛ́ ta mitɔn, ta mitɔn ní cí mlɛ́mlɛ́ aklasúta ɖɔhun; mi ya avǐ dó vǐ mitɔn vívɛ́ná lɛ́ɛ tamɛ, ɖó è na kplá yě yi kannumɔgbénu, bɔ yě ná lín dó mi.”

Naxúmu 3:10

É ɖo mɔ̌ có, è wlǐ kannumɔ tɔn hɛn yi. È hu vǐ tɔn lɛ́ɛ tɛ́ gbɔn ali jí ali jí. Mɛ e ɖu ɖ'é jí lɛ́ɛ nyi akɔ dó mɛ nukúnɖéjí tɔn lɛ́ɛ bǐ bó má, bó dó wɔlɔ kpinkpɛn togán tɔn lɛ́ɛ.

Matíe 14:25

Sín gan atɔn sɔ́ yi gan ayizɛ́n mɛ ayǐtéhɔ̌nnu mɔ̌ ɔ́, Jezu ɖi zɔnlin gbɔn xu ɔ́ jí, bó ɖidó yě gɔ̌n.

Maki 1:35

Jezu fɔ́n zǎn ayǐtéhɔ̌nnu, bó tɔ́n yi fí e mɛɖé ma ná dó tagba n'i ɖe ǎ é, bó xo ɖɛ ɖo fínɛ́.

Maki 13:35

Hǔn, mi bo nɔ acéjí, ɖó mi tunwun hwenu e xwétɔ́ ɔ́ na lɛ́ kɔ wá dó ɔ́ ǎ; é sixú nyí gbadanu, é sixú nyí zǎnxwete, é sixú nyí kokló kɔ́ así, abǐ zǎnzǎn tɛɛn.

Luki 6:12

Jezu yi ɖɛ xo gbé gbe ɖokpó ɖo só ɖé jí, bó xo ɖɛ zǎn mɛ káká bɔ ayǐ hɔ́n.

1 Timɔtée 2:8

Un jló ɖɔ súnnu lɛ́ɛ ɖo fí ɖěbǔ hǔn, yě ní nɔ xo ɖɛ, yě ní nɔ zé alɔ dó jǐ, bó nɔ xo ɖɛ kpódó ayi mímɛ́ kpó; yě ní ma nɔ sin xomɛ ó, yě ma ka nɔ ɖɔ jlɛ ó.

Hwɛɖɔtɔ́ 7:19

Ée gan wěwe ɖo nǎ xo wɛ bɔ è ɖyɔ̌ ahwanfuntɔ́ e ɖo kɛntɔ́ lɛ́ɛ cɔ́ wɛ lɛ́ɛ tlóló ɔ́, Jedenyɔ́ɔ kpó ahwanfuntɔ́ tɔn kanwe ko (100) e xwedó e lɛ́ɛ kpó wá jɛ ahwankpá ɔ́ sín dogbó jí. Ée yě jɛ fínɛ́ ɔ́, yě kún lanzo ɔ́, bó gba tɔyizɛ́n e yě hɛn lɛ́ɛ.

1 Samuwɛ́li 1:15

Ana ka yí gbe n'i ɖɔ: “Éeǒ aklúnɔ ce, nyɔ̌nu ɖé wɛ nú mì bɔ un ɖo wǔvɛ́ mɔ wɛ ɖo ayi mɛ. Un nu vɛ̌ɛn ǎ, un ka nu ahan syɛ́nsyɛ́n ɖěbǔ ǎ. Nǔ e ɖo xo ce mɛ ɔ́ ɖɔ nú Mawu Mavɔmavɔ wɛ un ɖe.

1 Samuwɛ́li 7:6

Bɔ yě bǐ kplé ɖo Misipa, bó dun sin bo ba kɔn nyi ayǐ nú Mawu Mavɔmavɔ, bó blá nu gbe nɛ́ ɔ́ gbe. Gbe nɛ́ ɔ́ gbe wɛ yě ɖɔ: “Mǐ hu hwɛ dó Mawu Mavɔmavɔ.” Fínɛ́ wɛ Samuwɛ́li húzú togun Izlayɛ́li tɔn sín gǎn ɖe.